Benus adormita
De Biquipedia
|
||||
|---|---|---|---|---|
 |
||||
| Cuatrón informatibo | ||||
| Pintor | Giorgione | |||
| Año | 1501 (?) | |||
| Estilo artistico | Renaixentista | |||
| Tecnica pictorica | Olio sobre lienzo | |||
| Dimensions | 108,5 x 175 cm | |||
| Localizazión | Gemäldegalerie Alte Meister (Galería de Pinturas de Biellos Mayestros) Dresden, Alemaña |
|||
A Benus adormita, tamién conoixita como a Benus de Dresden, ye una pintura de l'artista benezián renaixentista Giorgione, feita ta par de 1501, e que influiría muito en pinturas posteriors. Güe se troba esposata en a Gemäldegalerie Alte Meister (Galería de Pinturas de Biellos Mayestros) de Dresden (Alemaña).
En a pintura, una d'as zagueras obras de Giorgione, se bei una muller despullata con un perfil que pareix siguir o d'os tozals d'o fondo. O pintor treballó con gran detalle l'orizont e as suyas brempas. A testura de as telas, a on que chaze plazidament a diosa e l'armonioso e bucolico paisache, atorga a este cuadro un chusto equilibrio entre calma e sensualidat. En esleir de pintar una muller despullata, Giorgione marcaba una reboluzión en a estoria de l'arte; actualment ye considerato per bels criticos un d'os iniciadors de l'arte muderno.
A la suya muerte, a pintura no yera encara rematata. O zielo o remataría més tarde Tiziano. (Tiziano tamién pintaría dispués una altra Benus, encara que no produziría es mismos efeutos que a de Giorgione.)
En a obra i sozchazen cualques implicazions eroticas en o brazo debantato de Benus e en a colocazión de a man zurda en a forcacha. As telas son pintatas de plata, una color freda que contrasta con as tonalidaz més caliens usatas ta os lins, e pareixen richidas, a diferenzia d'os de pinturas similars feitas per Tiziano u Velázquez. O paisache emita as curbas d'o cuerpo de a muller, cosa que ye relazionata con o feito de tornar a figura umana t'a conzepzión d'obcheto organico e natural.
L'actitut contemplatiba enta a natura e a belleza de a figura son caracteristicas tipicas de Giorgione. A composizión d'esta pintura enfluyó clarament en Tiziano, e més tarde en pintors como Ingres u Rubens.
