Usuario:Deivid/Entrena
Istoria[editar | modificar o codigo]
A zona estió poblata por romans, como amuestra a puebla d'a Dehesa (defesa u acampo en aragonés), antimás d'a calzata que i pasaba.
Alifonso I d'Asturias ”o Catolico” á meyos d'o sieglo VII lis prenió a billa á os musulmans. Seguntes o Dizionario Cheográfico editato en Barzelona en 1830, Entrena estarba establita por iste rei al redol de 750, mas ye sabito por o Dietario de Alifonso III que no estioron establitas billas con iste rei.
Dende 1076 pertenixió a Castiella y a o suyo rei Alifonso VI. Iste rei, parando cuenta d'a balura estratechica d'a zona, que mugaba con os reinos d'Aragón y Nabarra, i devantó y repobló cuantas puestos fortals pa esfender os suyos intereses. Un d'istos puestos yera Entrena.
Entrena no pertenixió a dengún reino cristiano dica a prenada de Vigera por o rei nabarro Sancho I Garzés.
En 1160 Sancho VI de Nabarra repobló a billa.
En a documentazión de bellas donazions d'o rei Sancho Garcés IV de Nabarra apareixe Entrena con o nombre en latín de Entedigone.
A billa estió donata per a reina Estefanía de Foix, biuda d'o rei García Sánchez III de Navarra de Nájera t'o monasterio de Santa María la Real de Nájera, apareixendo nombrata como "Antelana".
En 1189 os flaires beneditins de Santa María la Reyal de Nájera donoron entre altras, a ilesia d'Entrena á o bispe de Calagorra.
O Rei Enrique II de Castiella dona a billa á Juan Ramírez de Arellano por os serbizios apuntatos, seguntes apareix en a escritura de conzesión d'o Señorío de Cameros. Dende allora a billa estió binculata ta os Arellano que teneban grans pleitos con os Gómez Manrique, siñors de Navarrete por donazión d'o rei Chuan I de Castiella a Diego Gómez Manrique de Lara en 1380.
En 1478 os bezins de Nabarret espaldoron as murallas d'Entrena.
En 1492 se reyaliza a espulsion d'os chodigos d'España, por os Reis Catolicos. En ista epoca a comunidat chodiga en Entrena yera important, plegando ta constituir una aljama, con una poblazión alto u baxo de 50 familias.
En 1503 Carlos Ramírez de Arellano y a suya muller Juana de Zúñiga, siñors de Cameros y Contes d'Aguilar, establitioron o Monasterio de Santa Clara en Entrena dando-le antimás el preesistente de Santa María de Barrivero. As primeras monchas plegaron de Tordesillas.