The Guru (cinta de 2002)

Iste artico ye sobre una cinta de cine de comedia musical romantica de cine estausunidense de l'anyo 2002; ta atros usos, se veiga The Guru y The Guru (cinta).

The Guru
Títol	The Guru
Póster d'a cinta.
Ficha tecnica
Dirección	Daisy von Scherler Mayer
Aduyant de dirección	Alex Fernández
Dirección artistica	Mario Ventenilla
Producción	Tim Bevan Eric Fellner Michael London
Disenyo de producción	Stephen Alesch Robin Standefer
Guión orichinal	Tracey Jackson
Musica	David Carbonara
Fotografía	John de Borman
Montache	Cara Silverman Bruce Green
Escenografía	Donna Hamilton Malavika Talukder
Vestuario	Michael Clancy
Maquillache	C. Romania Ford David Forrest Rajesh Setia Chhotu Sheikh
Peluquería	Shashi Thapa Awal Angel De Angelis Patricia Grande Jamal Hammadi
Casting	Ali Farrell Laura Rosenthal
Actors	Jimi Mistry Heather Graham Marisa Tomei Dash Mihok Michael McKean Christine Baranski Ronald Guttman Thomas McCarthy Emil Marwa Ajay Naidu Charles Singh Bobby Cannavale Malachy McCourt Sanjeev Bhaskar Anita Gillette
Datos y cifras
País(es)	Reino Uniu Francia Estaus Unius
Anyo	2002
Estreno	21 d'agosto de 2002 Festival Internacional de Cine de Noruega (Haugesund, Rogaland, Noruega) 23 d'agosto de 2002 Reino Uniu Festival de Cine Irlandés y Britanico de Cherbourg-Octeville (Cherbourg-Octeville, A Manga, Francia) 10 de chinero de 2003 Festival Internacional de Cine de Palm Springs (Palm Springs, California, Estaus Unius)
Chenero(s)	Cine de comedia Cine musical Cine de romance
Durada	94 min.
Idioma(s)	Anglés Hindi
Companyías
Productora(s)	StudioCanal Working Title Films
Distribución	Universal Pictures
Presupuesto	11 millons ]de dólars
Recauto	24 millons de dólars
Informacions en bases de datos especializadas:

The Guru (títol orichinal en anglés, en aragonés O gurú, estrenada en Aragón con o títol en castellano d'El gurú del sexo, en aragonés O gurú d'o sexo) ye una cinta de cine de comedia musical romantica coproducida por o cine estausunidense, lo cine britanico y lo cine francés, estrenada l'anyo 2002, dirichida por Daisy von Scherler Mayer seguntes un guión orichinal de Tracey Jackson, con una banda sonora orichinal de David Carbonara, una dirección de fotografía de John de Borman y una producción cinematografica de Tim Bevan, Eric Fellner y Michael London ta las productoras StudioCanal y Working Title Films. Fan parte de l'elenco d'a cinta Jimi Mistry, Heather Graham, Marisa Tomei, Dash Mihok, Michael McKean, Christine Baranski, Ronald Guttman, Thomas McCarthy, Emil Marwa, Ajay Naidu, Charles Singh, Bobby Cannavale, Malachy McCourt, Sanjeev Bhaskar y Anita Gillette, entre d'atros actors.

Ramu Gupta ye un profesor de baile en Delhi en a India, y siempre ha deseyau vivir en Estaus Unius, fer bailes modernos occidentals y fer carrera como actor. Finalment, decide marchar seguindo los pasos d'o suyo primo Vijay enta Nueva York, creyendo las informacions d'iste de que vive de marabiella. Tanimientre, nomás plegar-ie descubre que Vijay heba apoderau muitismo la suya forma de vida, que ye vivindo en un piso compartiu y que treballa de cambrero en un restaurant indio. En buscando treballo como actor, troba lo que él creye que ye un papel normal pero se troba en bel meyo d'un rodache d'una cinta de cine pornografico, a on conoix a Sharonna, una polidisma actriz pornografica, y queda paralizau cuan ha de tener relacions sexuals con ella. En rematar o rodache, sigue a la mesacha y ista li da bels consellos sobre cómo actuar en una cinta pornografica. Cuan en o suyo treballo como cambrero ha de partecipar en o catering en una fiesta a on ha d'apareixer un gurú, iste s'enferia y no puet fer cosa, y Ramu Gupta ha de preentar-se como si él estase lo gurú. Como no sabe qué decir, opta por adaptar os consellos que li ha dau Sharonna y ixo impresiona a Lexi, a mesacha ta qui se fa la fiesta por o suyo cabo d'any. Lexi lo promociona con prou exito entre las suyas amistaz cmo un gurú New Age d'o sexo y Ramuopta por contractar a Sharonna ta que li de consellos, en teorís sobre cómo actuar pero en realidat que él fa servir dimpués como reflexions d'o gurú que diz estar. Poquet a poquet Ramu s'enamora de Sharonna y ista pareixe que li correspon, pero la mesacha tiene bien preent que ye novia d'un pompero, encara que iste no sabe cosa d'a vida secreta d'a suya novia, y chustament a suya voda ye bien amán. O día previsto ta la voda, Ramu marcha decidiu a impedir a voda y convencer a Sharonna de que se case con él.

A cinta s'ambienta en a suya epoca actual (2002) en Delhi en a India y en Nueva York en os Estaus Unius, y las suyas escenas se fimoron en ixas dos mesmas ciudaz.

Se tracta d'una cinta que ha recibiu bella nominación a bel premio, pero qu no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2002.
• Cintas de 2002.

Vinclos externos

• (en) The Guru en Internet Movie Database.
• (en) The Guru en Box Office Mojo.
• (en) The Guru en Rotten Tomatoes.
• (en) The Guru en Metacritic.

• Datos: Q1197236