Libro d'os Chuezes
De Biquipedia
O Libro d'os Chuezes ye un libro biblico de l'Antigo Testamento e d'o Tanaj ebreu, perteneixent á la colla d'os libros istoricos. En a Biblia catolica ye ubicato entre o Libro de Chosué e o de Rut.
Cuan s'escribió iste libro, Israel yera completament desorganizata, as suyas instituzions yeran agún sin definir e muitas potenzias la amenazaban.
Yahveh, aduyando a bels ombres e mullers, les da la suya fuerza ta reparar as cosas. Como isto ye d'a Dibinidat, os chuezes aparixen e desaparixen en muitas ocasions.
Degún chuez plegó á estar chefe supremo porque a suya funzión no yera de lograr a unidat, sino de soluzionar problemas; a unificazión definitiba plegó dimpués, con os Reis.
O contexto istorico en que se desarrolla iste libro empezipia con a muerte de Chosué y plega dica a monarquía. En ixe tiempo o pueblo de'Israel bibe en Canaán.
