To Hell and Back (cinta)

Iste articlo ye sobre una cinta estausunidense de cine biografico belico; ta atros usos, se veiga To Hell and Back.

To Hell and Back
Títol	To Hell and Back
Póster d'a cinta, obra de Reynold Brown.
Ficha tecnica
Dirección	Jesse Hibbs
Aduyant de dirección	Tom Shaw
Dirección artistica	Robert Clatworthy Alexander Golitzen
Producción	Aaron Rosenberg
Guión adaptau	Gil Doud
Basau en	To Hell and Back, autobiografía d'Audie Murphy (1949)
Musica	Irving Gertz William Lava Henry Mancini Lou Maury
Soniu	Jack A. Bolger Jr. Leslie I. Carey
Fotografía	Maury Gertsman
Montache	Edward Curtiss
Escenografía	John P. Austin Russell A. Gausman
Maquillache	Bud Westmore
Peluquería	Joan St. Oegger
Efectos especials	Monty Phillips Jerry Pooler Brad Reinke
Actors	Audie Murphy Marshall Thompson Charles Drake Jack Kelly Gregg Palmer Paul Picerni David Janssen Richard Castle Bruce Cowling Paul Langton Art Aragon Felix Noriego Denver Pyle Brett Halsey Susan Kohner Anabel Shaw Mary Field Gordon Gebert Julian Upton Rand Brooks Robert F. Hoy
Color	Cinemascope Technicolor
Datos y cifras
País(es)	Estaus Unius
Anyo	1955
Estreno	17 d'agosto de 1955 San Antonio (Texas, Estaus Unius)
Chenero(s)	Cine biografico Cine belico
Durada	106 min.
Idioma(s)	Anglés Alemán Italiano
Companyías
Productora(s)	Universal Pictures
Distribución	Universal Pictures
Estudio(s)	Universal Studios
Presupuesto	500.000 dólars
Recauto	5.799.852 dólars

To Hell and Back (títol orichinal en anglés, en aragonés Enta l'infierno y de tornada, estrenada en Aragón con o títol en castellano de Regreso del infierno, en aragonés Tornada de l'infierno) ye una cinta de cine estausunidense de cine biografico belico estrenada l'anyo 1955 dirichida por Jesse Hibbs seguntes un guión adaptau por Gil Doud (basau en To Hell and Back, l'autobiografía d'Audie Murphy publicada en 1949), con una banda sonora orichinal d'Irving Gertz, William Lava, Henry Mancini y Lou Maury, una dirección de fotografía de Maury Gertsman, una producción cinematografica d'Aaron Rosenberg ta la productora cinematografica Universal Pictures y un elenco d'o cual en fan parte, entre d'atros actors, Audie Murphy, Marshall Thompson, Charles Drake, Jack Kelly, Gregg Palmer, Paul Picerni, David Janssen, Richard Castle, Bruce Cowling, Paul Langton, Art Aragon, Felix Noriego, Denver Pyle, Brett Halsey, Susan Kohner, Anabel Shaw, Mary Field, Gordon Gebert, Julian Upton, Rand Brooks y Robert F. Hoy.

A cinta conta la vida d'o mesmo Audie Murphy dende que yera cuasi un nino en un lugarón de Texas y en ausencia d'o pai se veyó obligau a treballar ta mantener a su mai y a los suyos dos chirmans chicoz. En abanzar os anyos y morir su mai malauta, poco dimpués se produció l'ataque a Pearl Harbor y la dentrada d'Estaus Unius en a Segunda Guerra Mundial, y Audie decidió partecipar como soldau. Tanimientres, ye succesivament refusau por o United States Marine Corps, la United States Navy y los paracayidistas, en tener poca edat, poca altaria y apariencia mas chovenil que la suya edat real. Finalment, ye acceptau por l'exercito estausunidense, que lo destina a la 3era División d'Infantería, que heba desmebarcau en Marruecos, partecipando dimpués en a Operación Husky (lo desembarco d'os Aliaus en Sicilia), recebindo por a suya actuación en combate un ascenso a cabo. En a campanya d'Italia en morir o suyo tenient y lo suyo sarchento prene lo mando d'o grupo de soldaus, y como consecuencia ye nuevament ascendiu, ista vegada a sarchento. Partecipa dimpués en a Operación Shingle (la batalla d'Anzio) y dimpués lo ninvían enta lo sud de Francia, a on ye ascensiu a subtenient. Finalment, en chinero de 1945, dimpués d'una acción heroica frent d'un ataque alemán, ye feriu y recibe finalment a Medalla d'Honor d'o Congreso, la mas alta condecoración militar estausunidense.

A cinta s'ambienta en Texas en Estaus Unius, en Nápols, Sicilia y atros puestos d'Italia y en bels puestos de Francia en os anyos 1941-1945, y las suyas escenas se filmoron en Naches y atros puestos d'o estau de Washington, amás d'en os Universal Studios en Universal City en California.

Ye una cinta que ha recibiu bella nominación a bel premio cinematografico, encara que sin fer parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1955.
• Cintas de 1955.

Vinclos externos

• Se veigan as imáchens de Commons sobre To Hell and Back.
• (en) To Hell and Back en Internet Movie Database.
• (en) To Hell and Back en TCM Movie.
• (en) To Hell and Back en Rotten Tomatoes.
• (en) To Hell and Back en l'American Film Institute Catalog de l'American Film Institute.