The Sand Pebbles (cinta)

Iste articlo ye sobre una cinta estausunidense de cine de drama belico de l'anyo 1966; ta atros usos, se veiga The Sand Pebbles.

The Sand Pebbles
Títol	The Sand Pebbles
Ficha tecnica
Dirección	Robert Wise
Aduyant de dirección	Ridgeway Callow
Dirección artistica	Boris Leven
Producción	Robert Wise
Disenyo de producción	Boris Leven
Guión adaptau	Robert Anderson
Basau en	The Sand Pebbles, novela de Richard McKenna (1962)
Musica	Jerry Goldsmith
Soniu	Bernard Freericks Murray Spivack Douglas O. Williams
Fotografía	Joseph MacDonald
Montache	William Reynolds
Escenografía	William Kiernan Walter M. Scott John Sturtevant
Vestuario	Renié
Maquillache	Del Acevedo Ben Nye William Turner
Peluquería	Margaret Donovan Sharleen Rassi Jay Sebring
Efectos especials	Gerald Endler Johnny Borgese L.B. Abbott Emil Kosa Jr.
Actors	Steve McQueen Richard Attenborough Richard Crenna Candice Bergen Marayat Andriane Mako Larry Gates Charles Robinson Simon Oakland Ford Rainey Joe Turkel Gavin MacLeod Joseph di Reda Richard Loo Barney Phillips Gus Trikonis Shepherd Sanders James Jeter Tom Middleton Paul Chinpae Tommy Lee Beulah Quo James Hong
Color	Panavision Color by DeLuxe
Datos y cifras
País(es)	Estaus Unius
Anyo	1966
Estreno	20 d'aviento de 1966 Estaus Unius
Chenero(s)	Cine de drama Cine belico
Durada	182 min.
Idioma(s)	Anglés Chinés mandarín
Companyías
Productora(s)	Argyle Enterprises Solar Productions
Distribución	20th Century Fox
Estudio(s)	20th Century Fox Studios
Presupuesto	12,1 millons de dólars
Recauto	30 millons de dólars
Informacions en bases de datos especializadas:

The Sand Pebbles (títol orichinal en anglés, en aragonés Ruellos d'arena, estrenada en Aragón con o títol en castellano de El Yang-Tsé en llamas, en aragonés O Yangtze en flamas) ye una cinta de cine estausunidense de cine de drama belico estrenada l'anyo 1966, dirichida por Robert Wise seguntes un guión adaptau por Robert Anderson (basau en The Sand Pebbles, una novela que heba publicau Richard McKenna en l'anyo 1962), con una banda sonora orichinal de Jerry Goldsmith, una dirección de fotografía de Joseph MacDonald, una producción cinematografica de Robert Wise ta las productoras Argyle Enterprises y Solar Productions y que conta con un elenco formau por Steve McQueen, Richard Attenborough, Richard Crenna, Candice Bergen, Marayat Andriane, Mako, Larry Gates, Charles Robinson, Simon Oakland, Ford Rainey, Joe Turkel, Gavin MacLeod, Joseph di Reda, Richard Loo, Barney Phillips, Gus Trikonis, Shepherd Sanders, James Jeter, Tom Middleton, Paul Chinpae, Tommy Lee, Beulah Quo y James Hong, entre d'atros actors.

Jake Holman ye un maquinista d'a United States Navy a qui en 1926 han destinau a lo canyonero USS Saint Paul, que fa parte d'a patrulla d'o Yangtze. Cuan troba que los treballos d'o barco qui en realidat los fan son treballadors chineses subcontractaus por os marineros y se niega a fer igual que éls, a tripulación d'o barco li fa mala cara, pero él se fa amigo de Frenchy, un experimentau marinero. Holman detecta una avería en as maquinas pero lo capitán d'o barco li diz que no la reparará. Bien luego muere por culpa de l'avería lo chinés que ye a lo cudiau d'as maquinas y lo chefe de toz os chineses en culpa a Holman. Cuan o capitán l'obliga a buscar a un chinés ta substituyir a lo falleixiu, Holman decide esleyir a Po-Han, que li parixe bien afable. Cuan os marineros baixan a tierra, visitan un bordel a on troban a Maily, una choven chinesa que encara ye virchen y que i ye ta pagar una deuda de 200 dólars y por qui Frenchy s'intresa. Stawski, un marinero enemigo de Holman decide fer-li la vida imposible a lo suyo protechiu Po-Han y l'obliga a boxiar: si gana Stawski conseguirá los diners ta mercar a Mayli y si gana Po-Han conservará lo suyo treballo, pero encara que iste zaguero casi consigue sorpresivament a victoria, lo combate no remata en esclatar una alerta. Alavez esclata la Guerra Civil China, pero lo barco recibe la orden de estar neutral en a guerra y només fer que salvar a ciudadans estausunidenses que se troban en l'alto d'o río Yangtze y en una misión troban a Shirley Eckert, una choven aduyant d'o misionero Jameson. Cuan son torturando a Po-Han dica la muerte, Holman opta por desobedeixer a lo suyo capitán y lo mata d'un disparo por compasión, pero los chineses lo culpan d'ixa muerte. D'atra man, Frenchy quiere obtener a libertat de Mayli pero se veye obligau a luitar cuan l'obligar a pagar mas d'o pre acordau d'antes mas, con l'aduya de Holman, conseguindo fuyir toz tres, y finalment a parella se casa sin permiso d'os suyos superiors, a la vegada que Holman y Eckert s'enamoran. Cuan Frenchy muere, los chineses asasinan a Mayli pero culpan a Holman de l'asasinato, en bel meyo de disturbios contra los foranos por toda China.

A cinta s'ambienta en bels puestos d'o sud de China en 1926 y 1927, y las suyas escenas se filmoron en La Porte (Texas) y Calabasas (California) en os Estaus Unius, en Keelung, Nueva Taipei y Taipei en a Republica de China y en Hong Kong en China, amás d'en os 20th Century Fox Studios en Los Angeles, tamién en California.

The Sand Pebbles ye una cinta que ha recibiu cuantos premios y nominacions, en destacando ueito nominacions a los Premios Oscar (Millor Cinta, Millor Actor, Millor Actor Segundario, Millor Disenyo de Producción, Millor Fotografía en Color, Millor Montache, Millor Banda Sonora Orichinal y Millor Soniu) en a suya 39^ena edición y un Premio Globo d'Oro (Millor Actor Segundario) y siet nominacions (Millor Cinta Dramatica, Millor Actor Dramatico, Millor Actor Segundario, Millor Director, Millor Guión, Millor Banda Sonora Orichinal y Millor Estrela Emerchent Femenina) en a suya 24^ena edición.

Elenco

Actor	Papel	Notas
	'

Se veiga tamién

• Cine en 1966.
• Cintas de 1966.

Vinclos externos

• (en) The Sand Pebbles en Internet Movie Database.
• (en) The Sand Pebbles en TCM Movie.
• (en) The Sand Pebbles en l'American Film Institute Catalog de l'American Film Institute.

• Datos: Q916287