Valentín Lorén
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Valentín Lorén 
| ||
|---|---|---|
| Información personal | ||
| Naixencia | 23 d'agosto de 1947 Zaragoza (Provincia de Zaragoza, Aragón)
| |
| Reside á | Zaragoza | |
| Esporte | Boxeyo | |
| Disciplina | Peso pluma y super pluma | |
| Profesional en | 1966 - 1974 | |
| Retirata | 1974 | |
| Millor clasificación | Campión d'Espanya de Boxeyo de pesos super pluma (1971) | |
| Títols | ||
| Campión d'Espanya de Boxeyo de pesos super pluma (1971) | ||
| 42 combates- 27 victorias (4 KO)- 12 (4 KO) derrotas - 3 nulos | ||
Valentín Lorén Bustos naixiu de Zaragoza (Provincia de Zaragoza) o 23 d'agosto de 1947 , ye un destacau boxiador aragonés hue retirau que competiba en a categoría de peso pluma y super pluma, plegando a estar Campión d'Espanya de Boxeyo de pesos pluma, tamién participó en os Chuegos Olimpicos de Tokio 1964.
Antis de fer-se profesional participó en os Chuegos Olimpicos de 1964 con a selección espanyola, a suya partecipación ye remerada por os aficionaus d'o boxeyo por a suya descalificación en o segundo combate en as rondas clasificatorias. En o primer combate ganó a un boxiador francés, y en o segundo combate por a suya forma de luitar siempre enta debant o arbitro consideró que luitaba con a capeza muit baixa y en cuentas de fer-li una amonestación por ista forma de luitar puyó entalto o brazo d'o luitador Hung Chang d'a isla de Formosa (hue parte de Taiwan) donando-li como guanyador d'o combate por descalificación de Valentín. Lorén en no aceptar a decisión de l'arbitro li donó un golpe de punyo per o que estió sancionado ta cutio como boxiador amateur.
Dimpués d'a sanción decidió fer-se boxiador profesional y se trasladó a vivir enta Barcelona, por ixas envueltas uno d'os puestos de concentración de boxeadors aragoneses que quereban boxeyar profesionalment. Principió competindo en a categoría de peso pluma, plegando a disputar lo titol de campión de Espanya en l'anyo 1970 contra o tamién aragonés y l'alavez campeón Luis Aísa. Valentín perdió lo combate y Luis retenió lo titulo d'a categoría.
Dimpués d'ista derrota baixa de peso y prencipia a competir en o peso supergallo, categoría en a que o 17 d'abril de 1971 se proclamó campión d'Espanya, redotando per puntos a o madrilenyo Andrés Martín. Con 27 anyos se retiró d'o boxeyo pa treballar en as instalacions que a interpresa papelera Saica teneba en o Rabal de Zaragoza.