The Raid (cinta de 1954)

Iste articlo ye sobre una cinta estausunidense de western estrenada en 1954; ta atros usos, se veiga The Raid.

The Raid
Títol	The Raid
Ficha tecnica
Dirección	Hugo Fregonese
Aduyant de dirección	Ad Schaumer
Dirección artistica	George Patrick
Producción	Robert L. Jacks
Guión adaptau	Sydney Boehm
Basau en	una historia de Francis M. Cockrell basada en Affair at St. Albans, novela de Herbert Ravenel Sass (1948)
Musica	Roy Webb
Soniu	Harry M. Leonard Arthur von Kirbach
Fotografía	Lucien Ballard
Montache	Robert Golden
Escenografía	Glen Daniels
Vestuario	Travilla
Maquillache	Louis Hippe
Actors	Van Heflin Anne Bancroft Richard Boone Lee Marvin Tommy Rettig Peter Graves Douglas Spencer Paul Cavanagh Will Wright James Best John Dierkes Helen Ford
Color	Technicolor
Datos y cifras
País(es)	Estaus Unius
Anyo	1954
Estreno	4 d'agosto de 1954 Estaus Unius
Chenero(s)	Cine de drama Cine de western Cine belico
Durada	83 min.
Idioma(s)	Anglés
Companyías
Productora(s)	Panoramic Productions
Distribución	20th Century Fox
Estudio(s)	RKO-Pathé Studios
Presupuesto	650.000 dólars
Informacions en bases de datos especializadas:

The Raid (títol orichinal en anglés, en aragonés A incursión, estrenada en Aragón con o títol en castellano de Fugitivos rebeldes, en aragonés Fuchitivos rebels) ye una cinta de cine estausunidense de cine de drama western belico estrenada l'anyo 1954, dirichida por Hugo Fregonese seguntes un guion adaptau por Sydney Boehm (basau en una historia de Francis M. Cockrell, basada a la vegada en Affair at St. Albans, una novela que heba publicau Herbert Ravenel Sass l'anyo 1948), con una banda sonora orichinal de Roy Webb, una dirección de fotografía de Lucien Ballard y una producción cinematografica de Robert L. Jacks ta la productora cinematografica Panoramic Productions. De l'elenco d'a cinta en fan parte, entre d'atros actors, Van Heflin, Anne Bancroft, Richard Boone, Lee Marvin, Tommy Rettig, Peter Graves, Douglas Spencer, Paul Cavanagh, Will Wright, James Best, John Dierkes y Helen Ford.

En 1864, mientres a Guerra Civil d'os Estaus Unius, un grupo de presoneros de l'exercito d'os Estaus Confederaus d'America se troban en un campo de presoneros en Plattsburgh (Nueva York), amán d'a muga con Canadá. Consiguen fuyir-ne, y lo fan con un obchectivo: marchar en primeras enta Mont-reyal en Canadá ta dimpués tornar a trescruzar a muga ta dentrar en St. Albans (Vermont), robar-ie toz os diners d'os suya bancos ta financiar a marcha d'a guerra y cremar os suos edificios (posteriorment un d'éls afirma en a cinta que lo fa como venganza por l'incendio d'Atlanta por os nordistas). L'organizador d'o plan ye lo comandant Neal Benton que plega enta St. Albans en decindo que ye canadiense, pero bien luego, mientres que fa los preparativos ta la incursión conoix a una muller d'a ciudat que rechenta la casa de huespedes en a ciudat, que ye vídua y con un filo, que tamién amuestra simpatía por Neal. Poquet a poquet plegan o resto d'o grupo d'os futuros asaltants d'a ciudat, que s'amagan en un rancho albandonau que se troba a distancia adecuada de St. Albans, ni masiau amán ta estar descubiertos ni masiau luent ta dificultar a incursión. Mesmo auan un d'os sudistas se zafuma y prencipia a menazar a los habitants y a proclamar que ye un soldau confederau, Neal li dispara, matando-lo, y los habitants d'o lugar amuestran bien clarament a suya gratitut enta él. Bien luego plega lo día decisivo fixau ta cumplir o plan.

A cinta s'ambienta en 1864 mientres a Guerra Civil d'os Estaus Unius en Plattsburgh (Nueva York) y St. Albans (Vermont), y las suyas escenas se filmoron en Lake Sherwood (California), amás d'en os RKO-Pathé Studios en Culver City, tamién en California.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• (en) The Raid en Internet Movie Database.
• (en) The Raid en TCM Movie Database.
• (en) The Raid en l'American Film Institute Catalog de l'American Film Institute.

• Datos: Q3824325