Trosa

De Biquipedia
Ir a la navegación Ir a la búsqueda
O panda ye un animal que tipicament s'alimenta con trosas de bambú.

As trosas u trosetas son as brancas verdes de plantas (árbols u arbustos) de folla ampla, as quals se talla a-esprés pa dar-le-ne a os animals domesticos a modo de pastura como complemento d'alimentación[1] de a hierba u pa quan no se los puede soltar (por eixemplo, quan i hai nieu afuera).

A las brancas destinadas a troseta, de tallar-las con a estraleta se diz «trosar-las», con que «se trosan»[2] pa os animals. Tamién se puet decir «fer trosetas».[1]

En l'Alto Aragón se trosaba as ramas d'árbols especificos, pos no todas as especies tienen as caracteristicas nutritivas que precisan os animals u pueden fer-les mal prebo, como as que les fan rinflar-se. Por ixo s'ha de parar cuenta. Especies que se podeba fer trosetas son: o caixigo, l'abellanera, o laitonero y o fraixín, y tamién qualques frutals domesticos como as manzaneras, pereras, cereseras, etc. S'ha d'evitar especies con sustancias toxicas u de mal gusto, como a figuera u o baladre. Tamién esiste animals que les fa goyo as trosetas d'árbols que os de demás no tocan, como as crabas con os pins.

Referencias[editar | modificar o codigo]

  1. 1,0 1,1 BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions, 2005. ISBN 84-8094-054-9
  2. CASTILLO SEAS, Fabián. Bocabulario de l'aragonés d'Alquezra y lugars d'a Redolada. Consello d'a Fabla aragonesa, 2001. ISBN 84-86036-94-1

Se veiga tamién[editar | modificar o codigo]