The Third Man

The Third Man
Títol	The Third Man
Póster estausunidense d'a cinta.
Ficha tecnica
Dirección	Carol Reed
Aduyant de dirección	Guy Hamilton
Producción	Carol Reed Alexander Korda David O. Selznick
Guión orichinal	Graham Greene
Musica	Anton Karas
Soniu	John Cox Jack Drake Red Law Bert Ross
Fotografía	Robert Krasker
Montache	Oswald Hafenrichter
Escenografía	Dario Simoni
Maquillache	George Frost Peter Evans
Peluquería	Joe Shear
Efectos especials	W. Percy Day
Actors	Orson Welles Joseph Cotten Alida Valli Trevor Howard Paul Hörbiger Ernst Deutsch Erich Ponto Siegfried Breuer Hedwig Bleibtreu Bernard Lee Wilfrid Hyde-White
Color	Blanco y negro
Datos y cifras
País(es)	Reino Uniu
Anyo	1949
Estreno	1 de setiembre de 1949 Hastings (Sussex de l'Este, Reino Uniu)
Chenero(s)	Cine negro
Durada	104 min.
Idioma(s)	Anglés Alemán Ruso Francés
Companyías
Productora(s)	London Films
Distribución	British Lion Film Corporation Selznick Releasing Organization
Estudio(s)	London Film Studios
Recauto	277.549 libras
Informacions en bases de datos especializadas:

The Third Man (títol orichinal en anglés, en aragonés O tercer hombre, estrenada en Aragón con o suyo títol traduciu enta lo castellano como El tercer hombre) ye una cinta de cine negro de cine britanico estrenada l'anyo 1949, dirichida por Carol Reed seguntes un guión orichinal de Graham Greene, con una banda sonora orichinal d'Anton Karas, una dirección de fotografía de Robert Krasker y una producción cinematografica de Carol Reed, Alexander Korda y David O. Selznick ta las productoras British Lion Film Corporation y Selznick Releasing Organization. Conta con un elenco d'o cual en fan parte, entre d'atros, os actors Orson Welles, Joseph Cotten, Alida Valli, Trevor Howard, Paul Hörbiger, Ernst Deutsch, Erich Ponto, Siegfried Breuer, Hedwig Bleibtreu, Bernard Lee y Wilfrid Hyde-White.

Holly Martins ye un escritor de novelas de western que plega en a ciudat de Viena cuan ista ciudat encara ye chusmetida a l'administración cuatripartita d'os Aliaus en rematar a Segunda Guerra Mundial. L'ha clamau o suyo amigo Harry Lime, qui li ha ufriu un treballo. Tanimientres, nomás plegar-ie conoix que Harry ha muerto atropellau y encara puet estar present en o suyo funeral. Tanimientres, bien luego prencipia a sospeitar que bella cosa no encaixa bien, a mida que poquet a poquet charra con as personas que yeran presents en a muerte de Harry u que l'han conoixiu. Cuan conoix a Anna Schmidt, una actriz que yera novia de Harry, toz dos sospeitan, y encara mas cuan veyen que no encaixan as versions sobre las personas que yeran presents en a muerte de Harry. Un portero lis diz que bi heba un tercer hombre movendo lo cadavre dimpués de l'atropello, pero ye asasinau antis de poder dar mas explicacions. Finalment, Calloway, un policía, explica a Holly que en reaidat Harry robaba penicilina en os hespitals militars, l'adulteraba y la vendeba en o mercau negro, habendo provocau muertes y malautías greus con o suyo producto adulterau. Holly decide marchar de tornada enta lo suyo país, pero antes de marchar s'empina y veye que un hombre que l'observa ye Harry, qui fuye. Finalment consigue charrar con él y para cuenta de lo suyo cinismo y de que no li importan as suyas victimas si él obtién beneficios con a suya muerte. Cuan Calloway conoix que Harry ye vivo, demana a Holly que colabore con él ta lo suyo arresto, pero Anna, que no sabe que tampoco no li importa cosa a Harry, lo convence temporalment de que no colabore. Cuan plega lo momento de l'arresto, se decidirá lo resultau, en estar presnets toz or implicaus en a trama.

A cinta s'ambienta en Viena (Austria) en a suya epoca actual (1949) y las suyas escenas se filmoron en ixa mesma ciudat, en Isleworth (Gran Londres) y en os London Film Studios en Shepperton (Surrey) en o Reino Uniu.

The Third Man ye una cinta que ha recibiu bels premios y nominacions, en destacando un Premio Oscar a la Millor Fotografía en Blanco y Negro amás de dos nominacions (Millor Director y Millor Montache) en a 23^ena edición d'os Premios Oscar; y un Premio BAFTA a la Millor Cinta Britanica (amás d'una nominación a lo Premio BAFTA a la Millor Cinta) en a 3^era edición d'os Premios BAFTA.

Elenco

Actor	Papel	Notas
	'

Se veiga tamién

• Cine en 1949.
• Cintas de 1949.

Vinclos externos

• (en) The Third Man en Internet Movie Database.
• (en) The Third Man en Screenonline d'o British Film Institute.
• (en) The Third Man en l'American Film Institute Catalog de l'American Film Institute.
• (en) The Third Man en Rotten Tomatoes.
• (en) The Third Man en Metacritic.

• Datos: Q271830
• Multimedia: The Third Man (1949 film) / Q271830