Tractau de París (1856)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o Tractau sinyau en París o 30 de marzo de 1856, rematando a Guerra de Crimea; ta atros usos, se veiga Tractau de París.

O Tractau de París ye un tractau internacional sinyau en París o 30 de marzo de 1856 entre l'Imperio Ruso, d'una man, y d'atra man Reino Uniu, Francia, o Reino de Cerdenya-Piemont y l'Imperio Otomán, ta rematar a Guerra de Crimea entre ixas nacions.

Clausulas sobre a mar Negra

Seguntes o Tractau, a mar Negra se convertiba en un territorio maritimo neutral, a on no se permitiba a presencia d'armadas de cualsiquier país, ni a construcción de fortificacions militars a o suyo canto. Os prencipatos de Moldavia y Vlaquia, encara que continaban en mans de l'Imperio Otomán, teneban mas autonomía dica convertir-se en cuasi independients, estando controlaus por as potencias sinyatarias d'o Tractau, con posibilidat de convocar un referendum ta la suya unificación (a mas, Moldavia recibiba parte d'a Besarabia). Os rusos perdeban asinas influencia en as comunidaz cristianas ortodoxas de l'Imperio Otomán, dixando d'estar consideraus os suyos protectors naturals, como miraba de fer o paneslavismo.

Clausulas sobre a mar Baltica

En a mar Baltica, as islas Åland, que feban parte d'o Gran Ducau de Finlandia (ocupau por l'Imperio Ruso), tamién se convertiban en territorio desmilitarizau, ubrindo asinas o golfo de Finlandia a un posible ataque contra Rusia.

A Comisión d'o Danubio

O Tractau establió a libre navegación por o río Danubio, establindo-se a Comisión d'o Danubio, que estió a primera organización internacional y que ye l'alacet d'o Dreito Internacional.

Declaración complementaria de Dreito maritimo

Antiparte, Francia y o Reino Uniu sinyoron una declaración común sobre cuantas cuestions de Dreito maritimo, consecuencia d'os alcuerdos que heban sinyau ta la Guerra de Crimea, y seguntes a cuala:

Yera prohibida a patente de corso ta apoderar-se de biens propiedat de civils nacionals d'un estau en guerra y fer-ne botín (en actos prou amanaus a la piratería).
Yera prohibiu apoderar-se se biens propiedat de belicherants en barcos neutrals y tamién de biens propiedat de neutrals en barcos belicherants.
Tamién bi heban bellas clausulas relativas a o bloqueyo maritimo en caso de guerra.

Encara que ista declaración yera nomás un alcuerdo bilateral, cuantos países s'adibioron a las suyas clausulas, convertindo-se dimpués en un autentico tractau internacional multilateral. A suya primera aplicación practica estió poco dimpués, en prencipiar a Guerra Civil estausunidense.