What Women Want

What Women Want
Títol	What Women Want
Póster d'a cinta.
Ficha tecnica
Dirección	Nancy Meyers
Dirección artistica	Gae S. Buckley Tony Fanning
Producción	Susan Cartsonis Bruce Davey Gina Matthews Nancy Meyers Matt Williams
Disenyo de producción	Jon Hutman
Guión orichinal	Josh Goldsmith Cathy Yuspa Diane Drake
Musica	Alan Silvestri
Fotografía	Dean Cundey
Montache	Thomas J. Nordberg Stephen A. Rotter Carol Littleton
Escenografía	Rosemary Brandenburg
Vestuario	Ellen Mirojnick
Maquillache	Karen Blynder Hannah Gibson Stephanie L. Massie Suzi Ostos Marsha Shearrill Ronnie Specter Brad Wilder
Peluquería	Jeri Baker Beth Buckwalter Miller Darrell Redleaf-Fielder Laine Trzinski Candy L. Walken
Casting	Deborah Aquila Howard Feuer
Actors	Mel Gibson Logan Lerman Helen Hunt Marisa Tomei Mark Feuerstein Lauren Holly Ashley Johnson Judy Greer Alan Alda Delta Burke Valerie Perrine Lisa Edelstein Sarah Paulson Ana Gasteyer Loretta Devine Diana-Maria Riva Eric Balfour Robert Briscoe Evans Alex McKenna Bette Midler
Color	Color by DeLuxe Panavision
Datos y cifras
País(es)	Estaus Unius
Anyo	2000
Estreno	13 d'aviento de 2000 Estaus Unius
Chenero(s)	Cine de comedia Cine de fantasía Cine de romance
Durada	127 min.
Idioma(s)	Anglés
Companyías
Productora(s)	Icon Productions Wind Dancer Films
Distribución	Icon Entertainment International
Estudio(s)	Culver Studios
Presupuesto	70 millons de dólars
Recauto	374,1 millons de dólars
Informacions en bases de datos especializadas:

What Women Want (títol orichinal en anglés, en aragonés O que quieren as mullers, estrenada en Aragón con o títol en castellano d'¿En qué piensan las mujeres?, en aragonés En cual cosa piensan as mullers?) ye una cinta de cine estausunidense de cine de comedia romantica fantastica estrenada l'anyo 2000, dirichida por Nancy Meyers seguntes un guión orichnal de Josh Goldsmith, Cathy Yuspa y Diane Drake, con una banda sonora orichinal d'Alan Silvestri y una producción cinematografica de Susan Cartsonis, Bruce Davey, Gina Matthews, Nancy Meyers y Matt Williams ta las productoras Icon Productions y Wind Dancer Films. De l'elenco d'actors d'a cinta en fan parte, entre d'atros, Mel Gibson, Logan Lerman, Helen Hunt, Marisa Tomei, Mark Feuerstein, Lauren Holly, Ashley Johnson, Judy Greer, Alan Alda, Delta Burke, Valerie Perrine, Lisa Edelstein, Sarah Paulson, Ana Gasteyer, Loretta Devine, Diana-Maria Riva, Eric Balfour, Robert Briscoe Evans, Alex McKenna y Bette Midler.

Nick Marshall ye un executivo d'una achencia de publicidat de Chicago, que por a educación que ha reibiu dende nino ye un perfecto eixemplo de masclista. Creye que en o suyo treballo ye bien amán d'un ascenso pero se troba con a sorpresa de que lo responsable d'a empresa ha preferiu contractar a una muller externa en cuentas de promocionar-lo a él. Dan Wanamaker, lo chefe, ha contractau a Darcy Maguire ta millorar as capacidaz publicitarias d'a empresa orientadas especificament a las mullers, y Nick no ye pas precisament o candidato mas adecuau ta ixa finalidat, porque conoix a las mullers pero nomás que en a suya faceta de conqueridor. Amás, Nick ye esvurciau y, como su muller se torna a casar y fará lo suyo pan d'a voda en un crucero enta Europa, ha de recibir en a suya casa a su filla de 15 anyos Alex, a qui practicament no conoix. En a sesión de presentación de Darcy a lo suyo equipo directivo, entrega a cadaguno d'éls una caixa con articlos destinaus a las mullers y que son fabricaus por empresas que son buscando achencia publicitaria, y Nick finalment decide probar-los toz una mica como experimento, una mica como burla, y cuan lo ye fendo caye en a banyera con augua y tamién i caye un secador de pel y queda electrocutau sin sentiu. Cuan disperta a lo día siguient, descubre bien sorprendiu que ha adquiriu a capacidat d'escuitar o que son pensando las mullers, encara que no lo digan con palabras. En primeras preba infructuosament de trobar una solución a lo problema, pero bien luego descubre que ixa capacidat li puet estar muit intresant ta la suya vida, mesmo personal que profesional. De feito, aproveita ixe poder ta escomer a posición de Darcy en a empresa, apoderando-se d'os suyos pensamientos y presentando-los como si estasen ideyas propias y ganando asinas prestichio debant d'o chefe d'a empresa. O problema ye que en iste proceso, él se ye enamorando de Darcy mesmo que Darcy se ye enamorando d'él.

A cinta s'ambienta en Chicago (Illinois) en a suya epoca actual (2000) y las suyas escenas se filmoron en Chicago (Illinois) y Beverly Hills, Long Beach y Los Angeles (California), amás d'en os Culver Studios en Culver City, tamién en California.

Se trata d'una cinta que ha recibiu bels premios y nominacions, en destacando una nominación a lo Globo d'Oro a lo Millor Actor de Musical u Comedia en a 58^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 2000.
• Cintas de 2000.

Vinclos externos

• (en) What Women Want en Internet Movie Database.
• (en) What Women Want en TCM Movie.
• (en) What Women Want en l'American Film Institute Catalog de l'American Film Institute.
• (en) What Women Want en Box Office Mojo.
• (en) What Women Want en Rotten Tomatoes.

• Datos: Q156394