Ir al contenido

Welcome to Hard Times (cinta)

De Biquipedia
Iste articlo ye sobre una cinta de western dramatico estausunidense de l'anyo 1967; ta atros usos, se veiga Welcome to Hard Times.
Welcome to Hard Times
Títol Welcome to Hard Times
Ficha tecnica
Dirección Burt Kennedy
Aduyant de dirección Al Jennings
Dirección artistica Carl Anderson
George W. Davis
Producción David Karr
Max E. Youngstein
Guión adaptau Burt Kennedy
Basau en Welcome to Hard Times, novela d'E. L. Doctorow (1960)
Musica Harry Sukman
Soniu Franklin Milton
Philip Mitchell
Charles M. Wilborn
Fotografía Harry Stradling Jr.
Montache Aaron Stell
Escenografía Henry Grace
Joseph J. Stone
Maquillache William Tuttle
Gene Bartlett
Peluquería Mary Keats
Casting Leonard Murphy
Actors Henry Fonda
Janice Rule
Keenan Wynn
Janis Paige
John Anderson
Warren Oates
Fay Spain
Edgar Buchanan
Aldo Ray
Denver Pyle
Michael Shea
Arlene Golonka
Lon Chaney Jr.
Royal Dano
Alan Baxter
Paul Birch
Dan Ferrone
Paul Fix
Elisha Cook Jr.
Kalen Liu
Ann McCrea
Color Metrocolor
Datos y cifras
País(es) Estaus Unius
Anyo 1967
Estreno 1 de mayo de 1967 Nueva York (Nueva York, Estaus Unius)[1]
Chenero(s) Cine de western
Cine de drama
Durada 103 min.
Idioma(s) Anglés
Companyías
Productora(s) Youngstein and Karr Productions
Distribución Metro-Goldwyn-Mayer
Estudio(s) Sony Pictures Studios
Informacions en bases de datos especializadas:

Welcome to Hard Times (títol orichinal en anglés, en aragonés Bienveniu a Hard Times (Tiempos Difícils), estrenada en Aragón con o títol en castellano de Una bala para el diablo, en aragonés Una bala ta lo diaple) ye una cinta de cine estausunidense de cine de western dramatico estrenada l'anyo 1967, dirichida por Burt Kennedy seguntes un guión adaptau por él mesmo (basau en Welcome to Hard Times, una novela que heba publicau E. L. Doctorow en 1960), con una dirección de fotografía de Harry Stradling Jr., una banda sonora orichinal de Harry Sukman y una producción cinematografica de David Karr y Max E. Youngstein ta la suya productora cinematografica Youngstein and Karr Productions. De l'elenco d'a cinta en fan parte, entre d'atros actors, Henry Fonda, Janice Rule, Keenan Wynn, Janis Paige, John Anderson, Warren Oates, Fay Spain, Edgar Buchanan, Aldo Ray, Denver Pyle, Michael Shea, Arlene Golonka, Lon Chaney Jr., Royal Dano, Alan Baxter, Paul Birch, Dan Ferrone, Paul Fix, Elisha Cook Jr., Kalen Liu y Ann McCrea.

Un malvau plega en un lugarón perdiu en l'ueste d'Estaus Unius clamau Hard Times y aterroriza a los suyos pocos habitants: mata a los dos solos hombres que li fan cara, Fee (o fundador d'o lugar) y Hanson (o cavafuesas), amás de violar y asasinar a Flo, la novia de Fee; amás antis de marchar incendia bella cosa d'os edificios d'o lugar. Como consecuencia, a mayor parte d'os habitants supervivients optan por marchar, pero Will Blue (l'alcalde) decide acullir a Jimmy, lo fillo de Fee, y tamién a Molly, que treballaba en o "saloon". En os siguients días i plega Zar, con cuatre mesachas que treballar ta él como prostitutas, a qui Will convence ta que se quede y ubra un "saloon" ta recibir-ie a los meneros que treballan en una mena amanada. Bien luego i plega tamién Isaac Maple, qui ye en busca d'o suyo chirmano, que yera lo propietario d'a botiga de Hard Times y ha marchau dimpués de l'incident, y tamién Will lo convence ta que i remanie, aproveitando amás que la dilichencia ha plegau con un cargamento de chenero que ya heba pagau su chirmano. Finalment, Leo Jenks, un dondiador, plega en o lugar y tamién Will lo convence ta que sía lo cavafuesas d'o lugarón. Tanimientres, encara que Will preba de salvar o lugar, Molly l'esperne porque no heba feito cara a lo malvau, y s'obsesiona por vengar-se'n porque la heba feriu. Molly consigue atrayer a Jimmy a lo suyo odio y amás tamién preba d'atrayer a Leo, que fa servir bien a pistola. A situación esclata cuan l'hombre malvau torna a apareixer por Hard Times.

Ye una cinta ambientada en bel puesto indeterminau de l'ueste d'os Estaus Unius y en bel momento tamién indeterminau d'a segunda metat d'o sieglo XIX y las suyas escenas se filmoron en Thousand Oaks (California), amás d'en os Sony Pictures Studios en Culver City, tamién en California.[2]

Actor Papel Notas
'

Se veiga tamién

[editar | modificar o codigo]

Referencias

[editar | modificar o codigo]

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Welcome_to_Hard_Times_(cinta)&oldid=2323023"