Converchencia evolutiva
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A converchencia evolutiva u evolución converchent ye o fenomeno evolutivo que se produz en dos estructuras d'oríchens independients que rematan por tornar-se semellants porque fan funcions pareixidas. Ye de notar que, pa que pueda parlar-se de converchencia evolutiva, cal que as estructuras d'oríchen d'a on que dimana la evolución sían verdaderament diferents y os organismos comparaus, anque puedan tener antipasaus lontanos comuns, no tenesen formas de vida pareixidas cuan se considera que escomenzó lo procés de converchencia.
En Biolochía comparada, o producto d'una evolución converchent ye una forma d'homoplasia, anque no todas as homoplasias anatomicas se producen por converchencia evolutiva, y a sobén son consecuencia d'analochías. Un concepto muit amanau a o d'evolución converchent ye o de paralelismo evolutivo y, anque a distinción entre la un y l'atro no siempre ye platera, se gosa resumir o paralelismo en a producción d'estructuras parellanas a partir d'estructuras que ya se pareixeban (p. ex. por estar presents en dos organismos emparentaus en orichen). Iste proceso se diz, especificament, evolución paralela.