Tractau de Fontainebleau (1807)

De Biquipedia
Ir a la navegación Ir a la búsqueda
Iste articlo ye sobre un tractato internacional sinyato entre Espanya y Francia en 1807; t'atros usos, se veiga Tractau de Fontainebleau.

O Tractau de Fontainebleau ye un tractato internacional sinyau o 27 d'octubre de 1807 en a ciudat de Fontainebleau (Primer Imperio Francés) por representants d'una man de Manuel Godoy, valido d'o rei Carlos IV d'Espanya, y d'atra man, por representants de Napolión I, emperador de Francia. Por o Tractau, Espanya y Francia alcordaban una invasión melitar conchunta d'o Reino de Portugal, tradicional aliada d'o Reino Uniu y que trencaba o Bloqueyo Continental que heba decretau Napolión dimpués de fracasar a suya tentativa d'invadir as islas britanicas, en parte con a batalla de Trafalgar. Ta fer posible ixa invasión, s'alcordaba permitir a dentrada en Espanya d'as tropas de l'Exercito francés, ubrindo asinas o paso a lo que en realidat estió una invasión francesa d'Espanya que provocó a Guerra d'o Francés. Antiparte, una d'as clausulas d'o Tractau establía a futura creyación d'un reino en l'Algarve portugués, o dito Reino de l'Algarve, que s'heba de conceder a Godoy.