The Mule (cinta de 2018)

Iste articlo ye sobre una cinta de drama policiaco estausunidense de 2018; ta atros usos, se veiga The Mule y The Mule (cinta).

The Mule
Títol	The Mule
Ficha tecnica
Dirección	Clint Eastwood
Dirección artistica	Rory Bruen Julien Pougnier
Producción	Clint Eastwood Tim Moore Kristina Rivera Jessica Meier Dan Friedkin Bradley Thomas
Disenyo de producción	Kevin Ishioka
Guión adaptau	Nick Schenk
Basau en	The Sinaloa Cartel's 90-Year-Old Drug Mule, articlo de Sam Dolnick
Musica	Arturo Sandoval
Fotografía	Yves Bélanger
Montache	Joel Cox
Escenografía	Ronald R. Reiss
Vestuario	Deborah Hopper
Casting	Geoffrey Miclat
Actors	Clint Eastwood Bradley Cooper Laurence Fishburne Michael Peña Dianne Wiest Ignacio Serricchio Andy García Taissa Farmiga Kinsley Isla Dillon Alison Eastwood Richard Herd Lobo Sebastian Manny Montana Noel G. Eugene Cordero Clifton Collins Jr. Victor Rasuk Robert LaSardo Daniel Moncada
Color	Panavision Technicolor
Datos y cifras
País(es)	Estaus Unius Canadá
Anyo	2018
Estreno	10 d'aviento de 2018 Los Angeles (California, Estaus Unius) 14 d'aviento de 2018 Canadá
Chenero(s)	Cine de drama Cine policiaco
Durada	116 min.
Idioma(s)	Anglés Castellano
Companyías
Productora(s)	Imperative Entertainment Bron Creative Malpaso Productions
Distribución	Warner Bros. Pictures
Presupuesto	50 millons de dólars
Recauto	174,8 millons de dólars
Informacions en bases de datos especializadas:

The Mule (títol orichinal en anglés, en aragonés A mula, estrenada en Aragón con o suyo títol traduciu como Mula) ye una cinta de cine de drama policiaco de cine estausunidense estrenada l'anyo 2018, dirichida por Clint Eastwood seguntes un guión adaptau por Nick Schenk (basau en The Sinaloa Cartel's 90-Year-Old Drug Mule, un articlo publicau por o periodista Sam Dolnick en o diario The New York Times en 2014), con una banda sonora orichinal d'Arturo Sandoval, una dirección de fotografía d'Yves Bélanger, una producción cinematografica de Clint Eastwood, Tim Moore, Kristina Rivera, Jessica Meier, Dan Friedkin y Bradley Thomas ta las productoras Imperative Entertainment, Bron Creative y Malpaso Productions y un elenco d'o que en fan parte, entre d'atros actors, Clint Eastwood, Bradley Cooper, Laurence Fishburne, Michael Peña, Dianne Wiest, Ignacio Serricchio, Andy García, Taissa Farmiga, Kinsley Isla Dillon, Alison Eastwood, Richard Herd, Lobo Sebastian, Manny Montana, Noel G., Eugene Cordero, Clifton Collins Jr., Victor Rasuk, Robert LaSardo y Daniel Moncada.

Earl Stone ye un veterano d'a guerra de Corea que agora ye en a retreta y s'adedica a la horticultura. Tien problemas con a suya familia porque toz consideran que los ha postergau de siempre en beneficio d'o suyo treballo, dica lo punto d'estar esvurciau d'a suya muller. S'esvurció en 2005 en no acudir a la voda de su filla ta recullir un premio profesional, y en 2017 va a visitar a su nieta, Ginny, qui se casa. Tanimientres, no explica a la suya familia que en realidat o suyo negocio de venda de flors ha crebau y lo banco ha embargau a suya casa. En a voda lo contacta un miembro d'un grupo que s'adedica a la venda de droga, que lo recruta ta fer de "mula" ta éls, adedicando-se dende alavez a transportar cocaína dende Mexico dica Illinois. Bien luego destaca en iste peculiar negocio en no estar mai rechistrau en os suyos viaches en estar blanco, d'edat abanzada y respectando siempre las normas de trafico. Transporta grans cantidaz de droga y gana muitos diners. Asinas recupera la suya casa, merca un auto nuevo y paga los estudios de su nieta en a universidat. Pero bien luego plega l'achent Colin Bates a las oficinas d'a Drug Enforcement Administration y recibe informacions sobre la mas rendible "mula" que transporta droga enta Chicago, a la vegada que lo chefe d'o cártel de droga ye asasinau y qui lo substitui considera que toz han de cumplir estrictament as normas, mesmo Stone. O problema ye que en bel meyo d'un transporte d'una gran cantidat de droga avisan a Stone que su ex muller ye morindo.

A cinta s'ambienta en dos momentos diferents, en 2005 y 2017, en Chicago y atros puestos d'Illinois, en Atlanta (Cheorchia), en Texas, en Nuevo Mexico y en Mexico y las suyas escenas se filmoron en Atlanta, Augusta, Canton, Decatur, Jonesboro, McDonough, Norcross y Rome (Cheorchia), Chicago (Illinois) y Las Cruces (y atros puestos de Nuevo Mexico).

Se tracta d'una cinta que ha recibiu bels premios y nominacions, encara que garra d'istos premios no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2018.
• Cintas de 2018.

Vinclos externos

• (en) The Mule en Internet Movie Database.
• (en) The Mule en Box Office Mojo.
• (en) The Mule en Metacritic.
• (en) The Mule en Rotten Tomatoes.

• Datos: Q54812267