The Grifters (cinta)

Iste ye un articlo sobre una cinta de cine negro d'intriga policiaca estausunidense de l'anyo 1990; ta atros usos, se veiga The Grifters.

The Grifters
Títol	The Grifters
Ficha tecnica
Dirección	Stephen Frears
Dirección artistica	Leslie McDonald
Producción	Martin Scorsese Robert A. Harris Jim Painten
Disenyo de producción	Dennis Gassner
Guión adaptau	Donald E. Westlake
Basau en	The Grifters, novela de Jim Thompson (1963)
Musica	Elmer Bernstein
Soniu	Mick Boggis Jeremy Child Richard Dunford Derek Holding Peter Maxwell Folasade Oyeleye Kant Pan Gill Parry Colm Sexton John Sutton Ian Wright
Fotografía	Oliver Stapleton
Montache	Mick Audsley
Escenografía	Nancy Haigh
Vestuario	Richard Hornung
Maquillache	Gina DiMaria Alec Gillis Julie Hewett Tom Woodruff Jr.
Peluquería	Cydney Cornell Lori Guidroz
Casting	Juliet Taylor Victoria Thomas
Actors	John Cusack Anjelica Huston Annette Bening Pat Hingle J. T. Walsh Charles Napier Henry Jones Gailard Sartain Noelle Harling Paul Adelstein Jeremy Piven Stephen Tobolowsky Xander Berkeley Frances Bay Sandy Baron Eddie Jones
Color	Panavision
Datos y cifras
País(es)	Estaus Unius Canadá
Anyo	1990
Estreno	14 de setiembre de 1990 Festival Internacional de Cine de Toronto (Toronto, Ontario, Canadá) 5 d'aviento de 1990 Estaus Unius
Chenero(s)	Cine negro Cine d'intriga Cine policiaco
Durada	110 min.
Idioma(s)	Anglés
Companyías
Productora(s)	Cineplex Odeon Films
Distribución	Miramax Films
Recauto	13,4 millons de dólars
Informacions en bases de datos especializadas:

The Grifters (títol orichinal en anglés, en aragonés Os esculabolsas, estrenada en Aragón con o suyo títol traduciu enta lo castellano como Los timadores) ye una cinta de cine negro d'intriga policiaca estrenada en 1990 y coproducida por o cine estausunidense y lo cine canadiense, dirichida por Stephen Frears seguntes un guión adaptau por Donald E. Westlake (basau en a novela The Grifters, que heba publicau Jim Thompson en l'anyo 1963), con una banda sonora orichinal d'Elmer Bernstein, una dirección de fotografía d'Oliver Stapleton, una producción cinematografica de Martin Scorsese, Robert A. Harris y Jim Painten ta la productora cinematografica Cineplex Odeon Films y un elenco d'o cual en fan parte, entre d'atros actors, John Cusack, Anjelica Huston, Annette Bening, Pat Hingle, J. T. Walsh, Charles Napier, Henry Jones, Gailard Sartain, Noelle Harling, Paul Adelstein, Jeremy Piven, Stephen Tobolowsky, Xander Berkeley, Frances Bay, Sandy Baron y Eddie Jones.

Lilly Dillon ye una estafadora con prou experiencia. Treballa ta Bobo Justus, un corredor d'apuestas d'a Mafia, fendo grans apuestas en os hipodromos ta reducir probabilidaz d'atros apostadors. Cuan marcha de camín enta La Jolla ta un treballo, s'atura en Los Angeles ta visitar a su fillo Roy, un estafador carguillón, a qui fa 8 anyos que no veye. Lo troba feriu en haber estau bataniau en descubrir-lo en una trapalanda, y lo leva enta l'hespital en menazando s los medicos con os suyos vinclos con a Mafia. En l'hespital conoix a Myra Langtry, la novia de Roy, qui immediatament li caye mal. Lilly insta a su fillo a albandonar ixe mundo . O problema ye que con tot ixo plega tarde enta La Jolla y astí un chugador gana una apuesta de 70 a 1, i ixo enfuria a Bobo, que la escarapelia y li crema la man con un cigarro. Myra, la novia de Roy, tamiñen ye timadora, fendo servir de vegadas mesmo lo sexo ta los suyos fins. Myra quiere treballar con Roy, pero iste se resiste, aconsellau amás por su mai, y Myra preba de que se distancie de su mai acusando-lo de tener un intrés incestuoso en su mai, pero Rpy reacciona en deixando a Myra. Ista descubre que Lilly ha estau robando a Bobo y ta vengar-se lo li diz, y Lilly ha de fuyir, seguida por Myra, qui quiere matar-la y robar-le los diners. Pero Lilly consigue estar ella qui mate a Myra, provocando un incendio ta simular a suya propia muerte en aproveitando lo calavre de Myra. Cuan li amuestran o calavre a Roy, iste identifica a su mai, encara que para cuenta de que no tiene en a man a marca d'a cremada d'o cigarro.

A cinta s'ambienta en a suya epoca actual (1990) en Los Angeles) y las suyas escenas se filmoron en Los Angeles, San Diego, Santa Clarita y atros puestos de California y en Phoenix (Arizona).

Se tracta d'una cinta que ha recibiu cuantos premios y nominacions, en destacando cuatre nominacions a los Premios Oscar en 1991 mientres a 63^ena edición (Millor Director, Millor Actriz, Millor Actriz Segundaria y Millor Guión Adaptau); y una nominación a lo Premio Globo d'Oro a la Millor Actriz Dramatica ixe mesmo anyo en a 48^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1991.
• Cintas de 1991.

Vinclos externos

• (en) The Grifters en Internet Movie Database.
• (en) The Grifters en Rotten Tomatoes.
• (en) The Grifters en Box Office Mojo.

• Datos: Q304488