Timecop

Iste articlo ye sobre una cinta estausunidense de cine d'acción de ciencia-ficción de l'anyo 1994; ta atros usos, se veiga Timecop (desambigación).

Timecop
Títol	Timecop
Ficha tecnica
Dirección	Peter Hyams
Dirección artistica	Richard Hudolin
Producción	Moshe Diamant Sam Raimi Robert Tapert
Disenyo de producción	Philip Harrison
Guión adaptau	Mark Verheiden
Basau en	una historia de Mike Richardson y Mark Verheiden basada en Timecop, cómic de Mike Richardson y Mark Verheiden
Musica	Mark Isham
Fotografía	Peter Hyams
Montache	Steven Kemper
Escenografía	Annmarie Corbett Rose Marie McSherry
Vestuario	Daniel J. Lester
Maquillache	Zoltan Elek Margaret Solomon Andy Clement Natalie Cosco
Peluquería	Janice Alexander Julie McHaffie
Casting	Penny Perry
Actors	Jean-Claude Van Damme Mia Sara Ron Silver Bruce McGill Gloria Reuben Scott Bellis Jason Schombing Scott Lawrence Kenneth Welsh Brad Loree Kevin McNulty Gabrielle Rose Callum Keith Rennie Steven Lambert Richard Faraci Veena Sood
Color	Color by DeLuxe Panavision
Datos y cifras
País(es)	Estaus Unius Chapón
Anyo	1994
Estreno	16 de setiembre de 1994 Estaus Unius 12 de noviembre de 1994 Chapón
Chenero(s)	Cine d'acción Cine de ciencia-ficción
Durada	98 min.
Idioma(s)	Anglés
Companyías
Productora(s)	Largo Entertainment Signature Pictures Renaissance Pictures Dark Horse Entertainment
Distribución	Universal Pictures
Estudio(s)	The Bridge Studios
Presupuesto	27-28 millons de dólars
Recauto	102 millons de dólars
Informacions en bases de datos especializadas:

Timecop (títol orichinal en anglés, en aragonés Tiempopoli, estrenada en Aragón con o títol mixto en anglés y castellano de Timecop: Policía en el tiempo, en aragonés Tiempopoli: policía en o tiempo) ye una cinta de cine d'acción de ciencia-ficción coproducida por o cine estausunidense y lo cine chaponés, estrenada l'anyo 1994, dirichida por Peter Hyams seguntes un guión adaptau por Mark Verheiden (basau en una historia de Mike Richardson y Mark Verheiden basada en o suyo cómic Timecop), con una banda sonora orichinal de Mark Isham, una dirección de fotografía de Peter Hyams, una producción cinematografica de Moshe Diamant, Sam Raimi y Robert Tapert ta las productoras Largo Entertainment, Signature Pictures, Renaissance Pictures y Dark Horse Entertainment y un elenco d'o cual en fan parte, entre d'atros actors, Jean-Claude Van Damme, Mia Sara, Ron Silver, Bruce McGill, Gloria Reuben, Scott Bellis, Jason Schombing, Scott Lawrence, Kenneth Welsh, Brad Loree, Kevin McNulty, Gabrielle Rose, Callum Keith Rennie, Steven Lambert, Richard Faraci y Veena Sood.

En 1863, mientres a Guerra Civil d'os Estaus Unius, un desconoixiu que ha viachau en o tiempo y que poseye armas d'o futuro, mata a cinco soldaus de l'exercito d'os Estaus Vonfederaus d'America y lis roba uns lingoz d'oro que transportaban. En 1994 Hans Kleindast descubre cómo fer iaches en el tiempo y ixo fa que lo Departamento de Chusticia d'os Estaus Unius creye a Comisión de Control Temporal, ta evitar viaches en o tiempoque puedan producir alteracions en a historia. O senador Aaron McComb s'ufre voluntario la supervisar ixa Comisión, y lo suyo primer comisionau ye lo policía Eugene Matuzak. Iste ufre que treballe on él a un policía bien competent, Max Walker, qui demana tiempo ta ènsar-lo. Pero ixa nueit a suya casa ye asaltada, quedando él feriu y morindo su muller. Accepta lo treballo, pero se siente mortificau en no poder emplegar as posibilidaz de tornar enta lo pasau ta evitar a muerte de su muller. En 2004 ye un experto policía de l'achencia y li toca tornar enta lo pasau ta evitar que la suya antiga companyera Lyle Atwood aproveite información sobre lo crack d'o 29 y obtener beneficios. Atwood li confiesa que actúa dende fa tiempo por cuenta de McComb ta financiar as suyas campanyas politicas, pero en tornar en 2004 se niega a testificar en estar menazada de que lo senador fará desapareixer a suya familia. Walker torna a estar obchecto d'un atentau pero sobrevive, y lo ninvían con una nueva companyera, Sarah Fielding, enta 1994, a on descubre que McComb ha feito un viache enta lo pasau ta asasinar a un socio suyo y que ixo ye l'orichen d'a suya fortuna. Fielding li diz a Walker que en realidat ella treballa ta McComb, pero queda greument ferida. Cuan Walker torna una vegada mas enta 2004, troba ixe present alterau: McComb ye un exitoso senador que aspira a la presidencia y l'achencia ha estau desmantelada, y deduz que McComb poseye la maquinaria orichinal d'os viaches enta lo pasau y que la fa servir ilegalment. Walker torna una vegada mas enta 1994 ta conseguir informacions d'Atwood, pero ista ye asasinada en o hespital a on se i troba. Pero Walker veye que ha tornau enta lo día exacto en que la suya muller fue asasinada, y marha enta casa suya ta evitar-lo.

A cinta s'ambienta en Washington, DC y atros puestos d'Estaus Unius en 1863, 1929, 1994 (epoca actual d'a cinta) y 2004 (epoca futura en a cinta) y las suyas escenas se filmoron en Vancouver (Columbia Britanica) en Canadá y Santa Ana (California) y Pittsburgh (Pennsilvania) en Estaus Unius, amás d'en os The Bridge Studios en Burnaby en a Columbia Britanica.

Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1994.
• Cintas de 1994.

Vinclos externos

• (en) Timecop en Internet Movie Database.
• (en) Timecop en TCM Movie Database.
• (en) Timecop en Box Office Mojo.

• Datos: Q240849