The Weight of Water (cinta)

Iste articlo ye sobre una cinta franco-estausunidense-canadiense de cine de drama d'intriga; ta atros usos, se veiga The Weight of Water.

The Weight of Water
Títol	The Weight of Water
Póster d'a cinta.
Ficha tecnica
Dirección	Kathryn Bigelow
Aduyant de dirección	Jason Shipley
Dirección artistica	Mark Laing
Producción	A. Kitman Ho Sigurjón Sighvatsson Janet Yang
Disenyo de producción	Karl Júlíusson
Guión adaptau	Alice Arlen Christopher Kyle
Basau en	The Weight of Water, novela d'Anita Shreve (1997)
Musica	David Hirschfelder
Fotografía	Adrian Biddle
Montache	Howard E. Smith
Escenografía	Laura Cuthill-Luft Patricia Larman
Vestuario	Marit Allen
Maquillache	Felicity Bowring Nisha Dubey
Peluquería	Barbi Jollota Petra Schaumann Suzanne Stokes-Munton
Casting	Mali Finn
Actors	Ciarán Hinds Richard Donat Sarah Polley Ulrich Thomsen Anders W. Berthelsen Katrin Cartlidge Vinessa Shaw Adam Curry Catherine McCormack Sean Penn Josh Lucas Elizabeth Hurley Karl Juliusson
Color	Panavision Color by DeLuxe Blanco y negro
Datos y cifras
País(es)	Francia Estaus Unius Canadá
Anyo	2000
Estreno	9 de setiembre de 2000 Festival Internacional de Cine de Toronto (Toronto, Ontario, Canadà) 6 de chulio de 2001 Estaus Unius 3 de chulio de 2002 Francia
Chenero(s)	Cine de drama Cine d'intriga
Durada	114 min.
Idioma(s)	Anglés
Companyías
Productora(s)	Four Water Productions StudioCanal
Distribución	Lionsgate Films BAC Films
Estudio(s)	Fox Baja Studios
Presupuesto	16 millons de dólars
Recauto	321.279 dólars
Informacions en bases de datos especializadas:

The Weight of Water (títol orichinal en anglés, en aragonés O peso de l'augua, estrenada en Aragón con o suyo títol traduciu enta lo castellano como El peso del agua) ya una cinta de cine de drama d'intriga coproducida por o cine francés, o cine estausunidense y lo cine canadiense estrenada l'anyo 2000, dirichida por Kathryn Bigelow seguntes un guión adaptau por Alice Arlen y Christopher Kyle (basau en The Weight of Water, una novela publicada por Anita Shreve l'anyo 1997), con una banda sonora orichinal de David Hirschfelder, una dirección de fotografía d'Adrian Biddle y una producción cinematografica d'A. Kitman Ho, Sigurjón Sighvatsson y Janet Yang ta las productoras Four Water Productions y StudioCanal. De l'elenco d'actors d'a cinta en fan parte Ciarán Hinds, Richard Donat, Sarah Polley, Ulrich Thomsen, Anders W. Berthelsen, Katrin Cartlidge, Vinessa Shaw, Adam Curry, Catherine McCormack, Sean Penn, Josh Lucas, Elizabeth Hurley y Karl Juliusson, entre d'atros.

En 1873 Karen Christenson y Anethe Christenson, dos immigrants noruegas, son brutalment asasinadas en a isla Smuttynose, una chicota isla d'as islas Shoals, en a costa de Nueva Hampshire pero perteneixents a Maine. Maren Hontvedt, chirmana chicota de Karen, ye la sola supervivient y acusa a Louis Wagner, un marino alemán que heba viviu breument en a casa y que heba intentau dar-li cantarias. Dimpués d'un chudicio, condenan a Louis por l'asasinato y l'executan. En l'anyo 2000, Jean Janes ye una fotografa que ye investigando l'asasinato y viacha en a isla d'os feitos con su mariu, Thomas, un conoixiu poeta, Rich, lo chirmano de Thomas, que poseye un yate, y la novia de Rich, Adaline. Casualment, Jean descubre documentos escritos por Maren que contan os feitos anteriors a los asasinatos y la suya propia vida en a isla, a on viviba con su mariu John, de qui no yera enamorada. Cuan plegó enta la isla lo chirmano de Karen y Maren, Evan, con a suya muller Anethe, Maren prencipió a sentir atracción por Anethe. Bel día que las mullers quedoron solas, Anethe diz que ye embarazada y demana a Maren dormir con ella en tremolar-li la escolaneta. Cuan las troba Karen, creye que ixo confirma las suyas sospeitas d'a homosexualidat de Maren y la acusa amás de tener relacions incestuosas con Evan. Maren golpia a Karen con una cadiera y cuan Aethe preba de fuyir, la mata con una estral. Dimpués estrangula a Karen y s'amaga en una espluga dica lo día siguient, cuan acusa a Louis de l'asasinato. A la vegada, en a epoca actual Rich coquetia ubiertament con Jean y Thomas en para cuenta. Bel día esclata una tronada mientres son en o yate. Os dos chirmanos se troban en baixo d'o yate y las dos mullers en a cubierta d'o yate, y Jean, encelada, empenta a Adeline, que caye en a mar. Aparentment ta salvar-la, saltan a l'augua Jean y Thomas, que consiguen salvar-la, pero qui muere afogau ye Thomas.

A cinta s'ambienta en dos momentos historicos diferents (1873 y la epoca actual d'a cinta, l'anyo 2000) en a isla Smuttynose, perteneixent a lo termin municipal de Kittery, en Maine, y las suyas escenas se filmoron en Halifax (Nueva Escocia) en Canadá y en os Fox Baja Studios en Rosarito (Baixa California) en Mexico.

Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2000.
• Cintas de 2000.

Vinclos externos

• (en) The Weight of Water en Internet Movie Database.
• (en) The Weight of Water en Box Office Mojo.

• Datos: Q1168460