The Water Diviner

The Water Diviner
Títol	The Water Diviner
Póster d'a cinta.
Ficha tecnica
Dirección	Russell Crowe
Aduyant de dirección	Amy O'Connell-Gordon
Dirección artistica	Cagri Aydin Marita Mussett
Producción	Troy Lum Andrew Mason Keith Rodger
Disenyo de producción	Chris Kennedy
Guión orichinal	Andrew Anastasios Andrew Knight
Musica	David Hirschfelder
Fotografía	Andrew Lesnie
Montache	Matt Villa
Vestuario	Tess Schofield
Casting	Nikki Barrett Pinar Celik
Actors	Russell Crowe Olga Kurylenko Dylan Georgiades Yılmaz Erdoğan Cem Yılmaz Jai Courtney Ryan Corr Jacqueline McKenzie Isabel Lucas Mert Fırat Daniel Wyllie Damon Herriman Megan Gale Deniz Akdeniz Steve Bastoni James Fraser Ben O'Toole Robert Mammone Charlie Allan Michael Dorman Sophia Forrest Christopher Sommers
Color	Panavision
Datos y cifras
País(es)	Australia Estaus Unius Turquía
Anyo	2014
Estreno	11 d'aviento de 2014 Festival Internacional de Cine de Dubai (Dubai, Emiratos Arabes Unius) 26 d'aviento de 2024 Australia 26 d'aviento de 2014 Turquía 23 d'abril de 2015 Fesival Internacional de Cine de Newport Beach (Newport Beach, California, Estaus Unius)
Chenero(s)	Cine de drama Cine belico
Durada	111 min.
Idioma(s)	Anglés Turco Griego Ruso
Companyías
Productora(s)	RatPac Entertainment Seven Network Australia Hopscotch Features Fear of God Films
Estudio(s)	Disney Studios
Presupuesto	22,5 millons de dólars
Recauto	38,2 millons de dólars
Informacions en bases de datos especializadas:

The Water Diviner (títol orichinal en anglés, en aragonés L'adovinaire de l'augua, estrenada en Aragón con o títol en |castellano d'El maestro del agua, en aragonés O mayestro de l'augua) ye una cinta de cine de drama belico coproducida por o cine australiano, lo cine estausunidense y lo cine turco estrenada l'anyo 2014, dirichida por Russell Crowe seguntes un guión orichinal d'Andrew Anastasios y Andrew Knight, con una banda sonora orichinal de David Hirschfelder, una dirección de fotografía d'Andrew Lesnie y una producción cinematografica de Troy Lum, Andrew Mason y Keith Rodger ta las productoras RatPac Entertainment, Seven Network Australia, Hopscotch Features y Fear of God Films. Conta con un elenco d'o cual en fan parte Russell Crowe, Olga Kurylenko, Dylan Georgiades, Yılmaz Erdoğan, Cem Yılmaz, Jai Courtney, Ryan Corr, Jacqueline McKenzie, Isabel Lucas, Mert Fırat, Daniel Wyllie, Damon Herriman, Megan Gale, Deniz Akdeniz, Steve Bastoni, James Fraser, Ben O'Toole, Robert Mammone, Charlie Allan, Michael Dorman, Sophia Forrest y Christopher Sommers, entre d'atros actors.

En 1919, bien luego de rematar a Primera Guerra Mundial, Joshua Connor ye un granchero australiano que teneba tres fillos, Arthur, Edward y Henry, que heban combatiu en o Cuerpo d'Exercito d'Austraia y Nueva Zelanda (AMZAC) en 1915 mientres a batalla de Gallipoli y que son desapareixius dende alavez. Cuan Eliza, su muller, se suicida en no estar capable de superar-lo, decide marchar enta Turquía ta recuperar os cuerpos d'os suyos fillos y afosar-los con su mai. Cuan plega en Istambul s'alocha en un hotel rechentau por una turca vidua de guerra, clamada Ayshe. Cuan no el deixan viachar por tierra enta la peninsula de Gallipoli, Ayshe li diz que puet sobornar a un pescador ta que lo i leve. Malas que i plega troba que representants de l'exercito britanico i son recuperando cuerpos en colaboración con o comandant Hasan, qui heba mandau a las tropas turcas mientres a batalla. Encara que los britanicos dicen que no se permite l'acceso de civils, Hasan convence a lo chefe de que li permita remanir-ie, en estar o solo pai que ha estau ta recuperar os cadavres de sus fillos. Poco dimpués él mesmo, por as suyas habilidaz, troba los cadavres de Edward y Henry, pero no lo d'Arthur. Hasan li diz que li pareixe remerar o nombre y que fácil que hese estau feito presonero, y Joshua torna enta Istambul ta prebar de localizar a qué campo de presoneros lo levoron. Troba que en l'hotel Omer, lo cunyau d'Ayshe, la ye presionando ta que se case con él, y plega a emplegar a vioencia, monento en o cual Joshua intervién. Omar con un grupo d'amigos l'atacan, pero chusto en ixe momento plega un grupo de turcos ta salvar-lo, dirichiu por o sarchento Jemal, lo segundo d'o comandant Hasan. Hasan explica a Joshua que los griegos han atacau Turquía y ha esclatau a Guerra Greco-Turca y que éls marchan a luitar y han de pasar por on se trobaban a mayor parte d'os campos de presoneros. Mientres o viache en o ferrocarrl son atacaus por os griegos morindo tot o grupo turco menos Jemal, Hasan y Joshua, encara que los griegos quieren asasinar-los, deixando nomás que a Joshua en estar australiano. Sindembargo, Joshua ataca a los griegos y salva a Hasan, pero Jemal muere en a luita. Hasan leva a Joshua enta un lugarón que heba aparexiu en suenios a Joshua y a on i troban a Arthur, que en primeras no quiere tornar, en sentir-se culpable por haberse salvau y porque en realidat él mesmo tenió que rematar a su chirmano cuan daba las zagueras con muito dolor. Finalment lo convence y tornan enta Istambul, a lo mesmo hotel a on ye Ayshe.

A cinta s'ambienta en 1919 en lugars de Turquía (incluyindo-íe Istambul) y Australia; y las suyas escenas se filmoron en Kayaköy y Muğla (provincia de Muğla), Çanakkale (provincia de Çanakkale), en Istambul (provincia d'Istambul) y en as runas de Tlos y en Kalkan en a provincia d'Antalya y atros puestos en en Turquía; y Adelaida, Burra, Port Augusta y Quorn y atros puestos d'Australia Meridional y Sydney (Nueva Galas d'o Sud) en Australia, amás d'en os Disney Studios en Sydney.

Se tracta d'una cinta que ha recibiu cuantos premios y nominacions, encara que no perteneixen a los premios cinematograficos mas conoixius u destacaus, fueras d'os Premios AACTA de l'Academia Australiana d'o Cine y d'a Televisión.

Elenco

Actor	Papel	Notas
	'

Se veiga tamién

• Cine en 2014.
• Cintas de 2014.

Vinclos externos

• Se veigan as imáchens de Commons sobre The Water Diviner.
• (en) The Water Diviner en Internet Movie Database.
• (en) The Water Diviner en Rotten Tomatoes.

• Datos: Q15411503
• Multimedia: The Water Diviner / Q15411503