The Hallelujah Trail

The Hallelujah Trail
Títol	The Hallelujah Trail
Ficha tecnica
Dirección	John Sturges
Aduyant de dirección	Jack N. Reddish
Dirección artistica	Cary Odell
Producción	John Sturges
Guión adaptau	John Gay
Basau en	The Hallelujah Train de Bill Gulick (1963)
Musica	Elmer Bernstein
Fotografía	Robert Surtees
Montache	Ferris Webster
Escenografía	Hoyle Barrett
Vestuario	Edith Head
Maquillache	Robert J. Schiffer
Peluquería	Fae M. Smith
Casting	Lynn Stalmaster
Actors	Burt Lancaster Lee Remick Jim Hutton Pamela Tiffin Donald Pleasence Brian Keith Martin Landau John Anderson Tom Stern Robert J. Wilke Dub Taylor Whit Bissell Helen Kleeb Val Avery Noam Pitlik Billy Benedict Hope Sommers Ted Markland Larry Duran
Color	Panavision Technicolor
Narrador	John Dehner
Datos y cifras
País(es)	Estaus Unius
Anyo	1965
Debantadera	23 de chunio de 1965 Estaus Unius
Chenero(s)	Cine de comedia Cine de western
Durada	165 min.
Idioma(s)	Anglés Sioux
Companyías
Productora(s)	The Mirisch Corporation Mirisch-Kappa Production
Distribución	United Artists
Estudio(s)	Paramount Studios
Presupuesto	7 millons de dólars
Recauto	4 millons de dólars

The Hallelujah Trail (títol orichinal en anglés, en aragonés O sendero de l'aleluya, enguerada en Aragón con o títol en castellano de La batalla de las colinas del whisky, en aragonés A batalla d'os pueyos d'o whisky) ye una cinta de cine estausunidense de cine de comedia de western enguerada l'anyo 1965, dirichida por John Sturges seguntes un guión adaptau por John Gay (basau en a novela The Hallelujah Train que heba publicau Bill Gulick l'anyo 1963), con una banda sonora orichinal d'Elmer Bernstein, una dirección de fotografía de Robert Surtees, una producción cinematografica de John Sturges ta las productoras The Mirisch Corporation y Mirisch-Kappa Production y un elenco a lo cual perteneixen, entre d'atros, os actors Burt Lancaster, Lee Remick, Jim Hutton, Pamela Tiffin, Donald Pleasence, Brian Keith, Martin Landau, John Anderson, Tom Stern, Robert J. Wilke, Dub Taylor, Whit Bissell, Helen Kleeb, Val Avery, Noam Pitlik, Billy Benedict, Hope Sommers, Ted Markland y Larry Duran.

The Hallelujah Trail ye una parodia d'as grans superproduccions de cine de western d'ixas envueltas que conta con un amplo elenco d'estrelas d'o cine estausunidense. A trama, presenyada cuasi como si estase una cinta de cine documental, se centra en os rastriar-se un hibierno extremadament frío y pronto ta l'anyo 1867, que fa temer a los habitants de Denver que las pocas existencias de whisky y bebidas alcolicas d'a localidat no bastarán ta cubrir as necesidaz de bebidas ixe hibierno. Un oraclo, un bebedor de Denver, lis da la solución: contractar a un conoixiu transportista de bebidas alcolicas ta que transporte una caravana con carros cargaus de licor. Tanimientres, un periodista comunica lo feito a Cora Templeton Massingale, una conoixida líder d'o movimiento por a temperanza, qui decide impedir que la caravana plegue en o suyo destino. A la vegada, lo transportista consigue lo refirme d'as autoridaz militars, que ordenan a una unidat de Caballería de l'exercito estausunidense la protección d'o convoy, menazau por os indios sioux que han teniu noticia d'o transporte de whisky. A ixo s'adhiben un grupo d'irlandeses encargaus d'o transporte que planteyan reclamacions laborals a lo suyo empresario, y la milicia ciudadana de Denver, formada por os prencipals y mas destacaus empelucaus de Denver que deciden protecher as bebidas y asegurar que pleguen en Denver. Lo coronel Thaddeus Gearhart ha de solucionar con as suyas tropas ixe empandullo.

A cinta s'ambienta en Denver y atros puestos de Colorado en l'anyo 1867 y las suyas escenas se filmoron en Portal en Arizona, Gallup, Santa Rosa, Shiprock, Tohatchi, Twin Lakes y atras localizacions en Nuevo Mexico y Lune Pine en California, amás d'en os Paramount Studios en Los Angeles en California.

Ye una cinta que ha recibiu bella nominación a bel premio, encara que no a garra premio d'os mas conoixius u destacaus.

Elenco

Actor	Papel	Notas
[[]]	'

Se veiga tamién

• Cine en 1965.
• Cintas de 1965.

Vinclos externos

• (en) The Hallelujah Trail en Internet Movie Database.
• (en) The Hallelujah Trail en l'American Film Institute Catalog de l'American Film Institute.
• (en) The Hallelujah Trail en TCM Movie.
• (en) The Hallelujah Trail en AllMovie.
• (en) The Hallelujah Trail en Rotten Tomatoes.