The French Connection (cinta)

Iste articlo ye sobre una cinta estausunidense de cine negro d'intriga d'acción; ta atros usos, se veiga The French Connection.

The French Connection
Títol	The French Connection
Ficha tecnica
Dirección	William Friedkin
Aduyant de dirección	Terence A. Donnelly William C. Gerrity
Dirección artistica	Ben Kasazkow
Producción	Philip D'Antoni
Guión adaptau	Ernest Tidyman
Basau en	The French Connection, asayo de Robin Moore (1969)
Musica	Don Ellis
Soniu	Christopher Newman Theodore Soderberg
Fotografía	Owen Roizman
Montache	Gerald B. Greenberg
Escenografía	Edward Garzero
Vestuario	Joseph Fretwell III
Maquillache	Irving Buchman
Efectos especials	Sass Bedig
Casting	Robert Weiner
Actors	Gene Hackman Fernando Rey Roy Scheider Tony Lo Bianco Marcel Bozzuffi Frédéric de Pasquale Bill Hickman Ann Rebbot Harold Gary Arlene Farber Eddie Egan André Ernotte Sonny Grosso Randy Jurgensen Alan Weeks
Color	Color by DeLuxe
Datos y cifras
País(es)	Estaus Unius Francia
Anyo	1971
Estreno	7 d'octubre de 1971 Los Angeles (California, Estaus Unius) 14 de chinero de 1972 Francia
Chenero(s)	Cine negro Cine d'intriga Cine d'acción
Durada	104 min.
Idioma(s)	Anglés Francés Italiano
Companyías
Productora(s)	Philip D'Antoni Productions Schine-Moore Productions
Distribución	20th Century-Fox
Presupuesto	1,8-2,2 millons de dólars
Recauto	75 millons de dólars
Succesión de cintas
Succedida por	French Connection II (1975, John Frankenheimer)
Informacions en bases de datos especializadas:

The French Connection (títol orichinal en anglés, en aragonés A connexión francesa, estrenada en Aragón con o títol en castellano de Contra el imperio de la droga, en aragonés Contra l'imperio d'a droga) ye una cinta coproducida por o cine estausunidense y lo cine francés de cine negro d'intriga d'acción estrenada l'anyo 1971, dirichida por William Friedkin seguntes un guión adaptau por Ernest Tidyman (basau en The French Connection, un asayo publicau por Robin Moore en l'anyo 1969), con una banda sonora orichinal de Don Ellis, una dirección de fotografía d'Owen Roizman, una producción cinematografica de Philip D'Antoni ta la suya productora cinematografica Philip D'Antoni Productions y ta Schine-Moore Productions, y que conta con un elenco d'o cual en fan parte, entre d'atros, os actors Gene Hackman, Fernando Rey, Roy Scheider, Tony Lo Bianco, Marcel Bozzuffi, Frédéric de Pasquale, Bill Hickman, Ann Rebbot, Harold Gary, Arlene Farber, Eddie Egan, André Ernotte, Sonny Grosso, Randy Jurgensen y Alan Weeks. A cinta tenió una continación, French Connection II (1975, John Frankenheimer).

Alain Charnier diriche una organización de trafico d'heroína en Marsiella. Prepara un treslau de 32 millons de dólars d'heroína enta los Estaus Unius amagando-la en un auto d'o suyo amigo Henri Devereaux, un presentador de televisión que marcha enta Nueva York y que no sabe so que li fa un favor a un amigo, sin saber o conteniu amagau en o suyo auto. En Nueva York, a on i plegará la droga, os detectives d'a Policía Jimmy "Popeye" Doyle y Buddy "Cloudy" Russo treballan en a luita contra lo narcotrafico y a traviés d'o suyo treballo descubren que bien luego plegará enta Nueva York una gran cantidat de droga. Poquet a poquet plegan enta Charnier, a qui siguen. Conoixen a existencia de Devereaux y a la fin deducen que en o suyo auto se troba la droga, asinas que l'incautan. Lis costa, pero troban a droga, encara que la deixan en l'auto ta pillar a tot o grupo en l'intercambio d'a droga por diners.

A cinta s'ambienta en a suya epoca actual (1971) en Marsiella (Bocas d'o Roine) en Francia y en Nueva York (Nueva York) en Estaus Unius) y las suyas escenas se filmoron en Cassís y en a basilica de Nuestra Sinyora d'a Guardia de Marsiella y lo castiello d'If y atras localizacions en Marsiella (Bocas d'o Roine) en Francia y en Nueva York (Nueva York) y Washington, DC en Estaus Unius.

The French Connection ye una cinta que ha recibiu cuantismos premios y ominacions, en destacando cinco Premios Oscar (Millor Cinta, Millor Director, Premio Oscar a lo Millor Actor, Millor Guión Adaptau y Millor Montache), amás d'atras tres nominacions (Millor Actor Segundario, Millor Fotografía y Millor Soniu) en l'anyo 1972, mientres a 44^ena edición de ditos premios; dos Premios BAFTA (Millor Actor y Millor Montache) y atras tres nominacions (Millor Cinta, Millor Director y Millor Soniu) en 1973 mientres a 26^ena edición d'os Premios BAFTA; un Premio David de Donatello a la Millor Cinta Forana en 1972 en a 17^ena edición d'os Premios David de Donatello; y tres Premios Globos d'Oro (Millor Cinta Dramatica, Millor Actor Dramatico y Millor Director) y una nominación a lo Premio Globo d'Oro a lo Millor Guión en 1972 mientres a 29^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1971.
• Cintas de 1971.

Vinclos externos

• Se veigan as imáchens de Commons sobre The French Connection.
• (en) The French Connection en Internet Movie Database.
• (en) The French Connection en l'American Film Institute Catalog de l'American Film Institute.
• (en) The French Connection en Internet Movie Cars Database.

• Datos: Q220735
• Multimedia: The French Connection / Q220735