Widows (cinta de 2018)

Iste articlo ye sobre una cinta anglo-estausunidense de cine negro d'intriga; ta atros usos, se veiga Widows.

Widows
Títol	Widows
Póster d'a cinta.
Ficha tecnica
Dirección	Steve McQueen (director cinematografico)
Dirección artistica	Gregory S. Hooper Heather Ratliff
Producción	Steve McQueen Iain Canning Emile Sherman Arnon Milchan
Disenyo de producción	Adam Stockhausen
Guión adaptau	Gillian Flynn Steve McQueen
Basau en	Widows, serie de televisión de Lynda La Plante
Musica	Hans Zimmer
Fotografía	Sean Bobbitt
Montache	Joe Walker
Escenografía	Elizabeth Keenan
Vestuario	Jenny Eagan
Maquillache	Ma Kalaadevi Ananda Sirena Crosby Ken Diaz Jacqueline Fernandez Rosalind Jones-Crosby Deida K. Massey Nadyne Peoples Denise Pugh-Ruiz
Peluquería	Ralph M. Abalos Daniel Curet Linda D. Flowers Noriko Watanabe Jamika Wilson
Casting	Francine Maisler
Actors	Viola Davis Michelle Rodriguez Elizabeth Debicki Cynthia Erivo Colin Farrell Brian Tyree Henry Daniel Kaluuya Jacki Weaver Carrie Coon Robert Duvall Liam Neeson Jon Bernthal Manuel Garcia-Rulfo Garret Dillahunt Lukas Haas Matt Walsh Kevin J. O'Connor Jon Michael Hill Coburn Goss
Datos y cifras
País(es)	Estaus Unius Reino Uniu
Anyo	2018
Estreno	8 de setiembre de 2018 Festival Internacional de Cine de Toronto (Toronto, Ontario, Canadá) 25 de setiembre de 2018 Festival de Cine d'Aspen (Aspen, Colorado, Estaus Unius) 11 d'octubre de 2018 Festival de Cine de Londres (Londres, Gran Londres, Reino Uniu)
Chenero(s)	Cine negro Cine d'intriga Cine policiaco
Durada	130 min.
Idioma(s)	Anglés Castellano Polaco
Companyías
Productora(s)	Regency Enterprises New Regency See-Saw Films Lammas Park
Distribución	20th Century Fox
Presupuesto	42 millons de dólars
Recauto	76 millons de dólars
Informacions en bases de datos especializadas:

Widows (títol orichinal en anglés, en aragonés Víduas, estrenada en Aragón con o suyo títol traduciu enta lo castellano como Viudas) ye una cinta estrenada l'anyo 2018 de cine negro d'intriga poliiaca coproducida por o cine britanico y lo cine estausunidense, dirichida por Steve McQueen seguntes un guión adaptau por Gillian Flynn y lo mesmo Steve McQueen (basau en a serie de televisión Widows,de Lynda La Plante), con una banda sonora orichinal de Hans Zimmer, una dirección de fotografía de Sean Bobbitt, una producción cinematografica de Steve McQueen, Iain Canning, Emile Sherman y Arnon Milchan ta las productoras Regency Enterprises, New Regency, See-Saw Films y Lammas Park, y un elenco formau por Viola Davis, Michelle Rodriguez, Elizabeth Debicki, Cynthia Erivo, Colin Farrell, Brian Tyree Henry, Daniel Kaluuya, Jacki Weaver, Carrie Coon, Robert Duvall, Liam Neeson, Jon Bernthal, Manuel Garcia-Rulfo, Garret Dillahunt, Lukas Haas, Matt Walsh, Kevin J. O'Connor, Jon Michael Hill y Coburn Goss, entre d'atros actors.

Harry Rawlings y la suya banda acaban de robar en Chicago 2 millons de dólars a lo mafioso Jamal Manning, pero en perseguir-los a Policía a suya cambioneta explota y mueren toz. Jamal menaza a Veronica, la vídua de Harry, ta que li pague los 2 millons, que han desapareixiu y que amenista ta financiar a suya campanya como rechidor a lo concello de Chicago. En as eleccions ha de ganar a Jack Mulligan, l'hereu d'una dinastía que fa cuantos decenios que ocupa lo cargo, y que conoixeba a Harry. Bash, que yera lo chófer de Harry, entrega a Veronica una clau d'una caixa de seguredat d'un banco, a on troba una libreta con un plan detallau que teneba Harry ta robar a lo pai de Mulligar, Tom, conoixiu por os suyos casos de corrupción. Veronica creye que la sola suya posibilidat ye de fer ella lo robo, y contacta con as víduas d'os miembros d'a banda de Harry, Alice y Linda. Alice ha perdiu o suyo treballo y su mai la presiona ta que s'adedique a la prostitución de luxo, y Linda s'ha trobau con que su mariu heba apostau y perdiu a suya botiga de peluquería. A zaguer vídua, Amanda, no s'adhibe a lo grupo en estar mai d'un ninón casi que recient naixiu, de nomás que cuatre meses. Continan todas tres con os preparativos, a la vegada que Jatemme, lo chirmano de Jamal, ha descubierto la existencia d'a libreta y la busca, plegando mesmo enta matar a Bash, o chófer. Como amenistan un chófer, Amanda recruta a la suya nineta, Belle. Veronica visita a Amanda y veye en a casa a petaca de Harry, y prencipia a sospeitar de qui ye lo pai d'o nino d'Amanda. O suyo can descubre a Harry, amagau adintro d'un almario, y Veronica marcha sin pronunciar palabra. Descubre que Harry provocó la explosión ta amagar a traición a los suyos companyeros y que yera d'alcuerdo con Mulligan ta sobotiar a campanya de Jamal, y que lo que quereba yera prencipiar con os diners una nueva vida con Amanda y su fillo, deixando entazaga a Veronica y a lo fillo que morió feba bel tiempo por a suya culpa. Cuan finalment fan o robo, Tom reconoix a Veronica y dispara, ferindo a Alice, y cuan marchan con os diners, los lis roba Jatemme, a qui persiguen dica que muere en un accident y tornan a recuperar-los, pero tampoco no contan con Harry, qui tamién ye decidiu a tener él os diners.

A cinta s'ambienta en a suya epoca actual (2018) en Chicago (Illinois) y las suyas escenas se filmoron en ixa mesma ciudat.

Ye una cinta que ha recibiu cuantos premios y nominacions, en destacando un Premio BAFTA a la Millor Actriz en 2019 mientres a 72^ena edición d'os Premios BAFTA.

Elenco

Actor	Papel	Notas
	'

Se veiga tamién

• Cine en 2018.
• Cintas de 2018.

Vinclos externos

• Se veigan as imáchens de Commons sobre Widows.
• (en) Widows en Internet Movie Database.
• (en) Widows en Metacritic.
• (en) Widows en Rotten Tomatoes.
• (en) Widows en Box Office Mojo.

• Datos: Q29163736
• Multimedia: Widows (2018 film) / Q29163736