Vueitre/SLA

De Biquipedia
Ir a la navegación Ir a la búsqueda
Logo SLA.png Iste articlo ye escrito con a grafia d'a SLA. Puet veyer-se a version escrita con as normas de l'Academia aquí.
Vueitres
Bengalgeier.JPG
Vueitre de Bengala (Gyps bengalensis)
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Ordens e famílias

Los vueitres u vultres (Grafia de Uesca: bueitres, bultres) son las carnuceras que pueden trobar-se per toz los continents, fueras d'en Oceania e Antartida. En Aragon, lo nombre de vueitre s'emplega més que més ta la espécie Gyps fulvus, d'a família d'os accipitridos.

Una d'as caracteristicas particulars de muitos vueitres ye la suya capeça pelada, sin plumage, probablement devito a que una capeça con plumas s'emporcaria con sangre e altros fluidos en introducir-la a dintro d'os carnuços d'animals grans e seria difícil de mantener-la límpia.

Tamien gosan a estar aus de notable grandária. Per ixo han a menister de trobar bolsas d'aire calient ta elevar-se. A més, no volan a gran velocidat ni baten guaire las alas.

Clasificacion[editar | editar código]

Per un regular, los vueitres se clasifican en dos grupos:

  • Los vueitres d'o viello mundo, esparditos per Africa, Asia e Europa, que perteneixen a la família d'es accipitridos, la quala tamien inclui las alicas e los açors. Troban carnuços mientres volan grácias a la suya vista.
  • Los vueitres d'o nuevo mundo e los cóndors, esparditos per las Americas, no se troban emparentatos con la família d'es accipitridos; perteneixen a la família d'es catartidos, que bels autors clasifican a dintro d'es ciconiformes.[1] Cuentan con un sobrebuen sentito de l'olfauto, poco usual en un carnucero.

Las semellanças entre los dos grupos son devitas a una evolucion convergent més que no a una relacion amanata.

Referéncias[editar | editar código]

  1. Entrata Cathartidae en a basi de datos taxonomica d'o NBCI

Vinclos externos[editar | editar código]