Torre d'Ixalenques

Torre d'Ixalenques Torre de Salenques
Situación
Situación	Muga entre Benás y Montanui (Uesca)
Latitut	42° 37' 31.3 N
Lonchitut	0° 40' 08.1 E
Vértiz cheodesico
Cheografía
Cordelera	Pireneu axial
Sierra
Macizo	Maladeta
Altaria	3.116 m
Alpinismo
Primera puyada
Ruta mas fácil	Dende La Besurta
Mapa

A Torre d'Ixalenques (en castellano Torre de Salenques) ye una tuca de 3.116 m d'altaria, con una prominencia de 15 m,^[1] que se troba en o macizo d'a Maladeta, provincia de Uesca (Aragón).

Toponimia

Iste toponimo procede tanto en aragonés benasqués (Ixalenques) como en catalán ribagorzano (Salenques) d'un tipo de plantas que son especialment abundants en a vall d'Ixalenques, as ixalencas. A ixalenca («sarguera» en aragonés cheneral, salenca en catalán) ye un tipo d'arbusto d'as riberas, muit frecuent en os ríos d'o Pireneu, que tien os trallos resistents encara que muit flexibles, y por ixo d'antes s'emplegaban pa ligar os trancos d'as navatas que heban de baixar por os ríos.

A palabra ixalenca viene d'una forma hipotetica *salenca en latín y amuestra a misma evolución fonetica que ixaringa, ixufre, ixarrallón y ixoriguer, a on a S- inicial d'o latín ha evolucionau ta una x-. Se piensa que a terminación -enca fa de sufixo igual como en albenca.^[2] A palabra salenca se documenta tamién en catalán y en occitán (bi ha una carrera en Tolosa que se diz Carrièra de las Salencas en occitán y Rue des Salengues en francés).