The Last Challenge

The Last Challenge
Títol	The Last Challenge
Ficha tecnica
Dirección	Richard Thorpe
Aduyant de dirección	Erich von Stroheim Jr.
Dirección artistica	George W. Davis Urie McCleary
Producción	Richard Thorpe
Guión adaptau	Robert Emmett Ginna John Sherry
Basau en	Pistolero's Progress, novela de John Sherry (1966)
Musica	Richard Shores
Soniu	Franklin Milton
Fotografía	Ellsworth Fredricks
Montache	Richard W. Farrell
Escenografía	Henry Grace Hugh Hunt
Maquillache	William Tuttle
Peluquería	Mary Keats
Actors	Glenn Ford Angie Dickinson Chad Everett Gary Merrill Jack Elam Delphi Lawrence Royal Dano Kevin Hagen Florence Sundstrom Marian Collier Robert Sorrells John Milford Frank McGrath Len Lesser
Color	Metrocolor Panavision
Datos y cifras
País(es)	Estaus Unius
Anyo	1967
Estreno	25 de chunio de 1967 Reino Uniu 27 d'aviento de 1967 Estaus Unius
Chenero(s)	Cine de western
Durada	96 min.
Idioma(s)	Anglés Castellano
Companyías
Productora(s)	Metro-Goldwyn-Mayer
Distribución	Metro-Goldwyn-Mayer
Estudio(s)	Metro-Goldwyn-Mayer Studios
Informacions en bases de datos especializadas:

The Last Challenge (títol orichinal en anglés, en aragonés O zaguer desafiamiento, estrenada en Aragón con o títol de Duelo a muerte en Río Rojo) ye una cinta de cine estausunidense de cine de western estrenada l'anyo 1967, dirichida por Richard Thorpe seguntes un guión adaptau por Robert Emmett Ginna y John Sherry (basau en a novela Pistolero's Progress publicada por John Sherry en l'anyo (1966), con una banda sonora orichinal de Richard Shores, una dirección de fotografía d'Ellsworth Fredricks, una producción cinematografica de Richard Thorpe ta la productora cinematografica Metro-Goldwyn-Mayer y un elenco d'actors formau por Glenn Ford, Angie Dickinson, Chad Everett, Gary Merrill, Jack Elam, Delphi Lawrence, Royal Dano, Kevin Hagen, Florence Sundstrom, Marian Collier, Robert Sorrells, John Milford, Frank McGrath y Len Lesser, entre d'atros.

Dan Blaine ye un antigo pistolero rechenerau que agora ye lo "sheriff" d'un lugar, y ye amás famoso por a suya habilidat en emplegar a pistola. Bel día ye de pesca cuan se li apareixe un choven de Tenessee con qui pescan, minchan a pesca y charran. A la fin o choven li diz que ye de Tennessee y que ye en busca d'un sheriff clamau Dan Blaine ta veyer qui de toz dos ye lo mas rapedo. Cuan Blaine li diz que ye él, o choven diz estar Lot McGuire y diz amás que si hese sabiu qui yera, no hese teniu contacto con él. McGuire s'instala en o lugar a on vive Blaine y prencipian a tener contacto entre éls y mesmo bella colaboración. Blaine veye que en realidat McGuire no ye mala persona, pero la suya novia contracta, sin que Blaine en sepa cosa, a un pistolero ta que mate a McGuire, pero no lo consigue. Atamas d'a buena relación entre éls, a la fin plega lo día en que han de luitar entre éls.

A cinta s'ambienta en bel momento indeterminau d'o sieglo XIX en a suya segunda metat en bel puesto tamién indeterminau de l'ueste d'Estaus Unius, y las suyas escenas se filmoron en Ajo, St. David, Tucson y atros puestos d'Arizona (incluyondo-ie lo disierto de Sonora y lo disierto de Mojave), amás d'en os Metro-Goldwyn-Mayer Studios en Culver City (California).

Elenco

Actor	Papel	Notas
	'

Se veiga tamién

• Cine en 1967.
• Cintas de 1967.

Vinclos externos

• (en) The Last Challenge en Internet Movie Database.
• (en) The Last Challenge en l'American Film Institute Catalog de l'American Film Institute.

• Datos: Q1263867