We Were Soldiers

We Were Soldiers
Títol	We Were Soldiers
Póster d'a cinta.
Ficha tecnica
Dirección	Randall Wallace
Dirección artistica	Daniel T. Dorrance Kevin Kavanaugh
Producción	Bruce Davey Stephen McEveety Randall Wallace
Disenyo de producción	Thomas E. Sanders
Guión adaptau	Randall Wallace
Basau en	We Were Soldiers Once… and Young, libro de Hal Moore y Joseph L. Galloway (1992)
Musica	Nick Glennie-Smith
Fotografía	Dean Semler
Montache	William Hoy
Escenografía	Gary Fettis
Vestuario	Michael T. Boyd
Maquillache	Jane Aull Hallie D'Amore Garrett Immel Michael Mills Craig Reardon Michael Burnett
Peluquería	Kerry Mendenhall Beth Buckwalter Miller Dawn Turner
Casting	Cathy Sandrich Gelfond Amanda Mackey
Actors	Mel Gibson Madeleine Stowe Greg Kinnear Sam Elliott Chris Klein Keri Russell Barry Pepper Đơn Dương Ryan Hurst Robert Bagnell Marc Blucas Josh Daugherty Jsu Garcia Clark Gregg Jon Hamm Blake Heron Erik MacArthur Desmond Harrington Dylan Walsh Brian Tee Johnny Tri Nguyen
Color	Color by DeLuxe Panavision
Datos y cifras
País(es)	Estaus Unius Alemanya Francia Reino Uniu
Anyo	2002
Estreno	25 de febrero de 2002 Los Angeles (California, Estaus Unius) 8 de marzo de 2002 Reino Uniu 17 d'abril de 2002 Francia 4 de chulio de 2002 Alemanya
Chenero(s)	Cine belico
Durada	138 min.
Idioma(s)	Anglés Vietnamita Francés
Companyías
Productora(s)	Icon Productions Wheelhouse Entertainment
Distribución	Paramount Pictures Concorde Filmverleih Metropolitan Filmexport Icon Productions
Presupuesto	75 millons de dólars
Recauto	115,4 millons de dólars
Informacions en bases de datos especializadas:

We Were Soldiers (títol orichinal en anglés, en aragonés Nusatros yeramos soldaus, estrenada en Aragón con o títol en castellano de Cuando éramos soldados, en aragonés Cuan yeramos soldaus) ye una cinta de cine belico coproducida por o cine estausunidense, lo cine britanico, lo cine francés y lo cine alemán estrenada l'anyo 2002, dirichida por Randall Wallace seguntes un guión adaptau por él mesmo, basau en o libro publicau por Hal Moore y Joseph L. Galloway en 1992, We Were Soldiers Once… and Young, que reculle las experiencias de Hal Moore mientres a batalla d'Ia Drang en 1965 mientres a guerra de Vietnam), con una banda sonora orichinal de Nick Glennie-Smith, una dirección de fotografía de Dean Semler, una producción cinematografica de Bruce Davey, Stephen McEveety y Randall Wallace ta las productoras Icon Productions y Wheelhouse Entertainment y que conta con un elenco d'o cual en fan parte, entre d'atros, os actors Mel Gibson, Madeleine Stowe, Greg Kinnear, Sam Elliott, Chris Klein, Keri Russell, Barry Pepper, Đơn Dương, Ryan Hurst, Robert Bagnell, Marc Blucas, Josh Daugherty, Jsu Garcia, Clark Gregg, Jon Hamm, Blake Heron, Erik MacArthur, Desmond Harrington, Dylan Walsh, Brian Tee y Johnny Tri Nguyen.

En 1954, mientres a Primera Guerra d'Indochina, s'escaició la batalla d'o paso Mang Yang, a on o Viet Minh redotó a l'exercito francés. Once anyos dimpués, en primerías d'a guerra de Vietnam, designan a lo tenient coronel Hal Moore, de l'exercito estausunidense, ta que organice un batallón d'infantería que en cuentas de viachar en cambions y atros transportes terrestres, plegue y marche d'a batalla montada en helicopteros. Recruta y organiza a lo suyo batallón, y bien luego lis plega la orden de marchar a combatir en Vietnam. En plegar en Vietnam, prencipia un ataque contra una base militar estausunidense, o seche de Plei Me, y ordenan a Moore levar a los suyos soldaus en a retraguarda d'os nortvietnamitas y destruyir a los atacants. Tanimientres, os mandos desconoixen a composición exacta d'as tropas enemigas y cuan Moore plega con o primer grupo d'os suyos 400 soldaus descubren por un presonero que en a val d'o río Ia Drang a on han plegau tien o suyo campamento una división bien experimentada formada por 4.000 soldaus bien entrenaus. Encara que con muitas baixas, Moore consigue organizar un puent aerio con os helicopteros ta fer plegar a toz os suyos soldaus, recebindo amás lo refirme d'artillería dende la base estausunidense atacada, d'os mesmos helicopteros y de bombarderos. Siultaniament, dende lo día siguient l'exercito prencipia a ninviar notificacions a las mullers d'os soldaus muertos, fendo-las plegar a traviés de taxis, y la muller de Moore, Julia Moore s'implica demanando que li ninvíen a ella las notificacions ta fer-las plegar ella mesma en os suyos destinatarios. Ixa nueit, Nguyen Huu An, lo chefe d'ps nortvietnamitas, ordena un ataque cheneral, y dende lo maitín Moore veye que las suyas tropas son el periglo y activa flecha crevada, un sinyal en codigo ta indicar que una unidat militar ye en greu periglo y demana cualsiquier aduya disponible. Como respuesta, plegan muitos bombarderos y cazas estausunidenses que colaboran a reusar os ataques. Moore y las suyas tropas s'amanan a lo centro de mando vietnamita pero son bien amán d'estar emboscaus, salvando-se nomás que por o refirme d'os helicopteros y conseguindo fer reblar a l'enemigo gracias a ixo.

A cinta s'ambienta en dos momentos concretos, en 1954 en Vietnam y en 1965 en Estaus Unius y Vietnam, y las suyas escenas se filmoron en Fort Hunter Liggett en California y en Fort Bragg en Cheorchia, amás d'en Columbus (Cheorchia) y Morro Bay y Pasadena (California).

We Were Soldiers ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2002.
• Cintas de 2002.

Vinclos externos

• (en) We Were Soldiers en Internet Movie Database.
• (en) We Were Soldiers en TCM Movie.
• (en) We Were Soldiers en l'American Film Institute Catalog de l'American Film Institute.

• Datos: Q623502