The Mummy (cinta de 1999)

Iste articlo ye sobre una cinta estausunidense de cine d'aventuras y acción de l'anyo 1999; ta atros usos, se veiga The Mummy y The Mummy (cinta).

The Mummy
Títol	The Mummy
Ficha tecnica
Dirección	Stephen Sommers
Dirección artistica	Giles Masters Tony Reading Cliff Robinson Peter Russell
Producción	James Jacks Sean Daniel
Disenyo de producción	Allan Cameron
Guión adaptau	Stephen Sommers
Basau en	una historia de Stephen Sommers, Lloyd Fonvielle y Kevin Jarre, basau en o guión de The Mummy por Nina Wilcox Putnam, Richard Schayer y John L. Balderston
Musica	Jerry Goldsmith
Fotografía	Adrian Biddle
Montache	Bob Ducsay Kelly Matsumoto
Escenografía	Peter Howitt
Vestuario	John Bloomfield
Maquillache	Sarita Allison Jayne Buxton Joanne Manning Ben Nye III Sarah Pickering Aileen Seaton Carol Tucker Jane Walker Jeremy Woodhead Darren Robinson Matthew Smith
Peluquería	Tricia Cameron Robert Hallowell II Annie Townsend Sarah Love Barbara Sutton
Casting	John Hubbard Ros Hubbard
Actors	Brendan Fraser Rachel Weisz John Hannah Arnold Vosloo Kevin J. O'Connor Jonathan Hyde Oded Fehr Erick Avari Stephen Dunham Corey Johnson Tuc Watkins Omid Djalili Aharon Ipalé Bernard Fox Patricia Velásquez
Color	Color by DeLuxe Panavision
Datos y cifras
País(es)	Estaus Uius
Anyo	1999
Debantadera	16 d'abril de 1999 Portugal 4 de mayo de 1999 Estaus Unius
Chenero(s)	Cine d'aventuras Cine d'acción
Durada	125 min.
Idioma(s)	Anglés Arabe Luengas echipcias Hebreo Hongaro Chinés
Companyías
Productora(s)	Alphaville Films
Distribución	Universal Pictures
Estudio(s)	Shepperton Studios
Presupuesto	80 millons de dólars
Recauto	418,1 millons de dólars
Succesión de cintas
Succedida por	The Mummy Returns (2001, Stephen Sommers)
Informacions en bases de datos especializadas:

The Mummy (títol orichinal en anglés, en aragonés A momia, enguerada en Aragón con o suyo títol traduciu enta lo castellano como La momia) ye una cinta de cine estausunidense de cine d'aventuras d'acción enguerada l'anyo 1999, dirichida por Stephen Sommers seguntes un guión adaptau por él mesmo (basau en una historia de Stephen Sommers, Lloyd Fonvielle y Kevin Jarre, basada a la vegada en o guión que ta la cinta de 1932 The Mummy heban escrito Nina Wilcox Putnam, Richard Schayer y John L. Balderston), con una banda sonora orichinal de Jerry Goldsmith, una dirección de fotografía d'Adrian Biddle, una producción cinematografica de James Jacks y Sean Daniel ta la productora cinematografica Alphaville Films y un elenco d'actors formau por Brendan Fraser, Rachel Weisz, John Hannah, Arnold Vosloo, Kevin J. O'Connor, Jonathan Hyde, Oded Fehr, Erick Avari, Stephen Dunham, Corey Johnson, Tuc Watkins, Omid Djalili, Aharon Ipalé, Bernard Fox y Patricia Velásquez, entre d'atros.

The Mummy recupera con cuantas variacions a historia contada en The Mummy (1932, Karl Freund) y ye l'orichen d'a clamada "Trolochía d'a momia", d'a cual en fan parte tamién The Mummy Returns (2001, Stephen Sommers) y The Mummy: Tomb of the Dragon Emperor (2008, Rob Cohen).

En a ciudat de Tebas en l'Antigo Echipto en l'anyo 1290 aC lo sacerdot Imhotep tien un romance con Anck-su-namun, que ye l'amant d'o faraón Seti I, y cuan iste descubre a la parella, Imhotep lo mata. En plegar os guardias d'o faraón, la mesacha se suicida, asperando que Imhotep la resucite, mientres que iste consigue fuyir y posteriorment, con aduya d'os suyos sacerdoz, recupera lo suyo cadavre y lo leva enta la Ciudat d'os Muertos ta prencipiar o ritual de resurrección, pero plegan os soldaus d'o faraón antis de completar-lo y los suyos sacerdoz son momificaus en vida y Imhotep ye maldeciu y condenau a estar apedacau vivo zarrau con insectos que mincharán a suya carne en vida. O problema ye que dimpués d'ixo, si Imhotep consguise resucitar, lo faría revestiu de grans poders y con gran capacidat de fer mal, asinas que los guardas d'o faraón se conchuran ta cosirar perpetuament a tomba d'Imhotep a traviés d'os suyos descendients. Sieglos dimpués, en 1926 en O Caire, Evelyn Carnahan treballa en un museu y su chirmano Jonathan li amuestra un mapa d'un fabuloso tresoro en a ciudat perdida de Hamunaptra (la Ciudat d'os Muertos, que ye a on ye apedacau Imhotep), mapa que robó a Rick O'Connell, un aventurero estausunidense que i heba estau fa anyos con os suyos soldaus d'a Lechión Forana a qui heba convenciu ta desertar y buscar o trasoro. Rick accepta fer-lis de guía pero se troban con que una expedición estausunidense marcha enta lo mesmo obchectivo, plegando finalmente toz dos grupos en a ciudat perdida a lo mesmo tiempo, encara que cada grupo excava por separau. Sindembargo ye Evelyn qui troba lo Libro d'os Muertos y en leyer-lo pronuncia las palabras que fan revivir a Imhotep.

The Mummy s'ambienta en Echipto en dos momentos diferents: en 1290 aC y en 1926, en iste zaguer caso en O Caire y en bels atros puestos d'o pais; as suyas escenas se filmoron en Marráquex (provincia de Marráquex), Erfoud (provincia d'Errachidia), Ouarzazate (provincia d'Ouarzazate) y atros puestos en Marruecos, en Arizona en os Estaus Unius y en Chatham (Kent), Mentmore (Buckinghamshire), Farnham (Surrey) y Londres en o Reino Uniu, amás d'en os Shepperton Studios en Shepperton (Surrey) en o Reino Uniu.

A cinta ha recibiu cuantos premios y nominacions, en destacando una nominación a los Premios Oscar (Millor Soniu) en a suya 72^ena edición y una nominación a los Premios BAFTA (Millors Efectos Especials) en a suya 53^ena edición.

Elenco

Actor	Papel	Notas
[[]]	'

Se veiga tamién

• Cine en 1999.
• Cintas de 1999.

Vinclos externos

• (en) The Mummy en Internet Movie Database.
• (en) The Mummy en TCM Movie.
• (en) The Mummy en l'American Film Institute Catalog de l'American Film Institute.

• Datos: Q202508