Tootsie

Iste articlo ye sobre una cinta estasunidense de comedia romantica; ta lo musical, se veiga Tootsie (musical).

Tootsie
Títol	Tootsie
Póster d'a cinta.
Ficha tecnica
Dirección	Sydney Pollack
Producción	Sydney Pollack Dick Richards
Disenyo de producción	Peter S. Larkin
Guión adaptau	Larry Gelbart Murray Schisgal
Basau en	una historia de Don McGuire y Larry Gelbart
Musica	Dave Grusin
Soniu	Arthur Piantadosi Les Fresholtz Dick Alexander Les Lazarowitz
Fotografía	Owen Roizman
Montache	Fredric Steinkamp William Steinkamp
Escenografía	Thomas C. Tonery
Vestuario	Ruth Morley
Maquillache	C. Romania Ford George Masters Dorothy J. Pearl Allen Weisinger
Peluquería	Joseph Coscia Tony Marrero Toni-Ann Walker
Casting	Lynn Stalmaster
Actors	Dustin Hoffman Jessica Lange Teri Garr Dabney Coleman Charles Durning Bill Murray Sydney Pollack George Gaynes Geena Davis Doris Belack Ellen Foley Lynne Thigpen Amy Lawrence Christine Ebersole Anne Shropshire Susan Egbert
Color	Panavision Technicolor
Datos y cifras
País(es)	Estaus Unius
Anyo	1982
Estreno	1 d'aviento de 1982 Hollywood (California, Estaus Unius)
Chenero(s)	Cine de comedia Cine de romance
Durada	116 min.
Idioma(s)	Anglés
Companyías
Productora(s)	Mirage Enterprises
Distribución	Columbia Pictures
Presupuesto	22 millons de dólars
Recauto	241 millons de dólars
Informacions en bases de datos especializadas:

Tootsie (títol orichinal, estrenada en Aragón con ixe mesmo títol) ye una cinta de cine estausunidense de cine de comedia romantica estrenada l'anyo 1982, dirichida por Sydney Pollack seguntes un guión adaptau por Larry Gelbart y Murray Schisgal (basau en una historia de Don McGuire y Larry Gelbart), con una banda sonora orichinal de Dave Grusin, una dirección de fotografía d'Owen Roizman y una producción cinematografica de Sydney Pollack y Dick Richards ta la productora cinematografica Mirage Enterprises. Conta con un elenco d'o cual en fan parte, entre d'atros, os actors Dustin Hoffman, Jessica Lange, Teri Garr, Dabney Coleman, Charles Durning, Bill Murray, Sydney Pollack, George Gaynes, Geena Davis, Doris Belack, Ellen Foley, Lynne Thigpen, Amy Lawrence, Christine Ebersole, Anne Shropshire, y Susan Egbert.

Michael Dorsey ye un actor de teatro de Nueva York. Ye buen actor, pero denguno no quiere contractar-lo en estar terriblement perfeccionista en o suyo treballo y se veye obligau a treballar como cambrero en un restaurant. A suya amiga Sandy Lester li diz que quiere que la contracten ta treballar en una serie de televisión de prou exito a on ha d'interpretar a un nuevo personache, una administradora d'o hespital a on se i ambienta la serie clamada Emily Kimberly, y li demana aduya ta acunzar a suya interpretación. En trobar-se bien apretau de diners y dimpués de discutir con o suyo achent, Michael decide disvrazar-se de muller, adoptando lo nombre de Dorothy Michaels, y presentar-se ta lo casting de selección d'actrices ta lo personache, ta poder conseguir os 8.000 dólars que amenista ta producir una obra teatral d'o suyo companyero de piso, Jeff Slater, y que han de protagonizar él y Sandy. Nomás prencipiar o rodache d'o primer episodio a on ha d'intervenir, Michael dota a lo suyo personache d'un femnismo activo bien luent d'o que s'asperaba por os guionistas y productors d'a serie, pero finalment li deixan fer, y bien luego la suya interpretación fa puyar muito l'audiencia d'a serie, en buena part por a suya gran capacidat ta improvisar mientres o rodache d'as escenas. Michael bien luego se siente atrayiu por Julie Nichols, una d'as actrices precipals d'a serie, que ye ma soltera y tien una relación poco satisfactoria con o productor d'a serie. Cuan Julie se fa poquet a poquet amiga de "Dorothy", Michael la convence ta que abandone a lo productor y la mesacha convida a "Dorothy" a la suya casa, se troba con o problema de que lo suyo pai s'enamora de "Dorothy". Michael, bien cansau d'o papel, aproveita lo rodache en directo d'o zaguer episodio d'a temporada d'a serie ta escarrazar-se d'o suyo disfraz de muller y amostrar publicament que ye un hombre.

Tootsie s'ambienta en a ciudat de Nueva York (Nueva York) en a suya epoca actual (1982) y las suyas escenas se filmoron en Hurley y Nueva York (Nueva York).

Ista cinta ha recibiu cuantismos premios y nominacions, en destacando un Premio Oscar a la Millor Actriz Segundaria y atras nueu nominacions (Millor Cinta, Millor Director, Millor Actor, Millor Actriz Segundaria, Millor Guión Orichinal, Millor Fotografía, Millor Montache, Millor Canción Orichinal y Millor Soniu) en 1983 mientres a 55^ena edición d'os Premios Oscar; dos Premios BAFTA (Millor Actor y Millor Maquillache y Peluquería) amás d'atras siet nominacions (Millor Cinta, Millor Director, Millor Actriz, Millor Actriz Segundaria, Millor Guión Adaptau, Millor Disenyo de Vestuario y Millor Canción Orichinal) en 1984 mientres a 37^ena edicion d'os Premios BAFTA; una nominación a lo Premio César a la Millor Cinta Forana en 1984 mientres a 9^ena edición d'os Premios César; dos nominacions a los Premios David de Donatello (Millor Actor Forano y Millor Actriz Forana) en 1983 mientres a 28^ena edición d'os Premios David de Donatello; y tres Premios Globos d'Oro (Millor Cinta de Musical u Comedia, Millor Actor de Musical u Comedia y Millor Actriz Segundaria), amás d'atras dos nominacions (Millor Director y Millor Guión) en 1983 mientres a 40^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1982.
• Cintas de 1982.

Vinclos externos

• Se veigan as imáchens de Commons sobre Tootsie.
• (en) Tootsie en Internet Movie Database.
• (en) Tootsie en Box Office Mojo.
• (en) Tootsie en l'American Film Institute Catalog de l'American Film Institute.
• (en) Tootsie en TCM Movie Database.

• Datos: Q221249
• Multimedia: Tootsie / Q221249