The Nun's Story (cinta)

Iste articlo ye sobre una cinta dramatica estausunidense de l'anyo 1959; ta atros usos, se veiga The Nun's Story.

The Nun's Story
Títol	The Nun's Story
Póster d'a cinta.
Ficha tecnica
Dirección	Fred Zinnemann
Aduyant de dirección	Bernard Vorhaus Sergio Leone
Dirección artistica	Alexandre Trauner
Producción	Henry Blanke
Guión adaptau	Robert Anderson
Basau en	The Nun's Story, novela de Kathryn Hulme (1956), basada en a vida d'a moncha Marie Louise Habets
Musica	Franz Waxman
Soniu	George Groves Oliver S. Garretson Robert J. Miller
Fotografía	Franz Planer
Montache	Walter Thompson
Escenografía	Maurice Barnathan
Vestuario	Marjorie Best
Maquillache	Alberto De Rossi
Peluquería	Grazia De Rossi
Actors	Audrey Hepburn Peter Finch Edith Evans Peggy Ashcroft Dean Jagger Mildred Dunnock Beatrice Straight Patricia Collinge Rosalie Crutchley Ruth White Barbara O'Neil Margaret Phillips Patricia Bosworth Colleen Dewhurst Stephen Murray Lionel Jeffries Niall MacGinnis Eva Kotthaus Molly Urquhart Dorothy Alison Jeanette Sterke Errol John Diana Lambert Orlando Martins
Color	Technicolor
Datos y cifras
País(es)	Estaus Unius
Anyo	1959
Estreno	18 de chunio de 1959 Nueva York (Nueva York, Estaus Unius)
Chenero(s)	Cine de drama
Durada	152 min.
Idioma(s)	Anglés
Companyías
Productora(s)	Warner Bros.
Distribución	Warner Bros.
Estudio(s)	Cinecittà
Presupuesto	3,5 millons de dólars
Recauto	12,8 millons de dólars
Informacions en bases de datos especializadas:

The Nun's Story (títol orichinal en anglés, en aragonés A historia d'una moncha, estrenada en Aragón con o suyo títol traduciu enta lo castellano como La historia de una monja) ye una cinta de cine de drama de cine estausunidense estrenada l'anyo 1959, dirichida por Fred Zinnemann seguntes un guión adaptau por Robert Anderson (basau en a novela The Nun's Story, publicada por Kathryn Hulme l'anyo 1956, basada a la vegada en a vida d'a moncha belga Marie Louise Habets), con una banda sonora orichinal de Franz Waxman, una dirección de fotografía de Franz Planer, una producción cinematografica de Henry Blanke ta la productora cinematografica Warner Bros. y un elenco d'o cual en fan parte, entre d'atros actors, Audrey Hepburn, Peter Finch, Edith Evans, Peggy Ashcroft, Dean Jagger, Mildred Dunnock, Beatrice Straight, Patricia Collinge, Rosalie Crutchley, Ruth White, Barbara O'Neil, Margaret Phillips, Patricia Bosworth, Colleen Dewhurst, Stephen Murray, Lionel Jeffries, Niall MacGinnis, Eva Kotthaus, Molly Urquhart, Dorothy Alison, Jeanette Sterke, Errol John, Diana Lambert y Orlando Martins.

Hubert Van Der Mal ye un destacau cirurchano belga viduo, con una filla, Gabrielle "Gaby". Gaby a finals d'os anyos 1920 decide dentrar en un convento belga con l'obchectivo de marchar como misionera enta lo Congo Belga, alavez una colonia belga. Ya estando postulant y novicia prencipian os suyos problemas con o voto d'obediencia. fa la duya formacón en l'Instituto de Medicina Tropical d'Anvers. Tanimientres, en rematar os suyos estudios no la ninvían a lo Congo, so que a un hespital psiquiatrico en Europa, a on torna a tener problemas en no cumplir as normas. Cuan finalment fa lo suyo voto solemne consigue que la ninvíen enta lo Congo, a on la destinan a un hespital segregau nomás que ta pacients blancos, contra los suyos deseyos. En l'hespital ha de tractar con Fortunati, un medico brilant y ateu|. Cuan caye malauta por tuberculosi (encara que lieument), Fortunati l'aduya a amagar-lo, en estar conscient de que si se sabe d'a suya malautía la ninviarán de tornada enta Europa. Tanimientres, se veye obligau finalment a deixar-la marchar de tornada enta Belchica porque ha d'acompanyar a un important personache malauto que ha de tornar. En Belchica, la moncha fa un periodo de reflexión en o monesterio prencipal d'a suya orden, que dura dica prencipiar a Segunda Guerra Mundial, a on mundo que conoixeba s'esvoldrega, inluyindo-ie la muerte de su pai.

A cinta s'ambienta en os anyos 1920, 1930 y 1940 en Belchica (incluyindo-ie Anvers) y lo Congo Belga (actual Republica Democratica d'o Congo). As suyas escenas se filmoron en Bruches (Flandres Occidental), Anvers (provincia d'Anvers) y Froyennes (Hainaut) en Belchica y en Kisangani (Tshopo) en l'actual Republica Democratica d'o Congo, amás d'en os estudios de Cinecittà en Roma en Italia.

Se tracta d'una cinta que ha recibiu cuantos premios y nominacions, en destacando ueito nominacions a los Premios Oscar (Millor Cinta, Millor Director, Millor Actriz, Millor Guión Adaptau, Millor Fotografía, Millor Montache, Millor Banda Sonora Orichinal y Millor Soniu) en 1960 mientres a 32^ena edición d'os premios; un Premio BAFTA a la Millor Actriz Britanica, amás d'atras cuatre nominacions (Millor Cinta, Millor Actor Britanico, Millor Actriz Britanica y Premio Nacions Unidas) ixe mesmo anyo en a 13^ena edición d'os Premios BAFTA; un Premio David de Donatello a la Millor Actriz Forana tamién en 1960 mientres a 5^ena edición d'os Premios David de Donatello; un Premio Especial y cinco nominacions (Millor Cinta Dramatica, Millor Actriz Dramatica, Millor Actriz Segundaria, Millor Director y Millor Cinta Promotora de l'Entendimiento Mundial) igualment en 1960, mientres a 17^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1959.
• Cintas de 1959.

Vinclos externos

• Se veigan as imáchens de Commons sobre The Nun's Story.
• (en) The Nun's Story en Internet Movie Database.
• (en) The Nun's Story en AllMovie.
• (en) The Nun's Story en l'American Film Institute Catalog de l'American Film Institute.
• (en) The Nun's Story en TCM Movie Database.
• (en) The Nun's Story en Rotten Tomatoes.

• Datos: Q781608
• Multimedia: The Nun's Story (film) / Q781608