Usuario:RenatoGar/Futuro articlo historico
| Juan Sancho García | |
|---|---|
| 12 d'abril de 1931 – 1934 | |
| Precediu por | Martín Berni Villellas |
| Succediu por | Andrés Peiré Zoco |
| 24 de febrero de 1936 – 8 de marzo de 1936 | |
| Precediu por | Andrés Peiré Zoco |
| Succediu por | Jesús Marín Salafranca |
| Naiximiento | 20 d'octubre de 1890 Exeya d'os Caballers (Cinco Villas, Aragón) |
| Muerte | 22 d'agosto de 1936 Exeya d'os Caballers (Cinco Villas, Aragón) |
| Partiu | Partido Socialista Obrero Español Unión General de Trabajadores |
| Profesión | Agricultor Transportista |
Juan Sancho García, naixiu d'Exeya d'os Caballers (Cinco Villas, Aragón) o 20 d'octubre de 1890[1] y muerto asasinau por afusilamiento en ixa mesma localidat o 22 d'agosto de 1936,[1] poco dimpués d'o golpe d'estau que orichinó la Guerra Civil espanyola, estió un agricultor, transportista, sindicalista y politico aragonés, alcalde d'Exeya d'os Caballers dende lo 12 d'abril de 1931[1] dimpués d'a suya victoria en as eleccions municipals de dito anyo.
En l'anyo 1925 estió un d'os fundadors d'a sección local d'a Unión General de Trabajadores (UGT) en a villa d'Exeya d'os Caballers,[1][2] estando posteriorment en 1929 un d'os fundadors de l'agrupación socialista en ixa mesma villa.[1][2] En l'anyo 1930 estió igualment un d'os impulsors d'a Federación de Trabajadores de la Tierra d'a UGT a livel estatal[1] y d'a "Federación Provincial de Sociedades Obreras de Zaragoza" en 1931,[1] representando a ista zaguera en o XVII Congreso d'a UGT.[1] Tamién colaboró en o semanario Vida Nueva,[1] a voz d'as agrupacions socialistas en a comarca d'as Cinco Villas.
Mientres o suyo mandato como alcalde, destacó por a suya implicación en a reivindicación d'os dreitos vecinals sobre los biens comuns d'a localidat,[1][2] una luita social y politica recurrent en a comarca (mesmo que en atros puestos).
Como consecuencia d'a suya partecipación en a revolución de 1934, fue deteniu[2] y condenau a la pena de muerte,[1] encara que dimpués li commutoron por una pena de 14 anyos, 8 meses y un día en a garchola de Torrero.[1] Destituyiu igualment como alcalde, lo succedió Andrés Peiré Zoco, dica l'amnistía escaicida dimpués d'a victoria d'o Frente Popular en as eleccions chenerals espanyolas de 1936, cuan recuperó la libertat y lo suyo cargo d'alcalde,[1] encara que nomás que 12 días, en estar succediu por o suyo companyero de partiu Jesús Marín Salafranca, partidario de Francisco Largo Caballero.[1]
En escayecer o golpe d'estau de dreitas o 18 de chulio de 1936 y quedar Exeya d'os Caballers baixo lo control d'os sublevaus, arrestoron a Juan Sancho,[2] estando afusilau o 22 d'agosto d'ixe mesmo anyo.[1]
Homenaches
[editar | modificar o codigo]- O 6 d'aviento de 2016 s'inauguró una escultura suya en a Plaza d'a Libertat d'Exeya d'os Caballers, obra d'Alberto Gómez Ascaso.[2][3]
- Una carrera d'Exeya d'os Caballers recibe lo suyo nombre en a suya honor, a "carrera de l'alcalde Juan Sancho".
Obras
[editar | modificar o codigo]- 1930: El problema de la tierra en Cinco Villas, Zaragoza, Ed. UGT d'Exeya d'os Caballers.
Referencias
[editar | modificar o codigo]Vinclos externos
[editar | modificar o codigo]- (es) Juan Sancho García, en a web d'a Fundación Pablo Iglesias.
- (es) Juan Sancho, en a web "Aragón. Escultura urbana".