To Be or Not to Be (cinta de 1942)

Iste articlo ye sobre una cinta estausunidense de cine de comedia estrenada en 1942; ta atros usos, se veiga To Be or Not to Be y To Be or Not to Be (desambigación).

To Be or Not to Be
Títol	To Be or Not to Be
Póster d'a cinta.
Ficha tecnica
Dirección	Ernst Lubitsch
Aduyant de dirección	William McGarry William Tummel
Producción	Ernst Lubitsch
Disenyo de producción	Leila Rubin
Guión adaptau	Edwin Justus Mayer
Basau en	una historia de Melchior Lengyel
Musica	Werner R. Heymann
Soniu	Frank Maher
Fotografía	Rudolph Maté
Montache	Dorothy Spencer
Escenografía	Julia Heron
Maquillache	Gordon Bau
Efectos especials	Lawrence W. Butler
Casting	Victor Sutker
Actors	Carole Lombard Jack Benny Robert Stack Felix Bressart Lionel Atwill Stanley Ridges Sig Ruman Tom Dugan Charles Halton George Lynn Henry Victor Maude Eburne Halliwell Hobbes Miles Mander James Finlayson Olaf Hytten Maurice Murphy Frank Reicher
Color	Blanco y negro
Datos y cifras
País(es)	Estaus Unius
Anyo	1942
Estreno	19 de febrero de 1942 Los Angeles (California, Estaus Unius)
Chenero(s)	Cine de comedia Cine de romance Cine belico
Durada	99 min.
Idioma(s)	Anglés Alemán Francés
Companyías
Productora(s)	Romaine Film Corp.
Distribución	United Artists
Presupuesto	1,2 millons de dólars
Recauto	1,5 millons de dólars
Informacions en bases de datos especializadas:

To Be or Not to Be (títol orichinal en anglés, en aragonés Estar u no estar, enguerada en Aragón con o suyo títol traduciu enta lo castellano como Ser o no ser) ye una cinta de cine estausunidense de cine de comedia de romance belica estrenada en 1942 (en bel meyo d'a Segunda Guerra Mundial), dirichida por Ernst Lubitsch seguntes un guión adaptau por Edwin Justus Mayer (basau en una historia de Melchior Lengyel), con una banda sonora orichinal de Werner R. Heymann, una dirección de fotografía de Rudolph Maté y una producción cinematografica d'Ernst Lubitsch ta la productora cinematografica Romaine Film Corp.. Fan parte de l'elenco d'a cinta, entre d'atros actors, Carole Lombard, Jack Benny, Robert Stack, Felix Bressart, Lionel Atwill, Stanley Ridges, Sig Ruman, Tom Dugan, Charles Halton, George Lynn, Henry Victor, Maude Eburne, Halliwell Hobbes, Miles Mander, James Finlayson, Olaf Hytten, Maurice Murphy y Frank Reicher.

A cinta s'estrenó un mes dimpués d'a muerte en accident d'avión de l'actriz protagonista, Carole Lombard, y prene lo suyo nombre d'a frase "estar u no estar" que lo prencipe Hamlet pronuncia en a obra teatral Hamlet, de William Shakespeare, y que enchega bels escaicimientos cuan lo mariu d'a protagonista la pronuncia en a escena.

En 1939 Joseph Tura ye lo prencipal actor d'una companyía teatral en Varsovia a on la primera actriz ye su muller Maria. A companyía ye asayando una obra teatral, Gestapo, satirica con o Tercer Reich y con Adolf Hitler, encara que en ixe momento son interpretando Hamlet, de William Shakespeare. un tenient de l'aviación polaca, Stanislav Sobinski, ye admirador de Maria y ista lo cita en o suyo camerino cuan o suyo mariu prencipie en l'escenario lo soliloquio "estar u no estar" en interpretando a lo prencipe Hamlet. Tamién plega la noticia de que lo Gubierno polaco prefiere cancelar a obra que yeran asayando, ta no provocar a los alemans. A la nueit siguient se repite la marcha de Sobinski d'o teatro, enfocinando-se Joseph. Ixa segunda nueit, Sobinski confiesa lo suyo amor a Maria y aspera que ista albandone a su mariu ta estar con él, pero antes de que pueda responder plega la noticia d'a invasión de Polonia por a Wehrmacht, precipiando asinas a Segunda Guerra Mundial. Varsovia ye bombardiada, os actors s'amagan y cuan plega la redota de Polonia lo tenient Sobinski marcha enta lo Reino Uniu ta fer parte d'a Royal Air Force. En Londres conoix a Siletsky, qui se li diz que ye lo dirichent d'a Resistencia polaca, pero cuan Sobinski li da un mensache ta Maria para cuenta de que no la coinoix, cuan ye la mas famosa actriz d'o país. Ixo li fa sospeitar que se tracta d'un achent alemán y paran cuenta de que ha marchar enta Polonia con mensaches de toz os pilotos polacos ta las suyas familias, asinas que los alemans conoixeran qui son las familias de toz os pilotos polacos. En Londres deciden ninviar a lo tenient Sobinski a Polonia ta evitar-lo, pero cuan plega Siletsky ya ha contactau con Maria, a qui quiere recrutar como achent alemana. Alavez tienen una ideya: fer servir os uniformes alemans que teneban preparaus ta la suya obra teatral ta enganyar a Siletsky y que lis de la lista de familiars, pero iste descubre qui son y Sobinski lo mata. Asinas que Joseph planeya disvrazar-se de Siletsky, pero ye tamién descubierto y no troba atra posibilidat que desvrazar-se de Hitler.

A cinta s'ambienta en 1939 mientres a Segunda Guerra Mundial en Varsovia (Polonia) y Londres (Reino Uniu).

Elenco

Actor	Papel	Notas
	'

Se veiga tamién

• Cine en 1942.
• Cintas de 1942.

Vinclos externos

• Se veigan as imáchens de Commons sobre To Be or Not to Be.
• (en) To Be or Not to Be en Internet Movie Database.
• (en) To Be or Not to Be en AllMovie.
• (en) To Be or Not to Be en TCM Movie.
• (en) To Be or Not to Be en Rotten Tomatoes.

• Datos: Q704972
• Multimedia: To Be or Not to Be (1942 film) / Q704972