The One (cinta de 2001)
- Ite articlo ye sobre una cinta estausunidense de cine d'acción de ciencia-ficción estrenada en 2001; ta atros usos, se veiga The One.
_Póster.jpg)
The One (títol orichinal en anglés, en aragonés L'indicau, estrenada en Aragón con o títol en castellano de El único, en aragonés L'unico) ye una cinta de cine estausunidense de cine d'acción de ciencia-ficción d'artes marcials estrenada l'anyo 2001, dirichida por James Wong seguntes un guión orichinal de Glen Morgan y James Wong. con una banda sonora orichinal de Trevor Rabin, una dirección de fotografía de Robert McLachlan y una producción cinematografica de Steve Chasman, Glen Morgan, Charles Newirth y James Wong ta las productoras Columbia Pictures, Revolution Studios y Hard Eight Pictures. Fan parte de l'elenco d'actors d'a cinta, entre d'atros, Jet Li, Jason Statham, Delroy Lindo, Carla Gugino, James Morrison, Dylan Bruno, Richard Steinmetz, Archie Kao, Dean Norris, Steve Rankin, Tucker Smallwood, Harriet Sansom Harris, Mark Borchardt y Doug Savant.
Gabriel Yulaw ye un antigo achent de l'Autoridat d'o Multiverso, un organismo que ye a lo cudiau d'os viaches interdimensionals, que ye en busca de variants de sí mesmo en cuantos universos paralelos. Dica l'inte ha trobau y asasinau a 123 variants de sí mesmo, con l'obchectivo d'absorber as suyas enerchías vitals en matar-los. Capturau cuan marchaba en busca d'a suya variant 124, ye destinau a una garchola d'alta seguredat, pero logra fuyir momentos antes d'estar-ne transportau. Marcha en busca d'a variant 124 y ultima de sí mesmo, Gabe Law, en l'universo Charis. En ixe universo, Gabe Law ye un achent de Policía de Los Angeles que ha observau que dende fa 2 anyos milloran regularment as suyas capacidaz fisicas y mentals, pero ni él ni su muller, que ye medico, son capables d'explicar-lo. Mientres que Gabe transporta a un presonero, tien a sensación d'a suya propia presencia (en realidat d'a de Yulaw) y ixo li permite desentar que iste dispare contra él. Queda feriu en cayer d'un muro pero dos miembros de l'Autoridat d'o Multiverso privan que Yulaw lo mate. Tanimientres, Yulaw va enta l'hespital a on ye Gabe y se baralla con él, destrotando a los policías en veyer que se barallan dos personas identicas y amás vestidas igual. Toz dos consiguen fuyir y la policía los persigue, encara que creyen que las malfeitas que fa Yulaw son obra de Gabe. Iste ha de luitar contra Yulaw sin garra aduya, estando amás perseguiu por a Policía, y contando nomás que con o refirme d'un d'os dos miembros de l'Autoridat d'o Multiverso, en haber Yulaw conseguiu matar a l'atro.
A cinta s'ambienta en Los Angeles en a suya epoca actual (2001) y en bels universos paralelos, y las suyas escenas se filmoron en Los Angeles y Redondo Beach (California), amás d'en os Los Angeles Center Studios en Los Angeles y los Universal Studios en Universal City, toz dos en California.[2]
Ye una cinta que ha ganau bels premios y nominacions, anque garra d'éls no perteneixe a los premios cinematograficos mas conoixius u destacaus.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ (en) Estreno de The One en Internet Movie Database.
- ↑ (en) Localizacions de The One en Internet Movie Database.
- ↑ (en) The One en Internet Movie Database.
Vinclos externos
[editar | modificar o codigo]- (en) The One en Internet Movie Database.
- Cintas por títol
- Cintas de 2001
- Cintas ambientadas en Los Angeles
- Cintas ambientadas en 2001
- Cintas con banda sonora orichinal de Trevor Rabin
- Cintas con dirección de fotografía de Robert McLachlan
- Cintas con guión de Glen Morgan
- Cintas con guión de James Wong
- Cintas con montache de James Coblentz
- Cintas de cine d'acción
- Cintas de cine d'artes marcials
- Cintas de cine de ciencia-ficción
- Cintas d'Estaus Unius
- Cintas dirichidas por James Wong
- Cintas en anglés
- Cintas en Color by DeLuxe
- Cintas interpretadas por Archie Kao
- Cintas interpretadas por Carla Gugino
- Cintas interpretadas por Dean Norris
- Cintas interpretadas por Delroy Lindo
- Cintas interpretadas por Doug Savant
- Cintas interpretadas por Dylan Bruno
- Cintas interpretadas por Harriet Sansom Harris
- Cintas interpretadas por James Morrison
- Cintas interpretadas por Jason Statham
- Cintas interpretadas por Jet Li
- Cintas interpretadas por Mark Borchardt
- Cintas interpretadas por Richard Steinmetz
- Cintas interpretadas por Steve Rankin
- Cintas interpretadas por Tucker Smallwood
- Cintas producidas por Charles Newirth
- Cintas producidas por Glen Morgan
- Cintas producidas por James Wong
- Cintas producidas por Steve Chasman
- Cintas rodadas en Los Angeles
- Cintas rodadas en Redondo Beach
- Cintas rodadas en Universal City