Vocal zarrada posterior arredondiada

Vocal zarrada posterior arredondiada
u
Codificación
N° d'orden en l'AFI:	308
Entidat (dec):	u
Unicode (hex):	U+0075
X-SAMPA:	u
Kirshenbaum:	u
Braille:
Soniu
{{{nota1}}}

A vocal zarrada posterior arredondiada ye un soniu vocalico emplegau en muitas as luengas parladas. O simbolo en l'Alfabeto Fonetico Internacional ⟨u⟩ y o simbolo X-SAMPA equivalent ye u.

En a mayoría d'os idiomas, ista vocal arredondiada se prenuncia con os labios protruius ('endolabial'). Manimenos, en bels casos os labios son comprimius ('exolabial').

A vocal zarrada posterior arredondiada ye casi identica en os suyos rasgos foneticos a la aproximant labiovelar [w]. A [u] alterna con a [w] en bels idiomas, como o francés y en diftongos de belatros idiomas. A [u̯] con o signo diacritico no silabico y a [w] s'emplegan en diferents sistemas de transcripción pa representar o mesmo soniu.

Caracteristicas

• A suya ubertura ye zarrada, lo que significa que a luenga se sitúa tan cerca como siga posible d'o paladar sin creyar una constricción que se pueda calificar como consonant.
• A suya localización ye posterior, lo que significa que a luenga se sitúa tan dezaga como siga posible en a boca sin creyar una constricción que se pueda calificar como consonant.
• O suyo arredondeyo vocalico ye protruiu, lo que significa que os labios son abocinaus y a suyas superficies interiors exposadas.

Presencia

En aragonés

En aragonés existe iste fonema y se representa con o grafema <u> en todas as suyas realizacions: ungla ([’uŋgla]), fuso ([’fuso]), furco ([’fuɾko]), otular ([otu’laɾ]), puyas ([’puyas]), auca ([’au̯ka]), pauto ([’pau̯to]), augua ([’au̯ɣwa]), auto ([’au̯to]), aspeuto ([as’peu̯to]), cudiau ([ku’ðjau̯]).

Eixemplos en diferents luengas

Idioma		Palabra	AFI	Significau	Notas
Alemán		Fuß	[fuːs]	piet	Se veiga fonetica de l'alemán
Anglés		book	[buk]	libro	Se veiga fonetica de l'anglés
Aragonés		ungla	[uŋgla]	ungla	Se veiga fonetica de l'aragonés
Castellano		curable	[kuˈɾäβ̞le̞]	curable	Se veiga fonetica d'o castellano
Catalán		suc	[s̺uk]	suco	Se veiga fonetica d'o catalán
Francés		où	[u]	on	Se veiga fonetica d'o francés
Italiano		tutto	[ˈt̪ut̪t̪o]	tot	Se veiga fonetica de l'italiano

Se veiga tamién

• Aproximant labiovelar sonora.

Referencias

• Datos: Q29653