Torraza

Este articlo tracta sobre as torrazas como construccions defensivas. Pa altros usos d'a palabra torraza se veiga torraza (desambigación).

A torraza de Larrede.

A torraza d'Escuer Alto

Torraza ye una torre gran u altera que gosa estar aislada en un puesto altero, en o cabalto d'un mont u cerca d'un paso. Tamién se fa servir o termin pa casas fortificadas u como despectivo de torretón.

O sieglo XII estió un tiempo de castiellos concentraus y a vegadas tot o castiello yera una gran torre u torraza que gosaba incluir una sala, y por tanto teneba tamién un aspecto residencial. Eixemplos de torrazas medievals son as d'os castiellos de Riner y Gardeny.

Tamién yeran torrazas bel castiello mes tardán u casas fortificadas como a torraza d'o castiello de La Carrova (Montsiá).

Toponimia

A palabra torraza ye present en a microtoponimia de l'Alto Aragón, Ribera Navarra, Tarazona y Moncayo, Monegros, Ribera Baixa d'Ebro y Baixo Aragón, cuasi siempre a on que bi ha u bi ha habiu una construcción defensiva.

En o castiello de Xabier dicen "torraza" a la torre de l'homenache, pero yera una torraza en unas etapas de costrucción cuan o castiello no teneba a forma actual.

Se veiga tamién

• Torraza (desambigación).
• Talaya.
• Torre de l'homenache.
• Torre barranya.
• Torretón.

Referencias

• Datos: Q97249428