The Flight of the Phoenix (cinta de 1965)

Iste articlo ye sobre una cinta estausunidense de drama d'aventuras estrenada en 1965; ta atros usos, se veiga The Flight of the Phoenix y The Flight of the Phoenix (cinta).

The Flight of the Phoenix
Títol	The Flight of the Phoenix
Ficha tecnica
Dirección	Robert Aldrich
Aduyant de dirección	Alan Callow Clifford C. Coleman William F. Sheehan
Dirección artistica	William Glasgow
Producción	Robert Aldrich
Guión adaptau	Lukas Heller
Basau en	The Flight of the Phoenix, novela d'Elleston Trevor (1965)
Musica	Frank De Vol
Fotografía	Joseph Biroc
Montache	Michael Luciano
Escenografía	Lucien Hafley
Vestuario	Norma Koch
Maquillache	Edwin Butterworth Terry Miles Ben Nye Jack Stone William Turner Frank Westmore Dee Manges
Efectos especials	Johnny Borgese L.B. Abbott Howard Lydecker
Actors	James Stewart Richard Attenborough Peter Finch Hardy Krüger Ernest Borgnine Ian Bannen Ronald Fraser Christian Marquand Dan Duryea George Kennedy Gabriele Tinti Alex Montoya Peter Bravos William Aldrich Barrie Chase
Color	Color by DeLuxe
Datos y cifras
País(es)	Estaus Unius
Anyo	1965
Estreno	15 d'aviento de 1965 Estaus Unius
Chenero(s)	Cine de drama Cine d'aventuras
Durada	142 min.
Idioma(s)	Anglés Italiano Arabe
Companyías
Productora(s)	The Associates & Aldrich Company
Distribución	20th Century Fox
Presupuesto	3-5 millons de dólars
Recauto	3 millons de dólars
Informacions en bases de datos especializadas:

The Flight of the Phoenix (títol orichinal en anglés, en aragonés O vuelo d'o Phoenix, estrenada en Aragón con o suyo títol traduciu enta lo castellano como El vuelo del Fénix) ye una cinta de cine estausunidense de cine de drama d'aventuras estrenada l'anyo 1965, dirichida por Robert Aldrich seguntes un guión adaptau por Lukas Heller (basau en a novela The Flight of the Phoenix, que heba publicau Elleston Trevor l'anyo 1965), con una banda sonora orichinal de Frank De Vol, una dirección de fotografía de Joseph Biroc y una producción cinematografica de Robert Aldrich ta la productora cinematografica The Associates & Aldrich Company. Fan parte de l'elenco d'a cinta, entre d'atros actors, James Stewart, Richard Attenborough, Peter Finch, Hardy Krüger, Ernest Borgnine, Ian Bannen, Ronald Fraser, Christian Marquand, Dan Duryea, George Kennedy, Gabriele Tinti, Alex Montoya, Peter Bravos, William Aldrich y Barrie Chase.

Frank Towns ye lo piloto d'un avión de transporte Fairchild C-82 Packet que marcha dende Jaghbub en o disierto de Libia dica Bengasi, en Libia, cuan una tormenta d'arena los fa fer una aterrizada forzada fuera de garra pista d'aterrizache, quedando l'avión danyau. Os pasacheros son o capitán Harris y lo sarchento Watson de l'exercito britanico, o doctor Renaud, francés, l'alemán Heinrich Dorfmann, un incheniero aeronautico, Standish, un contable d'una empresa petrolifera y bels treballadors mas d'ixa empresa, Trucker Cobb, un capotaz con problemas de tensión nervosa, Ratbags Crow, un escocés banfollero, Carlos con o suyo mono, y Gabriele. En l'accident mueren dos treballadors y Gabriele queda feriu en una garra. O problema ye que l'avión ye inutilizau, a radio no funciona, son luent d'a suya rota y ta minchar nomás tienen que una gran cantidat de dátils ixutos. O capitán Harris marcha ta buscar un oasi encara que Watson fa creyer que no puet acompanyar-lo por una falsa lesión, acompanyau por Carlos, y Cobb, a qui no dixan marchar con éls por a suya inestabilidat, aproveita la nueit ta seguir-los pero muere de frío en o disierto. Días dimpués torna Harris solo, en bien mal estau. En ixe inte, l'incheniero alemán proposa construyir un avión reduciu en emplegando as partes de l'avión accidentau, dabant de l'escepticismo de Towns, que heba estau piloto mientres a Segunda Guerra Mundial, complicando-se encara mas cuan descubre que l'incheniero alemán mai no ha construyiu un avión real como toz creyeban, porque en realidat nomás fa que disenyar avions d'aeromodelismo.

The Flight of the Phoenix s'ambienta en a suya epoca actual (1965) en Libia y las suyas escenas se filmoron en o campo d'aviación Knob, d'o United States Army, y atros puestos de California y en Yuma en Arizona.

Se tracta d'una cinta que ha recibiu bels premios y nominacions, en destacando dos nominacions a los Premios Oscar (Millor Actor Segundario y Millor Montache) en a suya 38^ena edición, y tres nominacions a los Premios Globos d'Oro (Millor Cinta Dramatica, Millor Actor Segundario y Millor Estrela Emerchent Masculina) en a suya 23^ena edición.

Elenco

Actor	Papel	Notas
	'

Se veiga tamién

• Cine en 1965.
• Cintas de 1965.

Vinclos externos

• (en) The Flight of the Phoenix en Internet Movie Database.
• (en) The Flight of the Phoenix en Rotten Tomatoes.
• (en) The Flight of the Phoenix en TCM Movie.
• (en) The Flight of the Phoenix en l'American Film Institute Catalog de l'American Film Institute.

• Datos: Q495804
• Multimedia: The Flight of the Phoenix (1965 film) / Q495804