The Longest Day (cinta)

Iste articlo ye sobre una cinta de cine belico estausunidense de l'anyo 1962; ta atros usos, se veiga The Longest Day.

The Longest Day
Títol	The Longest Day
Ficha tecnica
Dirección	Ken Annakin Andrew Marton Bernhard Wicki
Dirección artistica	Léon Barsacq Ted Haworth Leila Rubin
Producción	Darryl F. Zanuck
Guión adaptau	Cornelius Ryan Romain Gary James Jones David Pursall Jack Seddon
Basau en	The Longest Day, asayo de Cornelius Ryan (1959)
Musica	Maurice Jarre
Soniu	Joseph de Bretagne Jacques Maumont Gene Radzik William Robert Sivel
Fotografía	Jean Bourgoin Walter Wottitz
Montache	Samuel E. Beetley
Actors	John Wayne Henry Fonda Robert Mitchum Sean Connery Eddie Albert Curd Jürgens Richard Todd Richard Burton Peter Lawford Rod Steiger Irina Demick Gert Fröbe Edmond O'Brien Kenneth More Steve Forrest Red Buttons Jeffrey Hunter Stuart Whitman Tom Tryon Leo Genn Bourvil George Segal Paul Anka Arletty
Color	Blanco y negro Cinemascope
Datos y cifras
País(es)	Estaus Unius
Anyo	1962
Estreno	25 de setiembre de 1962 Francia 4 d'octubre de 1962 Estaus Unius
Chenero(s)	Cine belico
Durada	178 min.
Idioma(s)	Anglés Alemán Francés
Companyías
Productora(s)	Darryl F. Zanuck Productions
Distribución	20th Century Fox
Estudio(s)	Fox Boulogne Studios
Presupuesto	7,75 millons de dólars
Recauto	50,1 millons de dólars
Informacions en bases de datos especializadas:

The Longest Day (títol orichinal en anglés, en aragonés O día mas largo, estrenada en Aragón con o suyo títol traduciu enta lo castellano como El día más largo) ye una cinta de cine estausunidense de cine belico estrenada l'anyo 1962, dirichida por Ken Annakin (ta las escenas britanicas y francesas), Andrew Marton (ta las escenas estauisunidenses) y Bernhard Wicki (ta las escenas alemanas) seguntes un guión adaptau por Cornelius Ryan, Romain Gary, James Jones, David Pursall y Jack Seddon (basau en The Longest Day, un asayo de Cornelius Ryan publicau en 1959 sobre la Operación Overlord), con una banda sonora orichinal de Maurice Jarre, una dirección de fotografía de Jean Bourgoin y Walter Wottitz y una producción cinematografica de Darryl F. Zanuck ta la suya productora cinematografica Darryl F. Zanuck Productions. Conta con un amplismo elenco d'actors, entre los cuals John Wayne, Henry Fonda, Robert Mitchum, Sean Connery, Eddie Albert, Curd Jürgens, Richard Todd, Richard Burton, Peter Lawford, Rod Steiger, Irina Demick, Gert Fröbe, Edmond O'Brien, Kenneth More, Steve Forrest, Red Buttons, Jeffrey Hunter, Stuart Whitman, Tom Tryon, Leo Genn, Bourvil, George Segal, Paul Anka y Arletty.

Se tracta d'una cinta filmada cuasi como si estase un documental que conta los escaicimientois previos a la Operación Overlord (o desembarque lo 6 de chunio de 1944 d'os Aliaus en Normandía, en a Francia ocupada por os alemans mientres a Segunda Guerra Mundial), seguindo con prou fidelidat os feitos y presentando a los actors cada vegada que amanixen en a escena con un retulo a on se i especifica lo personache historico que interpretan. A cinta conta los zaguers días d'os preparativos d'a invasión y contina con os escaicimientos relativos a la propia invasión dica lo momento en que las tropas aliadas consiguen marchar d'as plachas ta dentrar en l'interior d'o país. Presenta simultaniament os escaicimientos en cadaguno d'os dos bandos en guerra, centrando-se muito en as remeranzas de cadaguno d'os partecipants, que en muitos casos heban estau entrevistaus por lo periodista Cornelius Ryan, l'autor d'o libro sobre lo cual se basa lo guión cinematografico, The Longest Day (y que amás tamién partecipó en o propio guión d'a cinta). Cal mencionar tamién que bel uns d'os actors heban estau militars mientres a guerra y mesmo un d'éls, Richard Todd, heba estau un d'os primers oficials aliaus en plegar en as plachas d'o desembarque.

A cinta s'ambienta en chunio de 1944 en Londres y atros puestos d'o Reino Uniu, en o canal d'a Manga y en cuantas localizacions en Francia, en destacando París y muitas atras localizacions en Normandía, amás de bellas atras en Bretanya. As suyas escenas se filmoron parcialment en cuantos puestos a on s'heban escaiciu los feitos narraus, y se filmoron concretament en Saint-Florent (Alta Corcega), Chantilly (Oise), Isla de Ré y La Rochelle (Charente Maritimo), Sainte-Mère-Eglise (A Manga), Bénouville, Cricqueville-en-Bessin, Ouistreham y Port-en-Bessin-Huppain (Calvados) y bella localización en Orne en Francia, en Chipre ta bellas escenas en as plachas, y amás en os Fox Boulogne Studios en Boulogne-Billancourt (Altos d'o Sena), tamién en Francia.

Ye una cinta que ha recibiu cuantos premios y nominacions, en destacando dos Premios Oscar (Millor Fotografía en Blanco y Negro y Millors Efectos Visuals) y tres nominacions (Millor Cinta, Millor Dirección Artistica en Blanco y Negro y Millor Montache) en a suya 35^ena edición, un Premio Globo d'Oro a la Millor Fotografía en Blanco y Negro y una nominación a la Millor Cinta Dramatica en a suya 20^ena edición y un Premio David de Donatello a la Millor Cinta Forana en a suya 8^ena edición.

Elenco

Actor	Papel	Notas
	'

Se veiga tamién

• Cine en 1962.
• Cintas de 1962.

Vinclos externos

• Se veigan as imáchens de Commons sobre The Longest Day.
• (en) The Longest Day en Internet Movie Database.
• (en) The Longest Day en TCM Movie.
• (en) The Longest Day en l'American Film Institute Catalog de l'American Film Institute.

• Datos: Q468484
• Multimedia: The Longest Day (film) / Q468484