The Phantom (cinta de 1996)
- Iste articlo ye sobre una cinta de cine d'aventuras de superherois estausunidense estrenada en 1996; ta atros usos, se veiga The Phantom.
The Phantom (títol orichinal en anglés, en aragonés O pantasma, estrenada en Aragón con o títol mixto en anglés y castellano de The Phantom (el hombre ebmascarado), en aragonés The Phantom (l'hombre golucho)) ye una cinta de cine estausunidense de cine d'aventuras de superherois estrenada l'anyo 1996, dirichida por Simon Wincer seguntes un guión adaptau por Jeffrey Boam (basau en o cómic The Phantom, de Lee Falk), con una banda sonora orichinal de David Newman, una dirección de fotografía de David Burr, una producción cinematografica d'Alan Ladd Jr. y Robert Evans ta las productoras The Ladd Company, Village Roadshow Pictures y Hearst Entertainment, y un elenco formau por Billy Zane, Treat Williams, Kristy Swanson, Catherine Zeta-Jones, James Remar, Patrick McGoohan, Radmar Agana Jao, Robert Coleby, Cary-Hiroyuki Tagawa, Bill Smitrovich, Casey Siemaszko, David Proval, Joseph Ragno, Al Ruscio, Samantha Eggar, Jon Tenney y John Capodice, entre d'atros actors.
En primerías d'o sieglo XVI, uns piratas asaltan o barco en o que viache un nino, que veye cómo Kabai Sengh, lo chefe d'os piratas, asasina a su pai. O nino consigue fuyir y plega enta la costa d'un país d'o sud-este d'Asia clamau Bangalla, a on ye adoptau y criau por una tribu local. Recibe un aniello, clamau "Aniello d'a Calavera", y se compromete a adedicar a suya vida a luitar por a virtut, adoptando lo nombre de "Pantasma" y convertendo-se en un vengador golucho. Mientres 400 anyos ixe papel se transmite de pais enta fillos, creyando asinas una apariencia d'immortalidat. En 1938, lo Pantasma ye Kit Walker, qui troba a Quill dirichindo un grupo de ladrons de tombas. O grupo busca la tomba a on se i troba una d'as tres Calaveras de Touganda, que si consigue reunir li atorgarán uns poders immensos. Quill consigue fuyir, a la vegada que Kit conoix que ye l'asasino de su pai, qui se l'apareixe de contino ta aconsellar-lo. A la vegada, en Nueva York se troba Diana Palmer, una antiga novia de Kit cuan iste estudiaba en a universidat. Diana ye sobrina d'o propietario d'o diario World Tribune y iste diario ye investigando a Xander Drax, de qui sospeitan que tien vinclos con o mundo d'o crimen. Conoixen que se relaciona con un misterioso simbolo y que dito simbolo tien a la vegada relación con a selva tropical de Bengalla, y Diana marcha enta Bengalla ta investigar. Pero han explicau o motivo d'o viache a Farley, un chefe d'a Policía de Nueva York, qui secretament treballa ta Drax y l'informa d'ixe viache. Piratas aerios dirichius por una muller secuestran l'avión a on viacha la mesacha y la secuestran, pero Kit, que ha estau informau d'o secuestro, consigue liberar-la. Kit y Diana marchan enta Nueva York, a on descubren que los hombres de Drax han robau la segunda calavera y que marchan enta una isla en a mar d'Andaman en busca d'a tercera. Cuan plegan en a isla troban a Kabai Sengh, un pirata desciendent directo de l'asasino d'o pai d'o primer Pantasma.
A cinta s'ambienta en o sieglo XVI y en 1938 en bels puestos d'Asia y en Nueva York (Nueva York en os Estaus Unius, y las suyas escenas se filmoron en a provincia de Krabi en Tailandia, en Brisbane (Queensland) en Australia y en Arcadia, Beverly Hills y Los Angeles (California) en os Estaus Unius, amás d'en os Village Roadshow Studios en Oxenford en Queensland.[2]
Se tracta d'una cinta que ha recibiu bels premios y nominacions; tanimientres, garra d'éls no perteneixe a los premios cinematograficos mas conoixius u destacaus.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (en) Estreno de The Phantom en Internet Movie Database.
- ↑ (en) Localizacions de The Phantom en Internet Movie Database.
- ↑ (en) The Phantom en Internet Movie Database.
Vinclos externos
[editar | modificar o codigo]- (en) The Phantom en Internet Movie Database.
- Cintas por títol
- Cintas de 1996
- Cintas ambientadas en Asia
- Cintas ambientadas en Nueva York (ciudat)
- Cintas ambientadas en 1938
- Cintas ambientadas en o sieglo XVI
- Cintas con banda sonora orichinal de David Newman
- Cintas con dirección de fotografía de David Burr
- Cintas con guión de Jeffrey Boam
- Cintas con montache de Bryan H. Carroll
- Cintas con montache d'O. Nicholas Brown
- Cintas de cine d'aventuras
- Cintas de cine de superherois
- Cintas d'Australia
- Cintas d'Estaus Unius
- Cintas dirichidas por Simon Wincer
- Cintas en anglés
- Cintas en Color by DeLuxe
- Cintas en Panavision
- Cintas interpretadas por Al Ruscio
- Cintas interpretadas por Bill Smitrovich
- Cintas interpretadas por Billy Zane
- Cintas interpretadas por Cary-Hiroyuki Tagawa
- Cintas interpretadas por Casey Siemaszko
- Cintas interpretadas por Catherine Zeta-Jones
- Cintas interpretadas por David Proval
- Cintas interpretadas por James Remar
- Cintas interpretadas por John Capodice
- Cintas interpretadas por Jon Tenney
- Cintas interpretadas por Joseph Ragno
- Cintas interpretadas por Kristy Swanson
- Cintas interpretadas por Patrick McGoohan
- Cintas interpretadas por Radmar Agana Jao
- Cintas interpretadas por Robert Coleby
- Cintas interpretadas por Samantha Eggar
- Cintas interpretadas por Treat Williams
- Cintas producidas por Alan Ladd Jr.
- Cintas producidas por Robert Evans
- Cintas rodadas en Arcadia (California)
- Cintas rodadas en Beverly Hills
- Cintas rodadas en Brisbane
- Cintas rodadas en a provincia de Krabi
- Cintas rodadas en Los Angeles
- Cintas rodadas en Oxenford (Queensland)