V for Vendetta (cinta)

Iste articlo ye sobre una cinta d'intriga dramatica de ciencia-ficción anglo-chermano-estausunidense de 2005; ta atros usos, se veiga V for Vendetta.

V for Vendetta
Títol	V for Vendetta
Ficha tecnica
Dirección	James McTeigue
Dirección artistica	Stephen Bream Sarah Horton Sebastian T. Krawinkel Kevin Phipps
Producción	Lana Wachowski Lilly Wachowski Joel Silver Grant Hill
Disenyo de producción	Owen Paterson
Guión adaptau	Lana Wachowski Lilly Wachowski
Basau en	V for Vendetta, cómics de David Lloyd d'os anyos 1980
Musica	Dario Marianelli
Fotografía	Adrian Biddle
Montache	Martin Walsh
Escenografía	Peter Walpole
Vestuario	Sammy Sheldon
Maquillache	Paul Engelen Melissa Lackersteen
Peluquería	Petra Schaumann Valeska Schitthelm Lesley Smith Jeremy Woodhead Sidony Etherton
Casting	Lucinda Syson
Actors	Hugo Weaving Natalie Portman Stephen Rea Stephen Fry John Hurt Tim Pigott-Smith Rupert Graves Roger Allam Ben Miles Sinéad Cusack Natasha Wightman Imogen Poots John Standing Eddie Marsan Clive Ashborn Guy Henry
Datos y cifras
País(es)	Estaus Unius Reino Uniu Alemanya
Anyo	2005
Estreno	11 d'aviento de 2005 Austin (Texas, Estaus Unius) 13 de febrero de 2006 Festival Internacional d'o Cine de Berlín (Berlín, Alemanya) 17 de marzo de 2006 Reino Uniu
Chenero(s)	Cine d'intriga Cine de drama Cine d'acción Cine de ciencia-ficción
Durada	133 min.
Idioma(s)	Anglés Francés Latín Castellano
Companyías
Productora(s)	Silver Pictures Virtual Studios Studio Babelsberg Vertigo DC Comics Anarchos Productions, Inc.
Distribución	Warner Bros. Pictures
Presupuesto	50-54 millons de dólars
Recauto	134,7 millons de dólars
Informacions en bases de datos especializadas:

V for Vendetta (títol orichinal en anglés, en aragonés V de Vendetta, estrenada en Aragón con iste zaguer títol) ye una cinta de cine d'intriga de drama d'acción de ciencia-ficción coproducida por o cine estausunidense, lo cine britanico y lo cine alemán estrenada l'anyo 2005, dirichida por James McTeigue seguntes un guión adaptau por Lana Wachowski y Lilly Wachowski (basau en V for Vendetta, un conchunto de cómics de David Lloyd publicaus mientres os anyos 1980), con una banda sonora orichinal de Dario Marianelli, una dirección de fotografía d'Adrian Biddle, y una producción cinematografica de Lana Wachowski, Lilly Wachowski, Joel Silver y Grant Hill ta las productoras Silver Pictures, Virtual Studios, Studio Babelsberg, Vertigo DC Comics, y Anarchos Productions, Inc.. De l'elenco d'actors d'a cinta en fan parte, en os suyos papels prencipals, Hugo Weaving, Natalie Portman, Stephen Rea, Stephen Fry, John Hurt, Tim Pigott-Smith, Rupert Graves, Roger Allam, Ben Miles, Sinéad Cusack, Natasha Wightman, Imogen Poots, John Standing, Eddie Marsan, Clive Ashborn y Guy Henry.

En un futuro situau en os anyos 1990, lo Reino Uniu se troba gubernau por un partiu clamau Norsefire, con un alto canceller clamau Adam Sutler, qui ha establiu una dictadura faixista que funciona con un sistema de propaganda obsesiva y con una ampla represión politica y social que zarra en a garchola u asasina a cualsiquier disident, opositor u personas a qui ixe rechimen considera indeseyable, como homosexuals, immigrants o practicants de relichions no oficials. Evey Hammond treballa en a BTN, la cadena de televisión estatal y lo suyo chirmano morió fa 14 anyos en una pandemia por un ataque terrorista biolochico, desapareixendo poco dimpués sus país, opositors a lo partiu oficial, a mans d'o Gubierno. En a nueit d'o 4 de noviembre, un grupo d'achents quieren violar a Evey, salvando-la un emmascarau con una mascara de Guy Hawkes, que dimpués la leva a presenciar o suyo atentau contra l'Old Bailey. A lo día siguient, ixe emmascarau asalta la BTN y fa emitir un comunicau reivindicando l'atentau y citando a la población a reunir-se con él o 5 de noviembre de l'anyo siguient debant d'o Parlamento d'o Reino Uniu ta, chuntos, derrocar a lo Gubierno. Cuan fuye d'o lugar se troba acorralau por a Policía pero Evey lo salva, quedando la mesacha incosncient. Ta salvar-la, l'emmascarau la leva con él enta la suya casa. Prencipia una busca por a Policía de l'emmascarau y d'Evey, a la vegada que l'emmascarau mata poquet a poquet a feguras clau d'o partiu gubernamental. Eric Finch, l'inspector chefe a lo cudiau d'a investigación, descubre que tos os asasinaus heban estau implicaus en una garchola concreta a on se i facioron investigacions biolochicas, morindo-ie toz os presos menos un, clamau V, qui pareixeba haber desenrollau bel mecanismo contra lo virus. L'inspector deduz que l'emmascarau ye ixe V, pero lo dictador Sutler el presiona de contino, a él y a toz, ta que localicen y eliminen a l'emmascarau. D'atra man, Evey fuye de casa de l'emmascarau, nomás que ta presenciar cómo la Policía fa desapareixer a un d'os suyos amigos y finalment ella mesma ye arrestada. L'emmascarau la torna a salvar y li explica cómo ha preparau la destrucción d'o Parlamento, con un metro a on ha preparau una gran cantidat d'explosivos y que esclatará baixo l'edificio.

A cinta s'ambienta en un futuro en os anyos 1990 en a ciudat de Londres (Reino Uniu), y las suyas escenas se filmoron en cuantas localizacions en Hatfield (Hertfordshire) y Londres (Gran Londres) en o Reino Uniu y Potsdam y Stahnsdorf (Brandemburgo) y Berlín en Alemanya.

Se tracta d'una cinta que ha recibiu cuantismos premios y nominacions, encara que garra d'éls no perteneixe a lo conchunto d'os premios mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 2005.
• Cintas de 2005.

Vinclos externos

• Se veigan as imáchens de Commons sobre V for Vendetta.
• (en) V for Vendetta en Internet Movie Database.
• (en) V for Vendetta en l'American Film Institute Catalog de l'American Film Institute.
• (en) V for Vendetta en Box Office Mojo.
• (en) V for Vendetta en Rotten Tomatoes.
• (en) V for Vendetta en Metacritic.

• Datos: Q5890
• Multimedia: V for Vendetta / Q5890