A cadeneta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A cadeneta ye un chuego tradicional con o que de contino os ninos y ninas se divertiban en as carreras u en as plazas d'os lugars y ciudaz, cuan tamién se chugaba a o churrová, a gua u a o taco, que s'aventaba dica cualsiquier paret prebando d'amanar-se-ie mas que la resta d'a colla u tamién chugando contra atros tacos, fendo apuestes de cromos.

Reglas d'o chuego

A cadeneta la forman un numero variable de personas con as mans apegadas en forma d'estrinque que encorren a la resta de mesaches y mesachas encara libres. O chuego prencipia con dos ninos chuntos d'a man. Istos pretan a correr dezaga de a resta de chugadors pa agafar-los u, lo menos, tocar-los. Qui no haiga puesto enguiliar a la cadeneta s'habrá d'apegar a ella. Ye important que ista no se trenque, porque, si no, se libran os que sigan atrapaus. Se remata cuan toz os miembros son agafaus. Cal eslechir un terreno de chuego no guaire gran, u sería imposible que a toz os miembros les podesen gazupiar.

Si se quiere reprener o chuego, a parella inicial la forman miembros distintos a os d'o prencipio, que alavez la paran. A cadeneta tamién puede dividir-se en dos, si asinas s'ha decidiu antis, d'ixa traza s'alichera o chuego y se pilla rapedament a os ninos y ninas encara libres.

Datos: Q25619814