War Horse (cinta)

Iste articlo ye sobre una cinta de drama belico anglo-indo-estausunidense estrenada en 2011; ta atros usos, se veiga War Horse.

War Horse
Títol	War Horse
Póster d'a cinta.
Ficha tecnica
Dirección	Steven Spielberg
Dirección artistica	Andrew Ackland-Snow
Producción	Steven Spielberg Kathleen Kennedy
Disenyo de producción	Rick Carter
Guión adaptau	Lee Hall Richard Curtis
Basau en	War Horse, novela (Michael Morpurgo, 1982) y War Horse, obra teatral (Nick Stafford, 2007)
Musica	John Williams
Soniu	Richard Hymns Gary Rydstrom Andy Nelson Tom Johnson Stuart Wilson
Fotografía	Janusz Kamiński
Montache	Michael Kahn
Escenografía	Lee Sandales
Vestuario	Joanna Johnston
Efectos especials	Ben Morris Neil Corbould
Casting	Jina Jay
Actors	Emily Watson David Thewlis Peter Mullan Niels Arestrup Jeremy Irvine Tom Hiddleston Benedict Cumberbatch Céline Buckens Toby Kebbell Patrick Kennedy Leonard Carow David Kross Matt Milne Robert Emms Eddie Marsan Nicolas Bro Rainer Bock Hinnerk Schönemann Gary Lydon Geoff Bell Liam Cunningham Sebastian Hulk Gerard McSorley Tony Pitts Pip Torrens Philippe Nahon Jean-Claude Lecas Julian Wadham David Dencik Edward Bennett Johnny Harris Tam Dean Burn Maximilian Brückner Michael Ryan Maggie Ollerenshaw
Color	Color by DeLuxe
Datos y cifras
País(es)	Reino Uniu Estaus Unius India
Anyo	2011
Estreno	4 d'aviento de 2011 Nueva York (Nueva York, Estaus Unius) 13 de chinero de 2012 Reino Uniu 10 de febrero de 2012 India
Chenero(s)	Cine belico
Durada	146 min.
Idioma(s)	Anglés Alemán
Companyías
Productora(s)	DreamWorks Pictures Reliance Entertainment Amblin Entertainment The Kennedy/Marshall Company
Distribución	Walt Disney Studios Motion Pictures
Estudio(s)	Longcross Studios Twickenham Studios
Presupuesto	66-70 millons de dólars
Recauto	177,6 millons de dólars
Informacions en bases de datos especializadas:

War Horse (títol orichinal en anglés, en aragonés Caballo de guerra, enguerada en Aragón con o títol metat en anglés metat en castellano de War Horse (Caballo de batalla)), en aragonés Caballo de guerra (caballo de batalla) ye una cinta de cine de drama belico coproducida por o cine estausunidense, lo cine britanico y lo cine indio, estrenada l'anyo 2011 y dirichida por Steven Spielberg seguntes un guión adaptau por Lee Hall y Richard Curtis (basau en War Horse, una novela publicada por Michael Morpurgo l'anyo 1982, y en War Horse, una obra teatral de Nick Stafford de l'anyo 2007), con una banda sonora orichinal de John Williams, una dirección de fotografía de Janusz Kamiński, una producción cinematografica de Steven Spielberg y Kathleen Kennedy ta las productoras DreamWorks Pictures, Reliance Entertainment y Amblin Entertainment y The Kennedy/Marshall Company, y que conta con un elenco d'o cual en fan parte, entre d'atros actors, Emily Watson, David Thewlis, Peter Mullan, Niels Arestrup, Jeremy Irvine, Tom Hiddleston, Benedict Cumberbatch, Céline Buckens, Toby Kebbell, Patrick Kennedy, Leonard Carow, David Kross, Matt Milne, Robert Emms, Eddie Marsan, Nicolas Bro, Rainer Bock, Hinnerk Schönemann, Gary Lydon, Geoff Bell, Liam Cunningham, Sebastian Hulk, Gerard McSorley, Tony Pitts, Pip Torrens, Philippe Nahon, Jean-Claude Lecas, Julian Wadham, David Dencik, Edward Bennett, Johnny Harris, Tam Dean Burn, Maximilian Brückner, Michael Ryan y Maggie Ollerenshaw.

War Horse conta la historia d'un caballo naixiu en 1912 en Devon en o Reino Uniu. Ye un caballo de buena raza, apto ta corridas y astros esportes ecuestres, y cuan encara ye un potro lo venden en una subhasta, a on lo merca lo granchero Ted Narracott en superando la oferta d'o suyo terratenient Lyons. Resulta que la familia amenistaba un caballo ta treballar y no un caballo de corridas, asinas que la suya muller, Rose, se permena. Pero finalment o fillo, Albert, fa vinclos bien estreitos con l'animal y consigue que accepte treballar con l'aladro levando una collera, salvando la grancha d'a familia. Pero en 1914 as pluyas escotiflan a la familia y Ted se veye obligau a vender o caballo a l'exercito britanico, que amenista caballos ta la guerra. L'oficial que merca l'animal ta l'exercito li promete a Albert que cudiará de l'animal y que estará lo suyo caballo personal. Tanimientres, cuan plegan en Francia en a batalla, l'oficial muere en una carga de caballería que desfan as metralladeras alemanas y lo caballo pasa a mans alemanas. Destinan a l'animal a artillería, ta transportar canyons, pero cuan os caballos no acceptan a collera deciden matar-los, alvando-se nomás que porque lo caballo protagonista conoixeba y accepta la collera. Treballa asinas en Flandres a lo cudiau de dos chirmans soldaus de l'exercito alemán, dica que los consideran desertors y los fusilan, sin parar cuenta d'os caballos que auedan asinas libres. Una coven francesa, Emilie, los troba y fa tamién una gran amistat con o caballo, pero nuevament lis son confiscaus toz os caballos por os alemans. Cuan plega 1918, Albert s'ha alistau en l'exercito britanico y luita en a segunda batalla d'o Somme, a on queda feriu y con ceguera temporal. D'atra man, o soldau alemán que cudia d'os caballos finalment los libera ta evitar-lis a muerte, y lo protagonista torna a quedar libre. Sindembargo, queda atrapau en una arambrada en a linia d'o frent entre toz dos exercitos, estando liberau por dos soldaus, un alemán y un anglés., quedando lo caballo en poder de l'anglés, qui lo leva enta las suyas linias. Cuan Albert escuita la narración d'istos feitos, queda convenciu de que se tracta d'o suyo caballo y marcha en a suya busca, conseguindo trobar-lo. Pero bien lueg remata la guerra y l'exercito britanico decide que nomás que los caballos d'os oficials tornen en o Reino Uniu y toz os demás se vendan en subhasta. En a subhasta Albert y los suyos camaradas puyan contra un carnicero, pero parixe en a subhasta l'avuelo d'Emilie, qui fa una puya insuperable y consigue l'animal, porque perteneixió a la suya nieta que ha muerto dende alavez, y no sabe de l'intrés que tien Albert por l'animal en estar él qui lo crió.

A cinta s'ambienta en os anyos 1912, 1914, 1915, 1916, 1917 y 1918 en Devon (Anglaterra) en o Reino Uniu, en Francia y en Flandres en Belchica, y las suyas escenas se filmoron en Luton (Bedfordshire), Stratfield Saye (Hampshire), Chippenham (Wiltshire), Farnham y Ockham (Surrey) y Sheepstor, Widecombe in the Moor, Yelverton y atras localizacions en Devon, amás d'en os Longcross Studios en Chertsey (Surrey) y los Twickenham Studios en Twickenham (Gran Londres).

Se tracta d'una cinta que ha recibiu cuantos premios y nominacions, en destacando seis nominacions a los Premios Oscar (Millor Cinta, Millor Disenyo de Producción, Millor Fotografía, Millor Banda Sonora Orichinal, Millor Edición de Soniu y Millor Mezcla de Soniu) en a suya 84^ena edición; cinco nominacions a los Premios BAFTA (Millor Banda Sonora, Millor Fotografía, Millor Disenyo de Producción, Millor Soniu y Millors Efectos Especials) en a suya 65^ena edición; y dos nominacions a los Premios Globos d'Oro (Millor Cinta Dramatica y Millor Banda Sonora Orichinal) en a suya 69^ena edición.

Elenco

Actor	Papel	Notas
	'

Se veiga tamién

• Cine en 2011.
• Cintas de 2011.

Vinclos externos

• (en) War Horse en Internet Movie Database.
• (en) War Horse en Box Office Mojo.
• (en) War Horse en Rotten Tomatoes.

• Datos: Q218589