Valentín Carderera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Valentín Carderera y Solano
O pintor, historiador de l'arte y arqueologo aragonés Valentín Carderera y Solano.
Información personal
Calendata de naixencia	14 de febrero de 1796
Puesto de naixencia	Uesca (Plana de Uesca)
Calendata de muerte	25 de marzo de 1880
Puesto de muerte	Madrit (Espanya)
Ocupación	Pintor, arqueologo y historiador de l'arte

Valentín Carderera y Solano, naixito de Uesca (Plana de Uesca) o 14 de febrero de 1796 y muerto en Madrit (Espanya) o 25 de marzo de 1880, estió un pintor, y historiador de l'arte aragonés.

Formato en a Universidat Sertoriana de Uesca, enampló estudios en Zaragoza, Madrit y Roma, aproveitando ta vesitar tota a peninsula italica.

Estió tamién comisario d'o Gubierno espanyol t'a inventario d'os monesterios afectatos por a desamortización de Mendizábal en bellas provincias de l'actual Castiella y Leyón. Intresato por o coleccionismo, as suyas coleccions estioron l'alacet d'un Museu que s'heba d'instalar en l'antiga seu d'a Universidat Sertoriana.

Respective d'o suyo treballo artistico, estió mas que mas un retratista (a sobén de personalidaz politicas), adhibindo-ie bellos cuadros de tematica historica. Prenió parte en a Exposición Internacional de París de 1855 y en a Exposición Internacional de Londres de 1862. Antiparte, estió miembro d'a Reyal Academia d'Artes Polidas de Sant Ferrando y d'a Reyal Academia d'a Historia.

Enrastrex externos

• (es) Valentín Carderera y Solano en a pachina web d'a Gran Enciclopedia Aragonesa.