The Yellow Mountain

The Yellow Mountain
Títol	The Yellow Mountain
Póster d'a cinta.
Ficha tecnica
Dirección	Jesse Hibbs
Aduyant de dirección	Ronald R. Rondell
Dirección artistica	Alexander Golitzen Alfred Sweeney
Producción	Ross Hunter
Guión adaptau	Robert Blees George Zuckerman Russell S. Hughes
Basau en	Nevada Gold, historia curta de Harold Channing Wire en Blue Book (1938)
Musica	Henry Mancini Herman Stein Stanley Wilson
Soniu	Leslie I. Carey Joe Lapis
Fotografía	George Robinson
Montache	Edward Curtiss
Escenografía	John P. Austin Russell A. Gausman
Vestuario	Bill Thomas
Maquillache	Bud Westmore
Peluquería	Joan St. Oegger
Actors	Lex Barker Mala Powers Howard Duff William Demarest John McIntire Leo Gordon Dayton Lummis Hal K. Dawson William Fawcett James Parnell
Color	Technicolor
Datos y cifras
País(es)	Estaus Unius
Anyo	1954
Estreno	16 de noviembre de 1954 Estaus Unius
Chenero(s)	Cine de western
Durada	78 min.
Idioma(s)	Anglés
Companyías
Productora(s)	Universal Pictures
Distribución	Universal Pictures
Estudio(s)	Universal Studios
Informacions en bases de datos especializadas:

The Yellow Mountain (títol orichinal en anglés, en aragonés A montanya amariella, estrenada en Aragón con o títol en castellano de La montaña del oro, en aragonés A montanya de l'oro) ye una cinta de cine estausunidense de cine de western estrenada l'anyo 1954, dirichida por Jesse Hibbs seguntes un guión adaptau por Robert Blees, George Zuckerman y Russell S. Hughes (basau en Nevada Gold, una historia curta que heba publicau Harold Channing Wire en a revista Blue Book l'anyo 1938), con una dirección de fotografía de George Robinson, una banda sonora orichinal de Henry Mancini, Herman Stein y Stanley Wilson, una producción cinematografica de Ross Hunter ta la productora cinematografica Universal Pictures y un elenco d'o cual en fan parte, entre d'atros actors, Lex Barker, Mala Powers, Howard Duff, William Demarest, John McIntire, Leo Gordon, Dayton Lummis, Hal K. Dawson, William Fawcett y James Parnell.

Andy Martin y Pete Menlo heban estau socios en una mena y agora un d'éls diriche lo "saloon", casino y bordel d'o lugar y l'atro chestiona la valoración d'as menas que recibe lo casino a traviés d'as apuestas d'os meneros. un d'os chugadors habituals ye Jackpot, que tien una filla, Nevada, por a que s'intresan toz dos antigos socios. Tornan a asociar-se ta mercar una partecipación en una mena, que resulta estar un buen negocio, pero l'amo de l'atra gan mena d'o lugar, Bannon, lis roba toz os posibles treballadors, en pagando-lis mas diners. Cuan a la fin han conseguiu obtener bella cantidat de mineral y preban de levar-lo enta lo ferrocarril, os hombres de Bannon atacan os carros que lo transportan, deixando greument feriu a Martin. Un accident en a mena deixa tres hombres atrapaus, y mientres que en fan o rescate y Martin ye incosncient, Menlo y Bannon negocian con un representant d'o ferrocarril fer-lo plegar dica lo lugar a cambio d'uns partecipación d'o 50% en as menas. Martin creye que Menlo l'ha traicionau en os negocios y en l'amor por Nevada y disuelve la sociedat. Martin gana en o chuego la mena de Jackpot, pero Menlo s'intresa por ella y preba de mercar-la-li a traviés d'o mesmo Jackpot, y Martin veye que bi ha bella cosa d'importancia en a mena. Bannon tamién preba de mercar-la y Jackpot, y Martin troban o motivo: la mena ye muit rica en mineral y amás a lo suyo traviés se controlan toz os chacimientos d'a redolada.

A cinta s'ambienta en bel momento indeterminau d'o sieglo XIX en bel puesto igualment indeterminau d'os Estaus Unius, y las suyas escenas se filmoron en o disierto Mojave en California, amás d'en os Universal Studios en Universal City, tamién en California.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• (en) The Yellow Mountain en Internet Movie Database.
• (en) The Yellow Mountain en Letterboxd.
• (en) The Yellow Mountain en TCM Movie.
• (en) The Yellow Mountain en l'American Film Institute Catalog de l'American Film Institute.

• Datos: Q15633903