Verbos incoativos en catalán

De Biquipedia
Ir ta: navego, busca

Os verbos incoativos en o catalán se troban uns pocos en a conchugación que remata en -er (coincidindo en bells casos con l'aragonés), y en a més gran part d'os casos en a conchugación que remata en -ir, on predominan amplament.

Verbos incoativos d'a conchugación que rematan en -er son néixer, créixer, meréixer, paréixer.

Verbos d'a conchugación en -ir que no se conchugan como incoativos bi n'ha pocos: bullir, collir, cosir, eixir, fugir, morir, obrir, omplir, sentir, tossir, beluns como tossir y cosir son irregulars con cambeyo d'O ta U, y belatros pueden conchugar-se como incoativos en a parla vulgar como sentir.

Bi ha verbos d'a conchugación en -ir como llegir u mentir on coexiste a traza incoativa con a traza orichinal (ell llegeix/ell llig).

O incremento verbal -ix- prene diferents formas seguntes os dialectos, y ye diferent en valencián (més pareixito n'esto a lo catalán medieval escrito) respecto a lo estandard de Catalunya.

Verbos incoativos en catalán occidental[editar | editar código]

O estandard valencián mos sirve como referencia pa entender como son los verbos incoativos tamién en catalán noroccidental, cambeyando bells morfemas presonals de primera y tercera presona que diferencian estos dos grans grupos de parlas occidentals.

Present d'indicativo Present de subchuntivo
Servisc Servisca
Servixes Servisques
Servix Servisca
Servim Servim
Serviu Serviu
Servixen Servisquen

En catalán nordoccidental ye, con variants menors por lo que fa a pronunciar-lo, con X u S debant d'o fonema k:

Present d'indicativo Present de subchuntivo
Servixco Servixca
Servixes Servixques
Servix Servixque
Servim Servim
Serviu Serviu
Servixen Servixquen

En bellas zonas d'o catalán ribargozán, o sufixo incoativo s'ha perdito en o mesmo proceso castellanizador que ha feito que se pierda en aragonés ribagorzán jo sirvo en cuenta de jo servixco.

Verbos incoativos en catalán oriental[editar | editar código]

O estandard que s'emplega en Catalunya reflecta una traza muito estendillata en catalán oriental. A E se pronuncia ubierta.

Present d'indicativo Present de subchuntivo
Serveixo Serveixi
Serveixes Serveixis
Serveix Serveixi
Servim Servim
Serviu Serviu
Serveixen Serveixin

En as Islas Balears o estandard local ye diferent, y como en o estandard valencián, reflecta una traza més pareixita a lo luengache medieval.

Veyer tamién[editar | editar código]


Os verbos incoativos en aragonés y atras luengas romances
Os verbos incoativos en galaico-portugués | os verbos incoativos en astur-leyonés | os verbos incoativos en castellán | os verbos incoativos en aragonés | os verbos incoativos en catalán | os verbos incoativos en occitán | os verbos incoativos en francés | os verbos incoativos en italián | os verbos incoativos en rumán


 
Gramatica d'o catalán
Fonetica Accentuación · Fonetica · Fonolochía
Morfolochía Adverbios · Articlos definius Articlo salau · Articlos indefinius · Chenero · Conchuncions · Determinants · Numerals · Numero · Pronombres (Pronombre presonal) · Pronombres adverbials · Prefixo · Sufixo · Preposicions · Verbos (Locucions verbals, Construccions verbo-nominals · Verbos incoativos)
Sintaxi Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions con infinitivo
Lexicolochía Cultismos · Lexico (Americanismos · Arabismos · Aragonesismos · Castellanismos · Celtismos · Chermanismos · Escandinavismos · Superstrato francico · Galicismos · Goticismos · Helenismos · Italianismos · Leyonesismos · Lusismos · Mozarabismos · Neerlandismos · Occitanismos · Persismos · Tudesquismos · Turquismos) · Semicultismos
Ortografía Normas ortograficas d'o catalán