Resfriato común

De Biquipedia
Ir ta: navego, busca
Articlo d'os 1000
O rinovirus ye una d'as causas más freqüents d'o resfriato común.

O resfriato común ye una malautía consistent en una afección catarral d'as vías respiratorias altas, de naturaleza virica, bacteriana u alerchica, favoreixita por efecto d'o fredo u d'a humidat. Afecta una u mas mucosas y se caracteriza mas que mas por a conchestión en o naso, o garganchón u o peito. Produce una hipertermia moderata, arizons y un malestar cheneral. En a mayor parti d'os casos l'achent patocheno ye un virus (rinovirus, mixovirus, adenovirus, virus sincicial respiratorio, picornavirus). Tamién recibe o nombre de rinitis aguda.[1]

Asobén ye una malautía infecciosa viral leve d'o sistema respiratorio superior (naso y cuello). Os suyos sintomas, con mas detalle, son estarnugos, secreción nasal, goteyo u conchestión nasal –asobén a la vegata u un en cada fuesa nasal–, picor, mal de cuello, tos, mal de capeza y una sensación de malestar cheneral. Gosa durar de 3 a 10 días y ye una d'as malautías mas comuns.

O resfriato común perteneixe a las infeccions d'o tracto respiratorio superior. Ye diferent d'a gripe, una infección viral mas grieu d'o tracto respiratorio,[2] con a que de vegatas se confunde,[3] pero que amostra sintomas adicionals: fiebre en aumento, tremblors y dolors musculars, tot y que muitas presonas trafucan as dos malautías.

Referencias[editar | editar código]

  1. (ca) Refredat. Diccionari enciclopèdic de medicina. Enciclopèdia Catalana, S.A. 1997-2009
  2. (en) Tamar Nordenberg, "Colds and Flu: Time Only Sure Cure". Food and Drug Administration
  3. (en) Eccles R: Understanding the symptoms of the common cold and influenza. Lancet Infect Dis. PMID 16253889, DOI 10.1016/S1473-3099(05)70270-X