Coral
- Iste articlo ye sobre uns organismos marinos animals; ta atros usos, se veiga Coral (desamgigación).
| Coral | |
|---|---|
 | |
| Clasificación cientifica | |
| Animalia | |
Filo: |
Cnidaria |
| Anthozoa | |
O coral[1] (d'o latín corallum y iste d'o griego κοράλλιον) ye un grupo d'organismos marinos animals invertebraus que perteneixen a lo filo Cnidaria y, en a suya mayor part, a la clase Anthozoa. A mayoría d'os corals son colonials y son formaus per millars de chicoz animals denominaus polipos, que secretan una estructura richida de carbonato de calcio (CaCO₃). Estas estructuras forman a base estructural d'os arrecifes de coral, uns ecosistemas altament biodiversos que sustienen una gran parte d'a vida marina d'a planeta,[2] que son menos de l'1% d'o fundo oceanico, pero que huespedan alto u baixo lo 25% de todas as especies marinas conoixidas.[3] Pueden trobar-se prencipalment en auguas tropicals y subtropicals.
Los corals constructors de arrecifes, conoixius como corals duros, extrayen calcio y carbonato de l'augua de mar y lo combinan pa formar la suya estructura calcaria a traviés d'un proceso biolochico denominau calcificación.[4] Muitos corals mantienen una relación simbiotica con microalgas fotosinteticas clamadas zooxantelas, que lis amanen nutrients y afavoreixen lo creiximiento d'o exosqueleto.
Amás d'a suya importancia ecolochica, los corals han estau utilizaus historicament en choyería y en ornamentación, cosa que ha chenerau preocupacions sobre la suya conservación y explotación.
Descolorimiento
[editar | modificar o codigo]A descolorimiento d'os corals ye un fenomeno en o que los polipos coralinos pierden as suyas colors naturals y se tornan blancos debiu a la expulsión d'as microalgas simbioticas que viven en os suyos texius (zooxantelas). Sinse estas algas, o coral pierde tanto la suya color como una part significativa d'a suya fuent d'enerchía, deixándo-lo debilitau y mes cerca d'a muerte.
Causas
[editar | modificar o codigo]A principal causa d'o descolorimiento ye l'augmento d'a temperatura de l'augua d'a mar, cheneralment causau per o cambio climatico, que altera l'equilibrio simbiotico entre corals y zooxantelas. Atros factors que pueden aduyar a lo descolorimiento son: a contaminación, l'acidificación oceanica, a sedimentación y los cambios d'a salinidat u d'a calidat de l'augua.
Consecuencias
[editar | modificar o codigo]O descolorimiento tiene efectos ecolochicos, economicos y socials. A suya degradación puede provocar pérdida d'a biodiversidat, alteración d'as rez troficas marinas y a reducción d'os hábitats pa peixes y altros organismos marinos. Amás, os arrecifes desempenyan un papel important ta la protección costera contra la erosión y as tronadas y sustienen actividaz humanas como la pesca y lo turismo; o suyo declive puede afectar negativament as economías d'as comunidaz costeras.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Coral, en a Encyclopædia Britannica.
- ↑ (es) ¿Qué son los arrecifes de coral?, en NASA Ciencia.
- ↑ (en) Coral biomineralization: From the gene to the environment.
