The Tall Men (cinta)
- Iste articlo ye sobre una cinta de western estausunidense estrenada en 1955; ta atros usos, se veiga The Tall Men.
The Tall Men (títol orichinal en anglés, en aragonés Os hombres altos, enguerada en Aragón con o títol en castellano de Los implacables, en aragonés Os implacables) ye una cinta de cine de western de cine estausunidense estrenada l'anyo 1955, dirichida por Raoul Walsh seguntes un guión adaptau por Sydney Boehm y Frank S. Nugent (basau en The Tall Men, una novela que heba publicau Heck Allen en l'anyo 1954), con una dirección de fotografía de Leo Tover, una banda sonora orichinal de Victor Young y una producción cinematografica de William A. Bacher y William B. Hawks ta la productora cinematografica 20th Century Fox. Conta con un elenco d'actors formau por, entre d'atros, Clark Gable, Jane Russell, Robert Ryan, Cameron Mitchell, Juan García, Harry Shannon, Emile Meyer y Steve Darrell.
En 1865, en rematar a Guerra Civil d'os Estaus Unius, Ben Allison y lo suyo chirmano Clint, que han estau miembros d'os Raiders de Quantrill, marchan enta los chacimientos d'oro de Montana en busca de diners. Cuan i plegan, deiden raptar a Nathan Stark, un cabalero hombre de negocios local, robando-le los diners que levaba y decindo-le que a lo día siguient li darán a libertat pero se quedarán con os suyos diners. Pero Nathan li proposa asociar-se con él ta transportar vacumen dende Texas enta Montana, fendo servir mesmo los diners que li acaban de robar que la experiencia d'os ladrons con o ganau. As dos chermanos aceptan y en o suyo camín troban una caravana que lis dan refuchio en bel meyo d'una intensa nevisca. Cuan a lo día siguient os tres socios continan a marcha, veyen que los indios atacarán a caravana pero Clint y Nathan no quieren tornar entazaga y marchan enta Texas y nomás que Ben torna t'aduyar a la caravana. Cuan la troban han muerto toz os colonos menos Nella Turner, una muller que ya heba intrigau a toz tres o día anterior. Ben y Nella se refuchian en una cabana a on cuan charran descubren que as suyas expectativas dabant d'a vida no son coincidents. Nella decide marchar enta California pero cuan li informan de que lo camín ye zarrau por a nieu decide acompanyar a Ben, que marcha enta San Antonio en seguindo a su chermano y su socio. Cuan plegan en a ciudat, Nathan preba de seducir a Nella y finalment toz cuatro marchan con un grupo de vaqueros enta Montana con o ganau que han mercau. En o luengo viache, Nella amuestra intrés por Nathan pero tamién coquetia con Ben. En o camín han de luitar contra bandas de saquiadors y con os indios sioux, y bel día troban muerto a Clint con flechas sioux clavadas en o suyo cuerpo. Finalment, cuan plegan en o suyo destio en Montana, Nella ha de decidir con cual d'os dos ha de quedar-se, a la vegada que Nathan ha de decidir si cumple lo suyo trato con Ben u si lo denuncia por o suyo rapto.
A cinta s'ambienta en l'anyo 1865 en Montana, San Antonio y atros puestos de Texas y en Kansas, y las suyas escenas e filmoron en Sombrerete (estau de Zacatecas) y en o estau de Durango en Mexico y en Idaho en os Estaus Unius, amás d'en os 20th Century Fox Studios en Los Angeles en California.[2]
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ (en) Estreno de The Tall Men en Internet Movie Database.
- ↑ (en) Localizacions en The Tall Men en Internet Movie Database.
- ↑ (en) The Tall Men en Internet Movie Database.
Vinclos externos
[editar | modificar o codigo]- (en) The Tall Men en Internet Movie Database.
- (en) The Tall Men en TCM Movie.
- Cintas por títol
- Cintas de 1955
- Cintas ambientadas en Kansas
- Cintas ambientadas en Montana
- Cintas ambientadas en San Antonio (Texas)
- Cintas ambientadas en Texas
- Cintas ambientadas en 1865
- Cintas con banda sonora orichinal de Victor Young
- Cintas con dirección de fotografía de Leo Tover
- Cintas con guión de Frank S. Nugent
- Cintas con guión de Sydney Boehm
- Cintas con montache de Louis R. Loeffler
- Cintas de western
- Cintas d'Estaus Unius
- Cintas dirichidas por Raoul Walsh
- Cintas en anglés
- Cintas en castellano
- Cintas en Cinemascope
- Cintas en Color by DeLuxe
- Cintas interpretadas por Cameron Mitchell
- Cintas interpretadas por Clark Gable
- Cintas interpretadas por Emile Meyer
- Cintas interpretadas por Harry Shannon
- Cintas interpretadas por Jane Russell
- Cintas interpretadas por Juan García
- Cintas interpretadas por Robert Ryan
- Cintas interpretadas por Steve Darrell
- Cintas producidas por William A. Bacher
- Cintas producidas por William B. Hawks
- Cintas rodadas en o estau de Durango
- Cintas rodadas en Idaho
- Cintas rodadas en Los Angeles
- Cintas rodadas en Sombrerete