Will Penny

Will Penny
Títol	Will Penny
Ficha tecnica
Dirección	Tom Gries
Aduyant de dirección	Daniel McCauley
Dirección artistica	Roland Anderson Hal Pereira
Producción	Fred Engel Walter Seltzer
Guión orichinal	Tom Gries
Musica	David Raksin
Soniu	John R. Carter John Wilkinson
Fotografía	Lucien Ballard
Montache	Warren Low
Escenografía	Robert R. Benton Ray Moyer
Maquillache	Charles Blackman Wally Westmore
Peluquería	Nellie Manley Hedy Mjorud
Efectos especials	Paul K. Lerpae
Actors	Charlton Heston Joan Hackett Jon Gries Donald Pleasence Lee Majors Bruce Dern Ben Johnson Slim Pickens Clifton James Anthony Zerbe Roy Jenson G. D. Spradlin Quentin Dean William Schallert Lydia Clarke Robert Luster Dal Jenkins Matt Clark Luke Askew Anthony Costello Gene Rutherford Chanin Hale Stephen Edwards
Color	Technicolor
Datos y cifras
País(es)	Estaus Unius
Anyo	1968
Estreno	14 d'aviento de 1968 Londres (Reino Uniu) 10 d'abril de 1968 Estaus Unius
Chenero(s)	Cine de western Cine de drama Cine de romance
Durada	110 min.
Idioma(s)	Anglés
Companyías
Productora(s)	Paramount Pictures
Distribución	Paramount Pictures
Estudio(s)	Paramount Studios
Presupuesto	1.400.000 dólars
Recauto	1.800.000 dólars
Informacions en bases de datos especializadas:

Will Penny (títol orichinal, estrenada en Aragón con o títol en castellano d'El más valiente entre mil, en aragonés O mas valient entre mil) ye una cinta de cine estausunidense de cine de western dramatico romantico estrenada l'anyo 1968, dirichida por Tom Gries seguntes un guión orichinal d'él mesmo, con una banda sonora orichinal de David Raksin, una dirección de fotografía de Lucien Ballard, una producción cinematografica de Fred Engel y Walter Seltzer ta la productora cinematografica Paramount Pictures y un elenco d'actors d'o cual en fan parte, entre d'atros, Charlton Heston, Joan Hackett, Jon Gries, Donald Pleasence, Lee Majors, Bruce Dern, Ben Johnson, Slim Pickens, Clifton James, Anthony Zerbe, Roy Jenson, G. D. Spradlin, Quentin Dean, William Schallert, Lydia Clarke, Robert Luster, Dal Jenkins, Matt Clark, Luke Askew, Anthony Costello, Gene Rutherford, Chanin Hale y Stephen Edwards.

En rematar un treballo de trasporte de vacumen, os vaqueros que i treballaban quedan sin treballo. Un grupo decide marchar enta lo sud ta fuyir d'un hibierno mas duro en o norte, entre éls Will Penny, lo de mayor edat d'o grupo. Sindembargo, accepta cambiar a suya plaza en o tren con un choven que quiere veyer a su pai, que ye morindo, y que li charra d'un posible treballo en un rancho d'a redolada. Will viacha con Blue y Dutchy, y cuan Blue va a disparar a un alce, iste caye muerto por o disparo d'un atro cazador, que fa parte d'una familia conflictiva que viacha cazando por o territorio ta vender as piels, a familia Quint. Esclata una baralla a tiros, y Dutchy queda feriu, a la vegada que Will mata a un d'os fillos d'a familia. Levan a Dutchy enta lo lugar mas amanau ta que lo curen y plegan en un almagacén de venda d'alimentos y utensilios ta lo ganau, a on i troban a Catherine Allen, qui viacha con su fillo Horace y con un guía que pareixe poco fiable. Dutchy queda con o medico, Blue busca treballo en o lugar y Will marcha enta lo rancho a on li heban dito que trobaría treballo. En o rancho li ufren como treballo cosirar mientres l'hibierno as mugas mas en casadiós d'o rancho, en as arribizas, mientres l'hibierno, vivindo en una cabanya mientres o suyo treballo. Pero troba la cabanya ocupada, por Catherine y su fillo Horace, a qui lo suyo guía (que ya heba cobrau o pre d'o viache) ha albandonau. Lis diz que marcha ta rondiar as mugas d'o rancho pero que en poquez días i tornará, y que han de marchar. Bien luego l'ataca la familia periglosa con qui s'heba barallau, y el deixan feriu, albandonau, si ropa y sin caballo en a montanya chelada, vreyendo que no sobrevivirá. Miraglosament, consigue plegar enta la cabanya, a on encara son Catherine y Horace, que lo cudian dica que se recupera. Sindembargo, ya prencipia la part mas dura de l'hibierno, y se quedan toz tres en a cabanya. Wlll y Catherine prencipian a enamorar-se, a la vegada que Will prencipia a tractar a Horace como a un fillo. Tanimientres, de rapiconte i plegan os Quint, fendo-los presoneros. Will consigue fuyor, y casualment troba a sus amigos Dutchy y Blue que plegaban en a suya busca.

Will Penny s'ambienta en bel puesto indeterinau de l'ueste d'Estaus Unius mientres a segunda metat d'o sieglo XIX, y las suyas escenas se filmoron en Big Pine, Bishop y atras localizacions en California, incluyindo-ie Sierra Nevada, as White Mountains, as Inyo Mountains, a val Owens, lo Parque Nacional Yosemite y lo mont Whitney, y en Tucson (Arizona), amás d'en os Paramount Studios en Los Angeles, tamién en California.

Ye una cinta que ha recibiu bel premio, encara que iste no fa parte d¡os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1968.
• Cintas de 1968.

Vinclos externos

• (en) Will Penny en Internet Movie Database.
• (en) Will Penny en TCM Movie Database.

• Datos: Q847841