Troglodytes troglodytes
| Troglodytes troglodytes | |
|---|---|
 | |
| Denominacions populars | |
rei d'as barzas / rei de la barza, mosqueta, mosquete, pediuelo, xarrón, barzalero, chafamatas, escachamatas, escondematas, loye | |
| Estau de conservación | |
| Clasificación cientifica | |
| Animalia | |
Filo: |
Chordata |
| Aves | |
| Passeriformes | |
| Troglodytidae | |
| Troglodytes | |
| T. troglodytes | |
| Descripción | |
| Distribución cheografica | |
 | |
O rei d'as barzas[1][nota 1] u mosqueta[2][3][nota 2] (nombre cientifico Troglodytes troglodytes (Linnaeus, 1758)[4]) ye una especie d'au d'a orden d'os Passeriformes y familia Troglodytidae que se troba en Eurasia y Africa (Magreb).
Mide de 9 a 10 cm de luengo y tien una envergadura de 13 a 17 cm. Pesa arredol de 10 g. Tien una coda muit curta que a ormino se mantiene tiesa, un cuello curto y un pico relativament luengo y delgau.
Lo rei d'as barzas ye una au de cutio activa, en constant movimiento en busca d'insectos, a l'aire libre u entre la espesa vechetación.
Yera una au sagrada pa los druidas, qui la consideraban rei de totas as aus, y feban servir as suyas notas mosicals pa la divinería.[5]
Lo rei d'as barzas ye un d'os animals d'o zodiaco celta.
Nombres
[editar | modificar o codigo]Se conoixe con as diferents variants de rei de as barzas[2] en Toledo d'a Nata, rei de las barzas[2] en Beranui, rei d'a barza[2] en a Fueva, rei de a barza[2] en l'Aínsa, as Corz, Moriello de Sant Pietro, rei de la barza[2] en Aiguascaldas, Campo, Capella, rei de ra barza[2] en Pozán de Vero, Salas Altas y rei de la barza pardo[2] en Campo. Tamién se rechistran reipetit de la barza[2] en Pozán de Vero y simplament reipetit[2] en Beranui y Pandicosa. Atras formas relacionadas son barzalero[1][2] y barcero[2], rechistrada en Labata, asinas como escachamatas[1][2], chafamatas[1][2] u escondematas[1][2].
A forma mosqueta[2] tamién se troba prou estendillada, rechistrando-se en Abiego, Alcoleya de Cinca, Arascués, Benás, Castilló de Sos, Grist, Lanacha, Monzón, la Puebla de Castro, Sant Chuan de Plan, Uesca y a val de Chistau y a val de Vio.
En Sobremont ye conoixiu como caracol[2] y en Tarazona y Moncayo caracolero[2], rechistrando-se en los Fayos, Torrellas a forma caracolico[2]. Atros nombres pa ista au son cochín[2], rechistrau en Echo y Xabierregai, estañaburros[2] en a Guarta, loye[6], mosca[2] rechistrau en Fonz, Huerta de Vero y Tierrantona, pediuelo[1] y xarrón[1][2].
Notas
[editar | modificar o codigo]- ↑ Con a variant rei de la barza.
- ↑ Con a variant mosquete en Cinco Villas.
Referencias
[editar | modificar o codigo]- 1 2 3 4 5 6 7 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 4 5 6 7 8 9 10 11 12 13 14 15 16 17 18 19 20 21 22 23 (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, ISBN 978-84-8986-235-7, p.133.
- ↑ (es) BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, p.48, ISBN 978-84-8321-971-3
- ↑ (en) Jobling, James A. (2010). The Helm Dictionary of Scientific Bird Names. London: Christopher Helm. p. 391. ISBN 978-1-4081-2501-4.
- ↑ (en) Lawrence, Elizabeth (1997). Hunting the Wren. Knoxville: University of Tennessee Press. p. 26. ISBN 0870499602.
- ↑ (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.438
Vinclos externos
[editar | modificar o codigo]
Se veigan as imáchens de Commons sobre Troglodytes troglodytes.
Wikispecies tiene un articlo sobre Troglodytes troglodytes.
| Control d'autoridaz |
|
|---|
Datos: Q25740- Multimedia: Troglodytes troglodytes / Q25740
- Especies: Troglodytes troglodytes