Tioría de grafos
De Biquipedia
A Tioría de grafos ye una branca d'as matematicas y a informatica, que estudea as propiedaz d'os grafos. En iste contesto, os grafos son conchuntos d'ochetos clamatos nodos (u bertizes) coneutatos por linias ditas ariestas (u arcos) que pueden tener asinnata una endrezera u direzión.
Os grafos se representan graficament con un punto por cada nodo, debuixando una linia entre cada dos nodos coneutatos. Si o grafo tiene endrezera, as ariestas se debuixan como sayetas con a punta siñalando o sentiu d'a conisión.
As aplicazions d'a tioría de grafos chiran arredol d'estruturas que pueden estar sistematizadas con grafos, como por eixemplo, a estrutura d'un rete informatico, o estudio de moleculas en quimica, u en atros campos como os estudeos soziolochicos.
O enzetador d'a tioría de grafos estió Leonhard Euler, cuan se miraba de resolber o problema d'os siet puents de Königsberg.
